मुस्लिमांनी बँक कर्मचाऱ्यांच्या घरात लग्न करु नये, दारुल उलूमचा फतवा

इस्लाम धर्मात व्याज देणं अनैतिक आहे, संपूर्ण बँकिंग व्यवस्थाच व्याजावर आधारित असल्यामुळे हा फतवा काढल्याचा दावा दारुल उलूमने केला आहे.

मुस्लिमांनी बँक कर्मचाऱ्यांच्या घरात लग्न करु नये, दारुल उलूमचा फतवा

मुंबई : ज्या घरातील कोणतीही व्यक्ती बँकेत नोकरी करते, अशा घरात मुस्लिम कुटुंबाने आपल्या मुलाचं वा मुलीचं लग्न लावून देऊ नये, असा फतवा दारुल उलूमने जारी केला आहे. बँकिंग क्षेत्रात नोकरी करुन मिळालेला पैसा अनैतिक असल्याचा अजब दावा दारुल उलूमने केला आहे.

इस्लाम धर्मातील कायदे किंवा शरीयतनुसार व्याजावर पैसे देणं आणि घेणं अनैतिक आहे. अनैतिक व्यवसायात गुंतवणूक करणंही चूक आहे. संपूर्ण बँकिंग व्यवस्थाच व्याजावर आधारित असल्यामुळे हा फतवा काढला गेल्याचा दावा दारुल उलूमने केला आहे.

मला लग्नासाठी एक स्थळ आलं आहे, त्या मुलीचे वडील बँकेत नोकरी करतात. तर मी त्या तरुणीशी लग्न करु का, असा प्रश्न एका तरुणाने विचारला होता. त्यानंतर देवबंद उलूमने हा फतवा जारी केला.

जगातील काही देशांमधील इस्लामी बँका व्याजमुक्त बँकिंगच्या सिद्धांतावर काम करतात. इस्लाम धर्मात गुंतवणुकीतून दुसऱ्यांच्या मेहनतीवर लाभ मिळवणं चूक मानलं जातं.

भारत शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Darul Uloom Deoband’s new fatwa bans Muslim from marrying into families of bank employees latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV