पेट्रोल आणि डिझेलच्या किंमती लवकरच कमी होणार!

नैसर्गिक आपत्तींमुळे आंतरराष्ट्रीय स्तरावर कच्च्या तेलाच्या किंमती वाढल्या, शिवाय रिफायनरी क्षमताही घटली, त्यामुळे पेट्रोल आणि डिझेलच्या दरात वाढ झाल्याची कबुली पेट्रोलियम मंत्री धर्मेंद्र प्रधान यांनी दिली.

Govt hoping that decrease rates of petrol and diesel latest updates

नवी दिल्ली : पेट्रोल आणि डिझेलच्या दरांनी गेल्या काही दिवसांपासून बुलेट ट्रेनप्रमाणे वेग घेतला आहे. 1 जुलै ते 13 सप्टेंबर या काळात पेट्रोलचे दर प्रती लिटर 63.9 रुपयांवरुन 70.38 रुपयांवर पोहोचले, म्हणजेच 7 रुपये 29 पैशांनी दरात वाढ झाली. तर मुंबईत एक लिटर पेट्रोलचे दर 74.30 रुपयांवरुन 79.48 रुपयांवर, म्हणजे 5.18 रुपयांनी दरात वाढ झाली.

पेट्रोल आणि डिझेलच्या किंमतीत होणाऱ्या दरवाढीमुळे जोरदार टीका झाल्यानंतर सरकार आता खडबडून जागं झालं आहे. या संदर्भात पेट्रोलियम मंत्री धर्मेंद्र प्रधान यांनी इंडियन ऑईल, भारत पेट्रोलियम आणि हिंदुस्तान पेट्रोलियम या तेल कंपन्यांच्या वरिष्ठ अधिकाऱ्यांची बैठक बोलावली होती.

ऑगस्ट महिन्यात अमेरिकेत दोन मोठी वादळं आली. यामुळे कच्च्या तेलाच्या किंमती तर वाढल्याच, शिवाय जागतिक स्तरावर रिफायनरी क्षमता 13 टक्क्यांनी कमी झाली. या सर्व कारणांमुळे पेट्रोलचे आंतरराष्ट्रीय दर 18 टक्क्यांनी आणि डिझेलचे आंतरराष्ट्रीय दर 20 टक्क्यांनी वाढले. त्यामुळे भारतातही पेट्रोल आणि डिझेलचे दर वाढले, अशी माहिती धर्मेंद्र प्रधान यांनी दिली.

पेट्रोल आणि डिझेलच्या किंमती आता स्थिर झाल्या आहेत. बुधवारीही पेट्रोल आणि डिझेलचे दर स्थिर असल्याचं दिसून आले. त्यामुळे आता पुढेही दर कमी होतील. कारण जागतिक स्तरावरील परिस्थितीही सामान्य झाली आहे. शिवाय नैसर्गिक आपत्तींचाही आता धोका नाही, असं धर्मेंद्र प्रधान म्हणाले.

पेट्रोल आणि डिझेलवरील कर कायम राहणार

सरकार पेट्रोल आणि डिझेलवरील कर का कमी करत नाही, असा प्रश्नही धर्मेंद्र प्रधान यांना विचारण्यात आला. मात्र सामाजिक जबाबदाऱ्या पूर्ण करण्यासाठी करातून मिळणारं उत्पन्न गरजेचं असल्याचं त्यांनी सांगितलं. याचाच अर्थ सरकार पेट्रोल आणि डिझेलवरील कर कायम ठेवणार आहे.

पेट्रोल आणि डिझेलवर किती कर?

तेल कंपन्यांना 19 ऑक्टोबर 2014 रोजी पेट्रोल-डिझेलचे दर निश्चित करण्याचे अधिकार दिले तेव्हा दिल्लीत पेट्रोलच्या किरकोळ किंमतीमध्ये केंद्र आणि राज्य सरकारच्या एकूण कराची भागीदारी 31 टक्के होती, जी आता 52 टक्क्यांवर पोहोचली असल्याचं तेल कंपन्यांचं म्हणणं आहे. याचप्रमाणे डिझेलच्या किरकोळ किंमतीत केंद्र आणि राज्य सरकारची एकूण भागीदारी 19 ऑक्टोबर रोजी 18 टक्के होती, जी आता 45 टक्क्यांवर पोहोचली आहे.

पेट्रोल आणि डिझेलच्या किंमती वाढण्यास कोण जबाबदार?

पेट्रोल आणि डिझेलवर राज्यांनी सर्वात जास्त कर आकारला आहे. मोदी सरकार सत्तेत आल्यानंतर आंतरराष्ट्रीय स्तरावर कच्च्या तेलाचे दर घसरले होते. मात्र सरकारने त्यावर अनेकदा एक्साईज ड्युटी वाढवली. केंद्र सरकारकडून पेट्रोल आणि डिझेलच्या ठरलेल्या दरांनुसार, तर राज्य सरकारकडून टक्क्यांनुसार एक्साईज ड्युटी वाढवली जाते.

केंद्र सरकारकडून एक लिटर पेट्रोलवर 21.48 रुपये एक्साईज ड्युटी लावली जाते, तर राज्य सरकारकडून (दिल्ली) 27.5 टक्के याप्रमाणे व्हॅट आकारला जातो.

दरम्यान राज्य सरकारने अनेकदा व्हॅट वाढवल्यानेच किंमती उसळल्याचा आरोपही धर्मेंद्र प्रधान यांनी केला. केरळ सरकारने 26 टक्क्यांहून 34, महाराष्ट्र सरकारने 27 टक्क्यांहून 40 आणि दिल्ली सरकारने 20 टक्क्यांहून 27 टक्के एवढा व्हॅट वाढवला आहे.

पेट्रोल आणि डिझेलचा समावेश जीएसटीमध्ये केल्यानंतर याचा थेट फायदा ग्राहकांना होईल. कारण जीएसटीमध्ये समावेश झाल्यानंतर करांमध्ये स्थिरता येईल, असंही धर्मेंद्र प्रधान म्हणाले.

India News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:Govt hoping that decrease rates of petrol and diesel latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

संघाकडे एके-47 सारखी शस्त्रं येतात कुठून? : प्रकाश आंबेडकर
संघाकडे एके-47 सारखी शस्त्रं येतात कुठून? : प्रकाश आंबेडकर

नवी दिल्ली  : ‘राष्ट्रीय स्वयंसेवक संघाची कुठल्याच कायद्यांतर्गत

बर्थडे स्पेशल: मनमोहन सिंह यांचे 5 निर्णय देश विसरु शकणार नाही!
बर्थडे स्पेशल: मनमोहन सिंह यांचे 5 निर्णय देश विसरु शकणार नाही!

नवी दिल्ली: भारताचे माजी पंतप्रधान मनमोहन सिंह यांचा आज वाढदिवस.

राणे-शाहांच्या बैठकीत नेमकं काय काय झालं?
राणे-शाहांच्या बैठकीत नेमकं काय काय झालं?

नवी दिल्ली : भाजपच्या राष्ट्रीय कार्यकारिणीच्या बैठकीच्या दिवशीच

तासाभराने सेल्फी पाहताना समजलं मित्र पाण्यात बुडाला!
तासाभराने सेल्फी पाहताना समजलं मित्र पाण्यात बुडाला!

बंगळुरु : सेल्फीचा नाद एखाद्याच्या जीवावर बेतल्याची अनेक उदाहरणं

हनीप्रीत दिल्लीतच लपल्याची माहिती, अटकपूर्व जामिनासाठी अर्ज
हनीप्रीत दिल्लीतच लपल्याची माहिती, अटकपूर्व जामिनासाठी अर्ज

नवी दिल्ली : बाबा राम रहीमची निकटवर्तीय मानली जाणारी हनीप्रीत

पंतप्रधान मोदींकडून आदित्य ठाकरेंचं जाहीर कौतुक
पंतप्रधान मोदींकडून आदित्य ठाकरेंचं जाहीर कौतुक

मुंबई: देशाचे पंतप्रधान नरेंद्र मोदी यांनी युवासेना प्रमुख आदित्य

'पतंजली'च्या आचार्य बालकृष्णांची संपत्ती 70 हजार कोटी!
'पतंजली'च्या आचार्य बालकृष्णांची संपत्ती 70 हजार कोटी!

मुंबई : बाबा रामदेव यांच्या ‘पतंजली आयुर्वेद’चे प्रमुख आचार्य

SBI खातेधारकांच्या मिनिमम बॅलन्सच्या मर्यादा शिथिल
SBI खातेधारकांच्या मिनिमम बॅलन्सच्या मर्यादा शिथिल

मुंबई : ‘स्टेट बँक ऑफ इंडिया’नं मिनिमम बॅलन्स ठेवण्याच्या अटी

यापुढे घुसखोरी केल्यास जमिनीत गाडू, भारतीय लष्करप्रमुखांचा दहशतवाद्यांना इशारा
यापुढे घुसखोरी केल्यास जमिनीत गाडू, भारतीय लष्करप्रमुखांचा...

नवी दिल्ली : सीमा ओलांडून भारतात आलात, तर जमिनीत गाडू, असा सज्जड दम

अमित शाहांची राहुल गांधींवर जोरदार टीका
अमित शाहांची राहुल गांधींवर जोरदार टीका

मुंबई : भाजपच्या राष्ट्रीय कार्यकारिणी बैठकीत बोलताना भाजप