जिवंत मुलाला मृत घोषित करणाऱ्या हॉस्पिटलचं लायसन्स रद्द

जोपर्यंत डॉक्टरांना अटक केली जात नाही, तोपर्यंत चिमुकल्याच्या मृतदेहाला हात लावणार नाही, असा पवित्रा चिमुकल्याच्या वडिलांनी घेतला आहे.

जिवंत मुलाला मृत घोषित करणाऱ्या हॉस्पिटलचं लायसन्स रद्द

नवी दिल्ली : जिवंत चिमुकल्याला मृत घोषित करणाऱ्या मॅक्स हॉस्पिटलवर अखेर दिल्ली सरकारने कारवाई केली आहे. शालीमार स्थित मॅक्स हॉस्पिटलचं लायसन्स रद्द करण्यात आले आहे. जिवंत चिमुकल्याला मृत घोषित केल्याप्रकरणी मॅक्स हॉस्पिटल दोषी असल्याचे समोर आले आहे.

दिल्लीचे आरोग्यमंत्री सत्येंद्र जैन यांनी मॅक्स हॉस्पिटलचं लायसन्स रद्द करण्याची घोषणा केली. सत्येंद्र जैन म्हणाले, "मॅक्स हॉस्पिटलला याआधीही नोटीस जारी करण्यात आल्या आहेत. हॉस्पिटल दोषी असल्याचे आढळले आहे. हॉस्पिटल प्रशासनही दोषी आहे."

मॅक्स हॉस्पिटल हे ढिसाळ कारभारात सराईत असल्याचे दिल्ली सरकारने म्हटले आहे. शिवाय, या हॉस्पिटलमध्ये कोणताही रुग्ण भरती केला जाऊ नये, असेही दिल्ली सरकारने आदेश दिले आहेत.

जोपर्यंत डॉक्टरांना अटक केली जात नाही, तोपर्यंत चिमुकल्याच्या मृतदेहाला हात लावणार नाही, असा पवित्रा चिमुकल्याच्या वडिलांनी घेतला आहे.

भारत शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: max hospital licence cancelled by delhi government latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV