औरंगाबादमध्ये गॅस्ट्रोचं थैमान, रुग्णांची संख्या 5 हजारांवर

दूषित पण्याामुळे गॅस्ट्रोची लागण झाल्याचं तपासणी अहवालातून स्पष्ट झालं आहे. तर छावणी परिसरातील पाणी पिण्यास अयोग्य असल्याचं परदेशी आरोग्य आधिकाऱ्यांच्या अहवालात नमूद केलं आहे.

औरंगाबादमध्ये गॅस्ट्रोचं थैमान, रुग्णांची संख्या 5 हजारांवर

औरंगाबाद : औरंगाबादमध्ये गॅस्ट्रोने थैमान घातलं आहे. अवघ्या सहा दिवसात जिल्ह्यातील गॅस्ट्रोच्या रुग्णांची संख्या 100 वरुन 5 हजारांवर पोहोचली आहे.

दूषित पण्याामुळे गॅस्ट्रोची लागण झाल्याचं तपासणी अहवालातून स्पष्ट झालं आहे. तर छावणी परिसरातील पाणी पिण्यास अयोग्य असल्याचं परदेशी आरोग्य आधिकाऱ्यांच्या अहवालात नमूद केलं आहे.

सहा दिवसांत रुग्णांची संख्या 5 हजारांवर पोहोचली आहे, तर सुमारे दीड हजार जणांना सलाईन लावण्यात आली, असं छावणी परिषदेचे उपाध्यक्ष संजय गारोल यांनी सांगितलं.

Gastro

जुलाब, मळमळ, उलट्यांचा त्रास होऊ लागल्याने नागरिकांनी उपचारासाठी सरकारी रुग्णालयात धाव घेतली. कोणाच्या चुकीमुळे नागरिकांना दूषित पाणी मिळालं, यासाठी चौकशी समिती नेमल्याची माहिती, औरंगाबादचे महापौर नंदकुमार घोडीले यांनी दिली आहे.

गॅस्ट्रो जंतूमुळे की विषाणूमुळे?
पुण्यातील राष्ट्रीय विषाणू विज्ञान संस्थेच्या (एनआयव्ही) चार सदस्यीय पथकाने मंगळवारी रुग्णालयाला भेट देऊन परिसरातील पाण्याचे तसंच इतर काही नमुने घेतले. तर बुधवारी काही रुग्णांच्या रक्ताचे नमुने घेण्याची सूचना केली. याच्या अहवालातून गॅस्ट्रोचा प्रसार जंतूमुळे झाला की विषाणूमुळे, हे स्पष्ट होईल.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: 4000 patients hit by gastro problems in Aurangabad
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV