ट्रेनसमोर सेल्फी घेताना अपघात नव्हे, 'तो' निव्वळ प्रँक व्हिडिओ

तेलंगणामध्ये राहणारा जिम इन्स्ट्रक्टर शिवा आणि त्याच्या मित्रांनी अख्ख्या जगाला मूर्खात काढलं आहे.

ट्रेनसमोर सेल्फी घेताना अपघात नव्हे, 'तो' निव्वळ प्रँक व्हिडिओ

हैदराबाद : वेगाने धडधडत येणाऱ्या ट्रेनसमोर सेल्फी घेण्याचा प्रयत्न करताना इंजिनच्या धडकेत गंभीर जखमी झालेल्या तरुणाचा व्हिडिओ तुम्हाला आठवत आहे? तो व्हिडिओ पाहून अनेक जणांची झोप उडाली असेल, तर कोण त्याच्या काळजीपोटी तळमळत असेल. इतरांचा थरकाप उडवणारा तरुण स्वतः मात्र शांत चित्ताने झोपला आहे.

कहानी में ट्विस्ट म्हणावा अशी काहीशी परिस्थिती आहे. तेलंगणामध्ये राहणारा जिम इन्स्ट्रक्टर शिवा आणि त्याच्या मित्रांनी अख्ख्या जगाला मूर्खात काढलं आहे. कारण 'तो' व्हिडिओ म्हणजे निव्वळ एक प्रँक व्हिडिओ असल्याचा दावा केला जात आहे.

ट्रेनसमोर धोकादायक सेल्फी घेण्याचा नाद तरुणाच्या अंगलट


 

तो संपूर्ण व्हिडिओ बनावट असून शिवाला कधी ट्रेनने उडवलंच नाही, इतकंच काय, तो साधा रेल्वे ट्रॅकजवळही उभा राहिला नाही, असं समजतं. एबीएन तेलुगू नावाच्या स्थानिक वृत्तवाहिनीने शिवा आणि त्याचे मित्र हा व्हिडिओ व्हायरल झाल्याचं पाहून हसत-खिदळत असल्याचं दाखवलं आहे. व्हिडिओ सोशल मीडियावर पोस्ट झाल्यानंतर शिवा परागंदा झाला होता.

ट्रेनच्या धडकेत शिवाच्या डोक्याला गंभीर दुखापत झाली असून त्याच्यावर रुग्णालयात उपचार सुरु आहेत, असं म्हटलं जात होतं. मात्र हा निव्वळ बनाव असल्याचं आता समोर आलं आहे.



व्हिडिओमध्ये काय 'दिसतं'?

एमएमटीएस ट्रेन येत असताना ट्रॅकच्या शेजारी शिवा उभा होता. स्मार्टफोन हातात घेऊन कॅमेरात बघून तो हसत होता, तर उजव्या हाताने ट्रेनकडे बोट दाखवत होता. मागून ट्रेन येत होती आणि त्याला सावध करण्यासाठी लोको पायलट सातत्याने हॉर्न देत होता. मात्र तरीही शिवा तिथून बाजूला सरकला नाही.

अखेर ट्रेन जवळ आली आणि त्याला धडक देऊन निघून गेली. त्याच्या जवळपास असणाऱ्यांचे चित्कार आणि गडबड व्हिडिओमध्ये ऐकू येतात. व्हिडिओमध्ये त्याला धडक बसतानाची दृश्य तुम्हाला विचलित करु शकतात.

शिवाचा कथित बनावट व्हिडिओ :


भारत शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: The Train Selfie Accident Video was a Prank by Shiva and friends latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV