पाचपैकी चार राज्यात भाजपची सत्ता, मणिपूरमध्येही बहुमत सिद्ध

By: एबीपी माझा वेब टीम | Last Updated: Monday, 20 March 2017 4:03 PM
पाचपैकी चार राज्यात भाजपची सत्ता, मणिपूरमध्येही बहुमत सिद्ध

इंफाळ : गोव्यानंतर भाजपने मणिपूरमध्येही बहुमत सिद्ध केलं आहे. 60 सदस्यसंख्या असलेल्या मणिपूर विधानसभेत भाजपला 33 सदस्यांनी पाठिंबा दिला. भाजपचे यमनम खेमचंद यांची विधानसभेच्या अध्यक्षपदी निवड करण्यात आली आहे.

भाजपचे एन बिरेन सिंह यांनी 16 मार्च रोजी मुख्यमंत्रिपदाची शपथ घेतली होती. मणिपूरमध्ये पहिल्यांदाच भाजप सरकार स्थापन झालं आहे. एक अपक्ष आणि तृणमूल काँग्रेसच्या एका आमदारानेही भाजपला पाठिंबा दिला.

एनपीपीच्या चारही आमदारांना मंत्रिपद

मंत्रिमंडळात मुख्यमंत्री एन बिरेन सिंह यांच्यासह भाजपच्या दोन आमदारांना मंत्रिपद देण्यात आलं आहे. तर एनपीपी 4, एनपीएफ, एलजेपी प्रत्येकी एक आणि काँग्रेस सोडून भाजपमध्ये आलेल्या एका आमदाराला मंत्रिपद दिलं आहे.

भाजपने विधानसभा निवडणुकीत 21 जागांवर विजय मिळवला होता. तर काँग्रेस 28 जागांसह सर्वात मोठा पक्ष ठरला होता. मात्र भाजपने अन्य पक्षांच्या मदतीने सत्ता स्थापन केली.

11 मार्च रोजी पाच राज्यांच्या निकाल लागल्यानंतर चार राज्यात भाजपचा मुख्यमंत्री होईल, असं भाजपचे राष्ट्रीय अध्यक्ष अमित शाह यांनी सांगितलं होतं. गोवा आणि मणिपूरमध्ये संख्याबळ कमी असतानाही भाजपने अन्य पक्षांच्या मदतीने सत्ता स्थापन केली. तर उत्तर प्रदेश आणि उत्तराखंडमध्ये भाजपने बहुमताने सरकार स्थापन केलं.

मणिपूर विधानसभेतील पक्षीय बलाबल :

  • भाजप – 21
  • काँग्रेस – 28
  • नागा पीपल फ्रंट – 4
  • नॅशनल पीपल्स पार्टी – 4
  • तृणमूल काँग्रेस  -1
  • अपक्ष – 1
  • लोकजनशक्ती पार्टी – 1

गोव्यात भाजपची काँग्रेसवर मात

गोव्याचे मुख्यमंत्री मनोहर पर्रिकर यांनी बहुमतासाठीची अग्निपरीक्षा पार पाडली. गोवा विधानसभेत भाजपने 16 विरुद्ध 22 मतांनी विश्वासदर्शक ठराव जिंकला. सर्वोच्च न्यायालयाच्या आदेशानुसार, गोवा विधानसभेत मुख्यमंत्री मनोहर पर्रिकर यांना बहुमत सिद्ध करायचं होतं.

40 जागांच्या गोवा विधानसभेत 13 जागा मिळवणाऱ्या भाजपच्या समर्थनार्थ 22 आमदारांनी मतदान केलं. तर 17 आमदारांनी सरकारविरोधात मत केलं. तर मतदानापूर्वी काँग्रेस आमदार विश्वजीत राणे यांनी सभात्याग केला. अशाप्रकारे पर्रिकर यांनी विधानसभेत बहुमतासाठी आवश्यक 21 आमदारांचा आकडा सहजरित्या पार केला.

विधानसभा निवडणुकीत 40 पैकी काँग्रेसला सर्वाधिक 17 भाजपला 13 महाराष्ट्रवादी गोमंतक पक्षाला 3, गोवा फॉरवर्ड पार्टीला 3 जागा मिळाल्या होत्या. तर अपक्षांना 3 तर राष्ट्रवादीला एक जागा मिळाली होती. त्यातील मगोप, गोवा फॉरवर्ड पार्टी आणि अपक्षांनी भाजपला पाठिंबा दिल्यानं भाजपचं संख्याबळ 21 वर आलं.

उत्तर प्रदेश, उत्तराखंडमध्ये बहुमत

भाजपने देशातील सर्वात मोठं राज्य उत्तर प्रदेशमध्ये मित्रपक्षांसह 325 जागांवर विजय मिळवला. तर काँग्रेस-सपा 54, बसपा 19 आणि 5 अपक्षांनी विजय मिळवला. उत्तर प्रदेशच्या मुख्यमंत्रिपदी योगी आदित्यनाथ विराजमान झाले.

उत्तराखंडमध्येही भाजपने घवघवीत यश मिळवलं. 70 सदस्यसंख्या असलेल्या उत्तराखंड विधानसभेत भाजपने 57 जागांवर विजय मिळवत काँग्रेसकडून सत्ता खेचून आणली. काँग्रेसला केवळ 11 जागांवर समाधान मानावं लागलं. भाजपचे त्रिवेंद्र सिंह रावत उत्तराखंडच्या मुख्यमंत्रिपदी विराजमान झाले आहेत.

पंजाबमध्ये काँग्रेसला घवघवीत यश

मणिपूर आणि गोव्यात सर्वात मोठा पक्ष ठरलेला असतानाही काँग्रेसला सत्ता स्थापन करता आली नसली तरी पंजाबमध्ये मात्र काँग्रेसने बहुमताने सरकार स्थापन केलं आहे. पंजाबचे मुख्यमंत्री म्हणून कॅप्टन अमरिंदर सिंह यांनी शपथ घेतली.

WEB-RESULTS-FNL

संबंधित बातम्या :

योगी आदित्यनाथ उत्तर प्रदेशच्या मुख्यमंत्रिपदी विराजमान

त्रिवेंद्र सिंह रावत उत्तराखंडचे मुख्यमंत्री

भाजपने उत्तर प्रदेश, उत्तराखंड कमावलं, गोवा मात्र गमावलं

मनोहर पर्रिकर गोव्याचे 13वे मुख्यमंत्री, कोंकणीतून शपथ

Assembly Election Result 2017 : पाच राज्यांचे अंतिम निकाल

देशातील 12 राज्य भाजपमय, काँग्रेसचं अस्तित्व नगण्य

UP Assembly Election Result 2017: उत्तर प्रदेशचा निकाल

Punjab Assembly Election Result 2017: पंजाबचा निकाल

GOA Assembly Election Result 2017: गोवा निवडणूक निकाल

Uttarakhand Assembly Election Result 2017 : उत्तराखंडचा निकाल

Manipur Assembly Election Result 2017: मणिपूर विधानसभा अंतिम निकाल

First Published: Monday, 20 March 2017 3:57 PM

Related Stories

तब्बल 246 कोटींची संपत्ती जाहीर, 45 टक्के दंड भरुन सुटका
तब्बल 246 कोटींची संपत्ती जाहीर, 45 टक्के दंड भरुन सुटका

चेन्नई : नोटाबंदीनंतर तामिळनाडू आणि पुदुच्चेरीमध्ये 200 खाजगी

अँटी रोमियो पथकाच्या नावावर तरुण-तरुणींना त्रास, तीन पोलीस निलंबित
अँटी रोमियो पथकाच्या नावावर तरुण-तरुणींना त्रास, तीन पोलीस निलंबित

लखनऊ : उत्तर प्रदेशात महिलांच्या सुरक्षेसाठी नेमण्यात आलेल्या

भूक असेल तेवढंच अन्न घ्या, वाया घालवू नका : पंतप्रधान मोदी
भूक असेल तेवढंच अन्न घ्या, वाया घालवू नका : पंतप्रधान मोदी

नवी दिल्ली : अन्न वाया घालवू नका, ताटात शिल्लक ठेवू नका, असं आवाहन

चिप असलेल्या ई-पासपोर्टला मंजुरी
चिप असलेल्या ई-पासपोर्टला मंजुरी

नवी दिल्ली : ई-पासपोर्ट बनवण्यासाठी इलेक्ट्रॉनिक काँटॅक्टलेस

ट्रेनमध्ये आता ‘विकल्प’, वेटिंग लिस्टमधील प्रवाशांना नो टेन्शन !
ट्रेनमध्ये आता ‘विकल्प’, वेटिंग लिस्टमधील प्रवाशांना नो टेन्शन !

नवी दिल्ली : लांब पल्ल्याच्या प्रवासादरम्यान रेल्वे तिकीट कन्फर्म

लवकरच वाहन परवान्यासाठीही आधार कार्ड सक्तीचं
लवकरच वाहन परवान्यासाठीही आधार कार्ड सक्तीचं

नवी दिल्ली : बनावट वाहन परवाना तयार करण्याच्या प्रकाराला आळा

अरुण जेटलींची मानहानी केल्याप्रकरणी केजरीवालांवर आरोप निश्चित
अरुण जेटलींची मानहानी केल्याप्रकरणी केजरीवालांवर आरोप निश्चित

नवी दिल्ली : अर्थमंत्री अरुण जेटली यांची मानहानी केल्याप्रकरणी

आयकरच्या कारवाईत 49 हजार 247 कोटींची काळी संपत्ती उघड
आयकरच्या कारवाईत 49 हजार 247 कोटींची काळी संपत्ती उघड

नवी दिल्ली : गेल्या चार वर्षात आयकर विभागानं केलेल्या कारवाईत तब्बल

गायकवाडांना सेवा नाकारणाऱ्या एअरलाईन्सविरोधात हक्कभंग आणणार
गायकवाडांना सेवा नाकारणाऱ्या एअरलाईन्सविरोधात हक्कभंग आणणार

नवी दिल्ली : विमानसेवा नाकारणाऱ्या एअरलाईन्सविरोधात शिवसेना

बांगलादेश-पाकिस्तानच्या सीमा सील करणार : राजनाथ सिंह
बांगलादेश-पाकिस्तानच्या सीमा सील करणार : राजनाथ सिंह

ग्वाल्हेर : बांगलादेश आणि पाकिस्तानच्या सीमा लवकरात लवकर सील