झोका खेळताना गळफास, जळगावात बालकाचा मृत्यू

झोक्याला गोल गोल फिरवताना झोक्याचा दोर पवनच्या गळ्यात अडकला आणि त्याला फास बसला.

झोका खेळताना गळफास, जळगावात बालकाचा मृत्यू

जळगाव : झोक्यावर खेळताना गळफास लागून 13 वर्षीय बालकाचा मृत्यू झाला आहे. जळगावात घडलेल्या या अपघातामुळे सर्वत्र हळहळ व्यक्त केली जात आहे.

जळगावातील पारोळा शहरात पेंढारपुरा भागातील पाताळेश्वर मंदिर परिसरात हा प्रकार घडला. कैलास महाजन हे भाजीपाला व्यापारी आपल्या पत्नी आणि मुलांसह राहतात. सकाळी 9 वाजताच्या सुमारास त्यांचा 13 वर्षीय मुलगा राहत्या घरात झोक्यावर खेळत होता. त्यावेळी कैलास महाजन झोपले होते, त्यांची पत्नी पूजा करत होती, तर धाकटा मुलगा बाहेर खेळत होता.

पवन महाजन घरात मागच्या बाजूला असलेल्या झोक्यावर खेळत होता. त्यावेळी झोक्याला गोल गोल फिरवताना झोक्याचा दोर पवनच्या गळ्यात अडकला आणि त्याला फास बसला. त्यावेळी घराशेजारी एकटा असल्यामुळे त्याचा आवाज कोणापर्यंत पोहचला नाही.

काही वेळाने त्याचे वडील कैलास महाजन मागच्या खोलीत गेले असता पवन झोक्याच्या दोरीला गळफास बसलेल्या अवस्थेत आढळला. गळफास इतका घट्ट बसला होता, की झोक्याचा दोर चाकूने कापून पवनला बाहेर काढावं लागलं.

आधी दोन खाजगी आणि नंतर कुटीर रुग्णालयात त्याला दाखल केलं. मात्र कुटीर रुग्णालयात त्याला मृत घोषित करण्यात आलं. पोलिसात अकस्मात मृत्यूची नोंद करण्यात आली असून या घटनेमुळे परिसरात दुःखाचं वातावरण पसरलं आहे.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Jalgaon : Boy dies after getting tied in swing latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV