बुजगावण्याऐवजी सनी लिओनी, शेतकऱ्याची अनोखी शक्कल

आता जो कुणी शेताकडून जातो, तो सनी लिओनीलाच पाहतो, असेही रेड्डींनी सांगितले.

बुजगावण्याऐवजी सनी लिओनी, शेतकऱ्याची अनोखी शक्कल

हैदराबाद : आंध्र प्रदेशमधील एका शेतकऱ्याने आपल्या शेतीला वाईट नजर लागू नये म्हणून भन्नाट कल्पना शोधून काढलीय. शेतीचं कुठल्या प्राणी-पक्षाने नुकसान करु नये म्हणून कुणी दिवस-रात्र शेतात थांबतो, कुणी गोफण वापरतो, तर कुणी बुजगावणा उभा करतं. आंध्र प्रदेशमधील एका शेतकऱ्याने मात्र अनोखी शक्कल लढवलीय.

ए. चेंचू रेड्डी या शेतकऱ्याने आपल्या शेतात सनी लिओनीचा बिकिनीतल्या फोटोचे दोन बॅनर लावले आहेत. ‘माझ्यावर जळू नका’, असे या बॅनरवर लिहिले आहे. हा शेतकरी आंध्रच्या नेल्लोर जिल्ह्यातील बांदाकिंदिपल्ली गावातील आहे.

Sunny Leone

“खूप वर्षांपासून मला शेतीतून नुकसान सोसावा लागतो आहे. अनेक अडचणींना सामोरं गेलो. मात्र काहीच फायदा झाला नाही.”, असे सांगत शेतकरी ए. चेंचू रेड्डी पुढे म्हणाले, “सनी लिओनी लोकांना आवडते. त्यामुळे लोक माझ्या शेताकडे न पाहता, सनी लिओनीला पाहतील. त्यामुळे माझं शेत वाईट नजरेपासून वाचतील. त्यात यावेळी पीकही चांगले आहे.”

रेड्डी यांनी त्यांच्या एका मित्राच्या सांगण्यावरुन शेतात सनी लिओनीच्या फोटोचं बॅनर लावले आहे. आता जो कुणी शेताकडून जातो, तो सनी लिओनीलाच पाहतो, असेही रेड्डींनी सांगितले. दरम्यान, आता या परिसरात रेड्डींच्या या अनोख्या कल्पनेचीच चर्चा सुरु आहे.

भारत शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Farmer posted sunny leone’s banner in farm
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV