आज रात्रीच अयोध्येला जाणार : उमा भारती

By: | Last Updated: > Wednesday, 19 April 2017 1:56 PM
uma bharti on supreme court verdicts on babri masjid demolition

नवी दिल्ली : अयोध्या, गंगा आणि तिरंग्यासाठी जीव द्यायलाही तयार आहे. आज रात्रीच अयोध्येत जाऊन रामाचं दर्शन घेणार असल्याची घोषणा केंद्रीय मंत्री उमा भारती यांनी केली.

उमा भारती, लालकृष्ण अडवाणी आणि मुरली मनोहर जोशी यांच्यासह भाजपच्या 13 नेत्यांवर बाबरी मशीद विध्वंस प्रकरणी कट रचल्याचा खटला चालवण्याचे आदेश सुप्रीम कोर्टाने दिले आहेत. त्यानंतर उमा भारती यांनी पहिल्यांदाच या निर्णयावर प्रतिक्रिया दिली.

अयोध्येतील वादग्रस्त वास्तू पाडल्याप्रकरणी सीबीआयच्या याचिकेवर आज सर्वोच्च न्यायालयात सुनावणी झाली. न्यायमूर्ती पीसी घोष आणि न्यायमूर्ती रोहिंटन नरीमन यांच्या खंडपीठाने सीबीआयच्या याचिकेवर हा निकाल दिला आहे.

बाबरी मशीद पाडण्यासाठी कोणताही कट रचला नव्हता. सर्व काही जाहीरपणे झालं होतं. राम मंदिर आंदोलनात सहभाग घेतल्याचा अभिमान आहे, असंही उमा भारती म्हणाल्या.

दरम्यान सुप्रीम कोर्टाच्या निर्णयानंतर मंत्रिपदाचा राजीनामा देण्यास उमा भारती यांनी नकार दिला आहे.

काय आहे बाबरी प्रकरण?
– अयोध्येत 6 डिसेंबर 1992 रोजी भाजप आणि विश्व हिंदू परिषदेची रॅली निघाली.
– रॅलीमध्ये तब्बल 1 लाख 50 हजार कारसेवकांचा समावेश होता.
– राम मंदिराच्या उभारणीसाठी कारसेवकांनी बाबरी मशिदीला वेढा घातला.
– लालकृष्ण अडवाणी, उमा भारती आणि मुरली मनोहर जोशींकडे रॅलीचं नेतृत्व होतं.
– पोलिसांच्या बंदोबस्तानंतरही कारसेवक आणि कार्यकर्त्यांनी बाबरी मशिदीवर चढाई केली.
– कारसेवक आणि कार्यकर्त्यांनी मशिदीचा घुमट पाडला.
– या विध्वंसानंतर दिग्गज नेत्यांसह 68 जणांवर ठपका ठेवण्यात आला.
– बाबरी मशिदीची जागा ही मूळ राम जन्मभूमी असल्याचा कारसेवकांचा दावा आहे.
– मुघलांनी त्या जागी मशिद उभारल्याचाही कारसेवकांनी दावा केला.

बाबरी मशीद खटल्याचा प्रवास
– 1992 मध्ये बाबरी मशीद पाडल्यानंतर दोन गुन्हे दाखल करण्यात आले होते.
– एक गुन्हा (केस नंबर 197) कारसेवकांविरोधात होता तर दुसरा गुन्हा (केस नंबर 198) मंचावर उपस्थित नेत्यांविरोधात होता.
– केस नंबर 197 साठी उच्च न्यायालयाचे सरन्यायाधीशांकडून परवानगी घेऊन खटल्यासाठी लखनौमध्ये दोन विशेष कोर्टांची स्थापना करण्यात आली. तर केस नंबर 198 चा खटला रायबरेलीमध्ये चालवण्यात आला
– केस नंबर 197 चा तपास सीबीआयकडे सोपवण्यात आला. तर 198 चा तपास यूपी सीआईडीने केला होता.
– केस नंबर 198 अंतर्गत रायबरेलीमध्ये सुरु असलेल्या खटल्यात नेत्यांवर भारतीय दंड विधान कलम 120 B लावला नव्हता. परंतु यानंतर गुन्हेगारी कट रचल्याचं कलम लावण्यासाठई कोर्टात याचिका दाखल करण्यात आली. यानंतर कोर्टाने याची परवानगी दिली.
– हायकोर्टात याचिका दाखल करुन दावा केला की, रायबरेलीचा खटलाही लखनौमध्येचा चालावा.
– पण याला नकार देत हे प्रकरण ट्रान्सफर होऊ शकत नाही, कारण नियमानुसार केस नंबर 198 साठी सरन्यायाधीशांची परवानगी घेतलेली नाही.
– यानंतर रायबरेलीमध्ये सुरु असलेल्या खटल्यातून लालकृष्ण अडवाणी यांच्यासह अन्य नेत्यांवरील कटाचा आरोप हटवण्यात आला.
– याच आधारावर 13 नेते या खटल्यातून वाचले ज्यांचं नाव आरोपपत्रात होतं.
-अलाहाबाद हायकोर्टाने 20 मे 2010 च्या आदेशात सत्र न्यायालयाचा निर्णय योग्य असल्याचं सांगितलं.
– पण याला आव्हान देण्यात आठ महिने उशीर झाला.

संबंधित बातम्या :

बाबरी मशीद : अडवाणी, जोशी, भारतींवर कट रचल्याचा खटला!

अडवाणी, उमा भारती आणि कल्याण सिंह यांचं पुढे काय?

India News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:uma bharti on supreme court verdicts on babri masjid demolition
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

वादग्रस्त स्वामी ओम यांना दहा लाखांचा दंड
वादग्रस्त स्वामी ओम यांना दहा लाखांचा दंड

नवी दिल्ली: सातत्याने वादाच्या केंद्रस्थानी असणारे स्वयंभू बाबा

दोनशे रुपयांची नोट उद्या चलनात येणार
दोनशे रुपयांची नोट उद्या चलनात येणार

नवी दिल्ली: 500 आणि दोन हजारानंतर अखेर दोनशे रुपयांची नोटही बाजारात

'राईट टू प्रायव्हसी'चा तुमच्या दैनंदिन आयुष्यावर काय फरक?
'राईट टू प्रायव्हसी'चा तुमच्या दैनंदिन आयुष्यावर काय फरक?

मुंबई : ‘राईट टू प्रायव्हसी’ म्हणजेच व्यक्तिगत गोपनियता हा

'राईट टू प्रायव्हसी' हा मूलभूत अधिकार : सुप्रीम कोर्ट
'राईट टू प्रायव्हसी' हा मूलभूत अधिकार : सुप्रीम कोर्ट

नवी दिल्ली : वैयक्तिक गोपनियता अर्थात राईट टू प्रायव्हसी हा मूलभूत

महामार्गांवरील दारुबंदी महापालिका क्षेत्रांसाठी नाही : सुप्रीम कोर्ट
महामार्गांवरील दारुबंदी महापालिका क्षेत्रांसाठी नाही : सुप्रीम...

नवी दिल्ली : महामार्गांच्या पाचशे मीटर अंतरातील दारुची दुकानं जर

राम रहीम बलात्कार निकाल: पंजाब-हरियाणात अलर्ट, 2 दिवस शाळा-कॉलेज बंद
राम रहीम बलात्कार निकाल: पंजाब-हरियाणात अलर्ट, 2 दिवस शाळा-कॉलेज बंद

चंदीगड : डेरा सच्चा सौदाचा प्रमुख बाबा गुरमीत राम रहीमविरोधातील

सरकारी बँकांच्या विलीनीकरणासाठी सरकारचं मोठं पाऊल
सरकारी बँकांच्या विलीनीकरणासाठी सरकारचं मोठं पाऊल

नवी दिल्ली : सरकारी बँकांच्या विलीनीकरणाच्या दिशेने केंद्र

भारत आणि अमेरिकेचे सैनिक संयुक्त युद्ध सराव करणार
भारत आणि अमेरिकेचे सैनिक संयुक्त युद्ध सराव करणार

नवी दिल्ली : डोकलामवरुन भारत आणि चीनमध्ये तणावाचं वातावरण असताना

मंत्रिमंडळ फेरबदलात सुरेश प्रभूंच्या खांद्यावर पर्यावरण मंत्रालयाची धुरा?
मंत्रिमंडळ फेरबदलात सुरेश प्रभूंच्या खांद्यावर पर्यावरण...

नवी दिल्ली : केंद्रीय रेल्वेमंत्री सुरेश प्रभूंनी राजीनामा दिला, पण

नैतिक जबाबदारी स्वीकारुन राजीनामा देणारे सुरेश प्रभू तिसरे रेल्वेमंत्री
नैतिक जबाबदारी स्वीकारुन राजीनामा देणारे सुरेश प्रभू तिसरे...

नवी दिल्ली : आठवडाभरात रेल्वेचे दोन अपघात झाल्याने, नैतिक जबाबदारी