वडिलोपार्जित शेतीतून ST महामंडळातील अधिकाऱ्याचे 40 टन डाळिंबाचे उत्पादन

By: संजय सोनवणे, एबीपी माझा, धुळे | Last Updated: Saturday, 4 March 2017 5:32 PM
वडिलोपार्जित शेतीतून ST महामंडळातील अधिकाऱ्याचे 40 टन डाळिंबाचे उत्पादन

 

धुळे : एसटी महामंडळात नियंत्रक पदावर असलेले राजेंद्र देवरे यांची जशी कार्यालयात शिस्तप्रिय अधिकारी म्हणून ओळख आहे. तशी अधुनिक शेतकरी म्हणूनही त्यांची पंचक्रोशीत ओळख आहे. एकीकडे डाळिंबाचं पीक घेण्यासाठी शेतकरी नाखुश असतांना, दुसरीकडे नोकरी सांभाळत, आपल्या वडिलोपार्जित शेतीतून तब्बल 40 टन डाळिंबाचं उत्पादन घेतलं आहे.

राजेंद्र देवरे यांची धुळे जिल्ह्यातील म्हसदी गावात 13 एकर वडिलोपार्जित शेती आहे. कमी पर्जन्यमान असलेल्या या गावाला डाळिंबाचं गांव म्हणूनही ओळखलं जातं. पण गेल्या काही वर्षापासून या गावाची ही ओळख कालबाह्य होत आहे. पण दुसरीकडे शासकीय सेवेत उच्चपदावर काम करतांना देवरे यांनी आपल्या वडिलोपार्जित शेतीकडे लक्ष करुन सात एकरवर तज्ज्ञ मंडळींच्या सल्ल्यानुसार शेती करुन तब्बल 40 टन डाळिंब उत्पादन घेतलं आहे.

देवरे यांनी शेती करण्यास सुरुवात केल्यानंतर 2013 मध्ये त्यांनी डाळिंबाची लागवड केली. मात्र, अवकाळी पाऊस, नैसर्गिक आपत्ती, डाळिंबावरील तेल्या रोगाचा प्रदुर्भाव, गारपीट या अशा विविध कारणांनी त्यांचं मोठं नुकसान झालं. पण तरीही खचून न जाता, त्यांनी आपली डाळिंब शेती साबूत राहण्यासाठी प्रयत्नांची पराकाष्टा केली.

नुकसान भरुन काढण्यासाठी त्यांनी काहीकाळ आंतरपिकं घेतली. त्यानंतर कृषी तज्ज्ञांच्या सल्ल्यानुसार देवरे यांनी योग्यरित्या पाणी आणि खत व्यवस्थापन करुन एका झाडाला किमान 20 ते 25 किलोपर्यंतच्या डाळिंबाची लागवड केली. सध्या त्यांच्या सात एकरावरील दोन हजार डाळिंबाच्या झाडांमधून 40 टन डाळिंबाचं उत्पादन झालं आहे. यातून त्यांना 32 लाखांचं उत्पन्न मिळेल अशी त्यांची अपेक्षा आहे.

एकीकडे गावातील इतर शेतकऱ्यांनी डाळिंबाच्या बागा काढून दुसरं पीक घेण्यावर भर दिला. तर दुसरीकडे देवरे यांनी आपल्या प्रयत्नांच्या जोरावर तब्बल 40 टन डाळिंबाचे यशस्वी उत्पादन घेतलंय. त्यामुळे म्हसदी परिसरातील देवरे यांची हिरवीगार डाळिंब बाग पाहून गावातील इतर शेतकऱ्यांनीही आता डाळिंब लागवडीची तयारी सुरु केली आहे.

First Published: Saturday, 4 March 2017 5:28 PM

Related Stories

काहीही करा, पण तूर खरेदी करा, शेतकऱ्याची सरकारला आर्त हाक
काहीही करा, पण तूर खरेदी करा, शेतकऱ्याची सरकारला आर्त हाक

हिंगोली/उस्मानाबाद : तूर विक्रीसाठी गेल्या आठ दिवसांपासून

गुजरात पोलीस चांगले, पण... : आमदार बच्चू कडू
गुजरात पोलीस चांगले, पण... : आमदार बच्चू कडू

गांधीनगर: पंतप्रधान नरेंद्र मोदी यांच्या तालिबानी सरकारनं आम्हाला

शेतकऱ्यांसाठी एक रुपयात जेवण...!
शेतकऱ्यांसाठी एक रुपयात जेवण...!

बीड : दिवसेंदिवस महागाई वाढत आहे. अशा काळात एकेवेळचं बाहेर जेवायचं

शेतकरी कर्जमाफीसाठी राष्ट्रवादीचं भजन आंदोलन
शेतकरी कर्जमाफीसाठी राष्ट्रवादीचं भजन आंदोलन

सांगली: सांगलीत शेतकरी कर्जमाफीसाठी राष्ट्रवादी

शेतकऱ्यांचा समूह करुन शेतातच सौर उर्जा निर्मिती : बावनकुळे
शेतकऱ्यांचा समूह करुन शेतातच सौर उर्जा निर्मिती : बावनकुळे

अहमदनगर : विजेची समस्या सोडवण्यासाठी राज्य सरकारने सौर ऊर्जेवर भर

कांदा उत्पादकांना अनुदान देण्यास राज्य सरकारला अखेर मुहूर्त
कांदा उत्पादकांना अनुदान देण्यास राज्य सरकारला अखेर मुहूर्त

मुंबई : कांदा उत्पादकांना अनुदान देण्यास राज्य सरकारकडून अखेर

गरज पडल्यास 22 एप्रिलनंतरही तूर खरेदी सुरु ठेवू : सुभाष देशमुख
गरज पडल्यास 22 एप्रिलनंतरही तूर खरेदी सुरु ठेवू : सुभाष देशमुख

सोलापूर : राज्यातील तूर खरेदी 22 तारखेपर्यंत चालू राहील. गरज भासली तर

बरकत देणारी बकरी, शेळीपालनाची सुरुवात कशी करावी?
बरकत देणारी बकरी, शेळीपालनाची सुरुवात कशी करावी?

बुलडाणा: बुलडाणा जिल्हयातलं लोणार सरोवर प्रसिद्ध आहे. याच परिसरात

व्हायरल सत्य : खरंच शेतकऱ्यांना 3 हजाराची पेन्शन मिळणार का?
व्हायरल सत्य : खरंच शेतकऱ्यांना 3 हजाराची पेन्शन मिळणार का?

मुंबई: शेतकरी कर्जमाफीचा मुद्दा राज्यासह देशभरात गाजत आहे. उत्तर

शेतकरी कर्जमाफीसाठी सरकारचं एक पाऊल पुढे!
शेतकरी कर्जमाफीसाठी सरकारचं एक पाऊल पुढे!

मुंबई: उत्तर प्रदेशातील कर्जमाफीनंतर महाराष्ट्र सरकारवरही