रायबरेलीत एनटीपीसी प्लांटच्या स्फोटात 16 कामगारांचा मृत्यू

बॉयलरचा स्टीम पाईप फुटल्याने ही दुर्घटना घडल्याची प्राथमिक माहिती आहे.

रायबरेलीत एनटीपीसी प्लांटच्या स्फोटात 16 कामगारांचा मृत्यू

रायबरेली : उत्तर प्रदेशातील एनटीपीसीच्या उंचाहार औष्णिक विद्युत प्रकल्पात बॉयलरचा स्फोट होऊन 16 कामगारांना प्राण गमवावे लागले आहेत, तर 100 पेक्षा जास्त कामगार जखमी झाले आहेत.

बॉयलरचा स्टीम पाईप फुटल्याने ही दुर्घटना घडल्याची प्राथमिक माहिती आहे. 500 मेगावॅटच्या वीज निर्मिती केंद्रात हा स्फोट झाला. आगीत होरपळून 16 जणांचा मृत्यू झाला, तर अनेक जण गंभीररित्या भाजले आहेत.

दुर्घटनेनंतर युद्धपातळीवर मदतकार्य हाती घेण्यात आले असून जखमींना जवळच्या रुग्णालयात दाखल करण्यात आलं आहे. जिल्ह्यातील अनेक ठिकाणांहून अॅम्ब्युलन्स मागवण्यात आल्या आहेत. मृतांचा आकडा वाढण्याची भीती व्यक्त केली जात आहे.

भारत शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Uttar Pradesh : 16 Dead, 100 Injured In Boiler Blast At NTPC Power Plant in Raibareli latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV