यंदाच्या दिवाळीत चिनी मालाच्या विक्रीत 45 टक्के घट होण्याची शक्यता

असोचॅम-सोशल फाऊंडेशनने याबाबतचा सर्वे केला असून, सर्वेक्षणानंतर यंदाच्या दिवाळीत चिनी मालाच्या विक्रीत 45 टक्क्यांनी घट होण्याची शक्यता व्यक्त होत आहे.

यंदाच्या दिवाळीत चिनी मालाच्या विक्रीत 45 टक्के घट होण्याची शक्यता

नवी दिल्ली : यंदाच्या दिवाळीत चिनी वस्तूंच्या विक्रीत मोठी घट होण्याची शक्यता व्यक्त होत आहे. असोचॅम-सोशल फाऊंडेशनने याबाबतचा सर्वे केला असून, सर्वेक्षणानंतर यंदाच्या दिवाळीत चिनी मालाच्या विक्रीत 45 टक्क्यांनी घट होण्याची शक्यता व्यक्त होत आहे.

संस्थेच्या वतीने अहमदाबाद, बंगळुरु, भोपाळ, चेन्नई, देहरादून, हैदराबाद, जयपूर, लखनऊ आणि मुंबई आदी शहरांमध्ये सर्वे करण्यात आला. या सर्वेक्षणामध्ये चिनी उत्पादनांच्या मागणीचं मुल्यांकन केलं गेलं.

या मुल्यांकनानंतर, यंदाच्या दिवाळीत चिनी मालाच्या विक्रीत 40 ते 45 टक्क्यांनी घट होण्याची शक्यता व्यक्त होत आहे. चिनी वस्तूंमध्ये फॅन्सी लायटिंग, लॅम्पशेड, लक्ष्मी-गणपतीची मूर्ती, रांगोळी, फटाके आदींचा समावेश आहे.

सर्वेक्षणानुसार, यंदाच्या दिवाळीत चिनी वस्तूंच्या तुलनेत, भारतीय उत्पादनांना ग्राहकांकडून जास्त पसंती मिळत आहे.

दरम्यान, गेल्यावर्षीच्या दिवाळीत चिनी उत्पादनांच्या विक्रीत 30 टक्क्यांची घट झाली होती. यंदा 45 टक्के घट होण्याची शक्यता व्यक्त होत असल्याने, भारतीयांमध्ये चीन विरुद्धचा वाढता असंतोष स्पष्ट होत आहे.

सूचना : सर्वेक्षणातील दाव्यांची एबीपी माझाने पडताळणी केलेली नाही.

लाईफस्टाईल शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV