ब्लँकेट वाटपाच्या श्रेयावरुन भाजपचे आमदार-खासदार भिडले!

सीतापूरमधील महोली तालुक्यात गरिबांना ब्लँकेटचं वाटप करण्यात येत होतं. आमदार शशांक त्रिवेदी यांनी ब्लँकेट वाटपाच्या श्रेयावरुन वाद घातला.

ब्लँकेट वाटपाच्या श्रेयावरुन भाजपचे आमदार-खासदार भिडले!

लखनऊ : विकासकामांच्या श्रेयवादाची लढाई आपण पाहिलीच असेल. त्यासाठी नको नको त्या क्लृप्त्याही वापरलेल्या आपण पाहिल्यात. मात्र उत्तर प्रदेशातील सीतापुरात चक्क ब्लँकेट वाटपाच्या श्रेयासाठी थेट भाजप खासदार विरुद्ध भाजप आमदार अशी लढाई पाहायला मिळाली.

भाजप खासदार रेखा वर्मा आणि भाजप आमदार शशांक त्रिवेदी यांच्यात ब्लँकेट वाटपाच्या श्रेयवादावरुन तुंबळ शाब्दिक बाचाबाची झाली. दोन्हीकडील समर्थक आक्रमक झाले आणि हा वाद इतका वाढला की, खासदार रेखा वर्मा यांनी आमदारावर थेट चप्पलच उगारली.

त्यानंतर दोन्हीकडील समर्थकांमध्ये धक्काबुक्कीही झाली. काहींनी तर टेबलही फेकले. खासदार आणि आमदारांचे समर्थक हातापायवरही आले आणि प्रकार मारहाणीपर्यंत पोहाचला.

सीतापूरमधील महोली तालुक्यात गरिबांना ब्लँकेटचं वाटप करण्यात येत होतं. आमदार शशांक त्रिवेदी यांनी ब्लँकेट वाटपाच्या श्रेयावरुन वाद घातला.

पोलिसांनी मोठ्या प्रयत्नांनी या सर्व प्रकारात हस्तक्षेप करत सर्वांना शांत केले. या सर्व प्रकाराचा व्हिडीओ समोर आल्यानंतर भाजपच्या खासदार आणि आमदारांनी सारवासारव करण्यास सुरुवात केली.

भारत शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Controversy between BJP MP and MLA over Blanket distribution in UP latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV