हायटेक नर्सरीच्या माध्यमातून सांगलीच्या शेतकऱ्याची कोट्यवधीची उलाढाल

हायटेक नर्सरीच्या माध्यमातून सांगलीच्या शेतकऱ्याची कोट्यवधीची उलाढाल

सांगली: सध्या नर्सरी व्यवसायात मजुर मिळत नसल्याने मोठी परवड सुरु आहे. पण आपला वडिलोपार्जित नर्सरी व्यवसाय हायटेक करुन मिरज तालुक्यातील बापू वाघमोडे या शेतकऱ्याने कोट्यवधीची उलाढाल गाठली आहे.

यशवंतराव चव्हाण मुक्त विद्यापीठातून कृषी पदवीपर्यंतच शिक्षण पूर्ण केल्यानंतर, १९८३ पासून बापू वाघमोडे यांनी वडिलांच्या दोन गुंठे क्षेत्रावर नर्सरीचा व्यवसायास सुरु केला. चांगल्या प्रतीची, योग्य त्या जातीची निरोगी रोपे पुरविल्यामुळं शेतकऱ्यांचा विश्वास व्यवसायही वाढत गेला. दोन गुंठ्यावर सुरु केलेला हा पसरा आज सात एकरावर पसरला आहे.

वाघमोडे यांची रोपवाटिकेतून आज महाराष्ट्राबरोबरच कर्नाटक, आंध्रप्रदेशातील शेतकऱ्यांना रोपे पुरविण्याचे येतात. या रोपवाटिकेतून वर्षभरात एक कोटीहुन अधिक विविध प्रकारच्या भाजीपाल्यांच्या रोपांची निर्मिती होते.

वाघमोडे यांनी ज्यावेळी नर्सरीचा शेतीला सुरुवात केली, त्यावेळी त्यांनाही अनंत अडचणींचा सामना करावा लागला. वर्षभर इथं मजुरांना काम मिळत असले, तरी ऐन रोप निर्मितीच्या काळात मजुरांची कमतरता भासत होती. म्हणून यावर उपाय म्हणून बापू वाघमोडे गेल्यावर्षी यांनी थेट चीनवरुन सीडलिंग मशीन आयात केलं. यासाठी त्यांना तब्बल 22 लाख रुपये मोजावे लागले. या सीडलिंग मशीनमुळं वाघमोडेंचा मजुरांचा प्रश्न निकाली निघालाच, पण त्याचबरोबर त्यांची वार्षिक उलाढाल कोट्यवधींच्या घरात पोहचली आहे.

सीडलिंग मशीन आणण्यापूर्वी वाघमोडेंना मजुरांवर आणि इतर मिळून महिन्याला सहा लाखापर्यंत खर्च करावा लागत होता. पण आता या यंत्राद्वारे केवळ दोन ते तीन मजुरांवर तासाला ४० ते ४५ हजार बियाण्यांची टोकण होत असल्यानं, वेळ आणि श्रमात बचत झालीय. तसेच यावर वाघमोडेंना महिन्याला केवळ सव्वा लाख रुपये खर्च करावा लागतोय.

कसं चालतं हे सीडलिंग मशिन?
संपूर्ण स्वयंचलित या मशीनमध्ये प्लॅस्टिक ट्रे ठेवल्यानंतर सीटबेल्टद्वारे पुढे सरकतात. सुरवातीला ट्रेमधील कपात कोकोपीट भरलं जातं. यानंतर या भरलेल्या ट्रेमधील कोकोपीटची एकसारखी लेव्हल केली जाते. त्यानंतर बरोबर कपाच्या मध्यभागी समान खोलीवर होल पडून मशीनद्वारेच एकेक बियाणं त्यामध्ये टाकलं जातं. पुढे त्यावर कोकोपीट टाकलं जात. अशा प्रकारे एका तासामध्ये ४० ते ४५ हजार बियाण्याची टोकण केली जातात.

टोकण लाऊन झाल्यानंतर भरलेले ट्रे एका ठिकाणी ठेवून त्याची ३ ते ४ दिवसापर्यंत भट्टी लावली जाते. पुढे हे ट्रे पॉली हाऊसमध्ये आणले जातात. त्यानंतर शेड हाऊसमध्ये १० दिवस आणि हार्डनिंगमध्ये पाच दिवस, असं महिनाभरात दर्जेदार रोपांची निर्मिती होते. कृषी विभागानं वेगवेगळ्या बाबीखाली त्यांना अनुदान दिल आहे.

कमी कालावधीत अधिक रोपांची निर्मिती करण्याच्या बापू वाघमोडे यांच्या हायटेक नर्सरीमुळे त्यांची आज वार्षिक उलाढाल दोन कोटीपर्यंत जाऊन पोहोचली आहे. यातून खर्च वजा केल्यास त्यांना पन्नास लाख रुपये नव्वळ नफा शिल्लक राहतोय.

त्यामुळे नर्सरी उद्योगात नव्यानं येऊ पाहणाऱ्या तरुण शेतकऱ्यांसाठी बापू वाघमोडेंची नर्सरी प्रेरणा देणारीच आहे.

First Published: Friday, 10 February 2017 12:45 PM

Related Stories

 राज्यातील 19 हजार कृषी सेवा केंद्रांवर स्वाईप मशिन
राज्यातील 19 हजार कृषी सेवा केंद्रांवर स्वाईप मशिन

नवी दिल्ली : राज्यातील 19 हजार कृषी सेवा केंद्रावर स्वाईप मशिन सुविधा

शेतकऱ्यांना हवामान बदलाची मोफत माहिती मिळणार!
शेतकऱ्यांना हवामान बदलाची मोफत माहिती मिळणार!

मुंबई : राज्यभर स्वयंचलित हवामान केंद्र उभारणीच्या रखडेल्या

कोकणातील कोकम, नाशिकची वाईन आणि महाबळेश्वरच्या स्ट्रॉबेरीला GI मानांकन
कोकणातील कोकम, नाशिकची वाईन आणि महाबळेश्वरच्या स्ट्रॉबेरीला GI...

मुंबई : कोकणातील कोकम, नाशिकची वाईन आणि महाबळेश्वरची स्ट्रॉबेरी आता

किसानपुत्रांचा एल्गार ! शेतकऱ्यांसाठी आज एकदिवसीय अन्नत्याग
किसानपुत्रांचा एल्गार ! शेतकऱ्यांसाठी आज एकदिवसीय अन्नत्याग

मुंबई : सरकारच्या शेतकरी विरोधी धोरणांना निषेध करण्यासाठी आज

‘युगांक’... 120 दिवसात येणाऱ्या कापसाच्या नव्या प्रजातीचा शोध!
‘युगांक’... 120 दिवसात येणाऱ्या कापसाच्या नव्या प्रजातीचा शोध!

नागपूर: कॉटन रिसर्च इन्स्टिट्यूटने एक आगळवेगळं संशोधन केलं आहे.

सदाभाऊ 7 वा. बांधावर, गारपीटग्रस्त शेतीचे 24 तासात पंचनामे
सदाभाऊ 7 वा. बांधावर, गारपीटग्रस्त शेतीचे 24 तासात पंचनामे

सोलापूर: अवकाळी पाऊस आणि गारपीटीनं नुकसान झालेल्या शेतीचे 24

दुग्ध व्यवसायातून दिवसाला 10 हजार कमावणारा शेतकरी!
दुग्ध व्यवसायातून दिवसाला 10 हजार कमावणारा शेतकरी!

धुळे : धुळे शहराजवळ बिलाडी शिवारात चंद्रकांत केले या प्रगतशील

शेतकऱ्यांच्या न्यायहक्कांसाठी एल्गार, 19 मार्चला राज्यव्यापी उपोषण
शेतकऱ्यांच्या न्यायहक्कांसाठी एल्गार, 19 मार्चला राज्यव्यापी उपोषण

मुंबई : शेतकऱ्यांविषयी सहवेदना व्यक्त करण्यासाठी आणि शेतकरीविरोधी

वडिलोपार्जित शेतीतून ST महामंडळातील अधिकाऱ्याचे 40 टन डाळिंबाचे उत्पादन
वडिलोपार्जित शेतीतून ST महामंडळातील अधिकाऱ्याचे 40 टन डाळिंबाचे...

  धुळे : एसटी महामंडळात नियंत्रक पदावर असलेले राजेंद्र देवरे यांची

राष्ट्रीय कृषी विमा योजनेतून शेतकऱ्यांना 893 कोटी रुपयांची नुकसान भरपाई
राष्ट्रीय कृषी विमा योजनेतून शेतकऱ्यांना 893 कोटी रुपयांची नुकसान...

मुंबई : रब्बी हंगाम 2015-16 मधील 8 अधिसूचित पिकांकरिता राबविण्यात