लाख रुपये मिळवून देणारा गिलक्या, चौधरी बंधूंची उत्तम सेंद्रीय शेती

धुळे जिल्ह्यातील चौधरी बंधूंनी अशाच सेंद्रीय शेतीनं प्रगती साधली आहे. सेंद्रीय पद्धतीनं लागवड केलेल्या गिलक्यांमधून त्यांना लाखोंचा नफा मिळत आहे.

Chaudhary brothers earn millions of profits through organic farming

धुळे : रसायनिक शेतीच्या विपरित परिणामांमुळे शेतकऱ्यांच्या मृत्यूचे प्रमाण दिवसेंदिवस वाढत आहे. या परिणामांमुळे शेतकरी आता सेंद्रीय शेतीकडे वळत आहेत. धुळे जिल्ह्यातील चौधरी बंधूंनी अशाच सेंद्रीय शेतीनं प्रगती साधली आहे. सेंद्रीय पद्धतीनं लागवड केलेल्या गिलक्यांमधून त्यांना लाखोंचा नफा मिळत आहे.

रसायनिक कीटकनाशकांच्या वारेमाप वापरामुळे पिकांची हानी तर होतेच, शिवाय, जमिनीचा पोतही बिघडतो. हे नुकसान टाळण्यासाठी  सेंद्रीय शेतीचा उत्तम पर्याय समोर येत आहे. याच सेंद्रीय शेतीमुळे धुळे जिल्ह्यातील वरखेडी गावच्या चौधरी बंधुंना लाखोंचा नफा मिळत आहे.

गेल्या १८ वर्षांपासून प्रभाकर आणि मधुकर चौधरी या भावंडांनी आपल्या 20 एकर वडिलोपार्जित शेती सेंद्रीय पद्धतीने करत आहेत. यंदा जून महिन्याच्या सुरुवातीला त्यांनी अडीच एकरात गिलक्याची लागवड केली. दोन महिन्यातच या लागवडीतून त्यांना 3 लाखांचा नफा मिळाला आहे.

यासाठी त्यांनी घरातील पशुधनाच्या मलमुत्राचा वापर त्यांनी खत निर्मितीसाठी केला. सोबतच जिवामृत आणि गांडूळखतांचीही निर्मिती केली. पाटपाण्याद्वारे आणि ठिबकाद्वारे या सेंद्रीय द्रव्यांची मात्रा दिली. शेताच्या बांधावर गिरीपुष्पाचीही लागवड केली. त्याच्या पाल्याचा ते मल्चिंगसाठी वापर करतात. कीड व्यवस्थापनासाठी सेंद्रीय कीटकनाशकांसोबतच त्यांनी मित्र कीटकांचा वापर केला. सोबतच शेतात फेरोमेन सापळेही लावलेत. या सगळ्यांमुळे चौधरी बंधुंना गिलक्याचं भरघोस आणि विषमुक्त उत्पादन मिळालं.

चौधरी बंधूंनी गीलक्यांची मंडपावर लागवड केली. लागवडीनंतर 45 दिवसात उत्पन्न मिळण्यास सुरुवात झाली .रोज साधारण 400 ते 500 किलो गिलक्यांची तोडणी होत असते. सध्या बाजारात या गिलक्यांना 30 ते 40 रुपये प्रती किलोचा दर मिळतो. पहिल्या दोन महिन्यातच त्यांना 3 लाखांचा निव्वळ नफा मिळाला. आता आणखी 2 महिन्यांचा बहर असल्यानं त्याच्या विक्रीतून किमान 2 लाखांच्या नफ्याची त्यांना अपेक्षा आहे.

कोणतंही पीक घेतांना निम्मा खर्च त्याच्या देखभालीवर होतो. वेगवेगळ्या रसायनिक कीटकनाशक आणि खतांचा वापर करण्यापेक्षा चौधरी बंधूंनी सेंद्रीय शेती केली. यामुळे उत्पादनात वाढ होऊन, खर्चात मात्र घट झाली. ही खर्चातली घट म्हणजे एक नफाच असल्याचं ते म्हणतात. गिलक्याच्या यशस्वी उत्पादनातून चौधरी बंधूंनी सेंद्रीय शेतीचं एक उदाहरण शेतकऱ्यांपुढे ठेवलं आहे.

Agriculture News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:Chaudhary brothers earn millions of profits through organic farming
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

कर्जमाफी लाभार्थ्यांच्या यादीत तुमचं नाव आहे का? इथे चेक करा!
कर्जमाफी लाभार्थ्यांच्या यादीत तुमचं नाव आहे का? इथे चेक करा!

मुंबई: महाराष्ट्रातील शेतकऱ्यांच्या कर्जमाफीची रक्कम आजपासून

अनुसूचित जातींचा निधी सरकार कर्जमाफीसाठी वापरणार
अनुसूचित जातींचा निधी सरकार कर्जमाफीसाठी वापरणार

मुंबई : शेतकरी कर्जमाफीसाठी अनुसूचित जाती उपयोजनेचा निधी मंजूर

गोधनातून वर्षाला 36 लाखांची कमाई, माझाचा स्पेशल रिपोर्ट
गोधनातून वर्षाला 36 लाखांची कमाई, माझाचा स्पेशल रिपोर्ट

नाशिक : आपल्या आजूबाजूला घडत असलेल्या नकारात्मक गोष्टींकडे न पाहता

एबीपी माझाचं व्हॉट्सअॅप बुलेटीन 15/10/2017
एबीपी माझाचं व्हॉट्सअॅप बुलेटीन 15/10/2017

  शिवसेनेचं नीच राजकारण, उद्धवची खेळी कधीच विसरणार नाही, राज

फवारणीतून विषबाधा रोखण्यासाठी हेल्मेटचा वापर
फवारणीतून विषबाधा रोखण्यासाठी हेल्मेटचा वापर

वर्धा : गेल्या काही दिवसांपासून कीटकनाशक फवारणीतून विषबाधा होऊन 30

पुणतांब्यात नव्या क्रांतीची तयारी, शेतकरी गावरान वाणाची पेरणी करणार
पुणतांब्यात नव्या क्रांतीची तयारी, शेतकरी गावरान वाणाची पेरणी...

पुणतांबा (अहमदनगर) : शेतकरी संपाची मशाल पेटवणाऱ्या पुणतांब्यातून

मुख्यमंत्र्यांवर हत्येचा गुन्हा दाखल झाला पाहिजे : बाळा नांदगावकर
मुख्यमंत्र्यांवर हत्येचा गुन्हा दाखल झाला पाहिजे : बाळा नांदगावकर

यवतमाळ : कीटकनाशक फवारणीमुळे शेतकऱ्यांच्या मृत्यूस सरकारी यंत्रणा

मनसेचा आक्रमक पवित्रा, शेतकरी मृत्यूप्रकरणी यवतमाळमध्ये तोडफोड
मनसेचा आक्रमक पवित्रा, शेतकरी मृत्यूप्रकरणी यवतमाळमध्ये तोडफोड

यवतमाळ: कीटकनाशकं फवारणी अनेक शेतकऱ्यांच्या जीवावर उठल्यानंतर,

अकोल्यात 14 कोटींचा अवैध कीटकनाशक साठा जप्त
अकोल्यात 14 कोटींचा अवैध कीटकनाशक साठा जप्त

अकोला : कीटकनाशक फवारणी करताना शेतकऱ्यांचा विषबाधा होऊन मृत्यू

दुष्काळी भागात ‘तेजोमय’ शेती, पॉलीहाऊसच्या हायटेक शेतीतून लाखोंचा नफा
दुष्काळी भागात ‘तेजोमय’ शेती, पॉलीहाऊसच्या हायटेक शेतीतून लाखोंचा...

सांगली : दुष्काळग्रस्त भागात जिथे साधी शेती करणंही अवघड असतं, तिथे