शेतीतला रँचो, खोडव्याला खत देणारं भन्नाट यंत्र

शेतीतला रँचो, खोडव्याला खत देणारं भन्नाट यंत्र

कोल्हापूर: सध्या जिथं लावणीचा ऊस तुटलाय, तिथं खोडवा ऊस लागवडीची तयारी सुरु आहे.  खोडवा ऊसाला खताचा वेळेवर हप्ता दिला तर लावणीच्या तुलनेत अधिक उत्पादन मिळतं, असा शेतकऱ्यांचा अनुभव आहे. मात्र हे खत देण्यासाठी शेतकऱ्यांनाही बरीच मेहनत करावी लागते. मजुरांची समस्या भेडसावते. ही मेहनत वाचवण्यासाठी कोल्हापूरच्या एका शेतकऱ्यानं एक यंत्र तयार केलं आहे.

दातेरी चाकं असणारं हे नवं यंत्र नाही तर पॉवर ट्रेलरच आहे. कोल्हापुरातील मिलिंद पाटील या तरुण शेतकऱ्यानं हे तयार केलं आहे. खोडवा ऊसाला खतं द्यायचं कामं हे यंत्र अगदी कमी वेळात आणि कमी कष्टात करतं.

खोडवा ऊसापासून चांगलं उत्पादन मिळवण्यासाठी त्याला वेळेवर खतं देणं गरजेचं असतं. पारंपरिक पद्धतीत पहारीच्या मदतीनं ऊसाच्या बुडख्याजवळ खड्डा करुन खतं दिली जातात. यामध्ये वेळ आणि पैसा जातो. शिवाय ग्रामिण भागात मजुरांची समस्या ठरलेलीच. यावर मात करण्यासाठी पन्हाळा तालुक्यातील पिसात्रीच्या मिलिंद पाटील या एक नामी शक्कल लढवली आणि पॉवर ट्रेलरलाच ही दातेरी चाकं जोडली.

या एका चाकाच वजन ३५ किलो असून यावर बसविलेल्या पहार पद्धतीच्या कोनाची उंची ४ इंच आणि रुंदी २ इंच आहे.एका चाकावर आठ पहारीच्या  आकाराचे कोन असून एक चाकाचा फेरा पूर्ण झाल्यानंतर जमिनीत आठ नाळे किंवा होल पडतात. आणि ऊसाला सहजरित्या खत देता येतं.

खोडवा ऊसाला खत देण्यासाठी मिलिंद यांच्या पत्नीला मजूर शोधण्यासाठी मोठा त्रास व्हायचा. मजूर मिळाले तरी पाहिजे तसं काम होईलच असं नाही..मजुरीची खर्चही भरमसाठ होता..मात्र या यंत्राच्या निर्मितीनंतर त्यांच्या आनंदाला पारावर उरलेला नाही.

हे यंत्र बनवण्यासाठी मिलिंद यांना 5 हजार रुपये खर्च आला आहे. अवघ्या 2 तासात या यंत्राद्वारे एका एकरावरील खोडवा ऊसाला खत देता येतं.  यासाठी फक्त 2 लिटर डिझेल लागतं, म्हणजेच एकरी फक्त 120 रुपये खर्च.

पावणेचार फुटांच्या सरीतील खोडवा ऊसाला खत देण्यासाठी हे यंत्र बनवलं गेलंय. मात्र शेतकरी त्यांच्या गरजेनुसार या यंत्रात बदलही करु शकतात.

कष्ट, पैसा आणि वेळ हे यांत्रिकीकरणामुळं वाचतात. हेच यांत्रिकीकरण मिलिंद यांनी अंगिकारलं. आणि घराच्याच वस्तूपासून यंत्राची निर्मिती केली. हे यंत्र आता पंचक्रोशीतील शेतकऱ्यात फेमस होतंय.

First Published:

Related Stories

मी शेतकऱ्यांचा हनुमान म्हणून सरकारच्या लंकेत: सदाभाऊ
मी शेतकऱ्यांचा हनुमान म्हणून सरकारच्या लंकेत: सदाभाऊ

अहमदनगर: मी शेतकऱ्यांचा हनुमान म्हणून सरकारच्या लंकेत गेलो आहे,

अखेर पाऊस आला, मान्सून केरळात दाखल झाला!
अखेर पाऊस आला, मान्सून केरळात दाखल झाला!

नवी दिल्ली : पावसाची चातकाप्रमाणे वाट पाहणाऱ्या देशवासियांसाठी

''मान्सून राज्यात वेगाने येणार, 2, 3 आणि 4 जूनला पावसाचा अंदाज''
''मान्सून राज्यात वेगाने येणार, 2, 3 आणि 4 जूनला पावसाचा अंदाज''

पुणे : राज्यात मान्सून वेगाने दाखल होईल. 2, 3 आणि 4 जून रोजी पावसाची

ऊसाच्या एफआरपीमध्ये वाढ, केंद्रीय मंत्रिमंडळाच्या बैठकीत शिक्कामोर्तब
ऊसाच्या एफआरपीमध्ये वाढ, केंद्रीय मंत्रिमंडळाच्या बैठकीत...

नवी दिल्ली : दोन वर्षानंतर ऊसाच्या एफआरपीमध्ये वाढ झाली आहे. आज

एफआरपी म्हणजे काय?
एफआरपी म्हणजे काय?

मुंबई : सारखरेच्या दरासंदर्भात सर्रास कानावर पडणारा शब्द म्हणजे

तूर, मोसंबी, मिरचीनंतर आता हळदीच्या दरातही घसरण
तूर, मोसंबी, मिरचीनंतर आता हळदीच्या दरातही घसरण

सांगली : तूर, मोसंबी, मिरची आणि आता हळदीच्या उत्पादनात 20 ते 25 टक्के वाढ

खरीप हंगामासाठी 'महाबीज' 6 लाख क्विंटल बियाणं बाजारात आणणार
खरीप हंगामासाठी 'महाबीज' 6 लाख क्विंटल बियाणं बाजारात आणणार

अकोला : येत्या खरीप हंगामासाठी ‘महाराष्ट्र राज्य बियाणे

शेतकऱ्यांच्या प्रतिकात्मक प्रेतयात्रेच्या तयारीत असलेला शेतकरी ताब्यात
शेतकऱ्यांच्या प्रतिकात्मक प्रेतयात्रेच्या तयारीत असलेला शेतकरी...

मुंबई : महाराष्ट्रातील शेतकऱ्यांची प्रतिकात्मक प्रेतयात्रा

शिवसेनेच्या मेळाव्यात अस्थी घेऊन शेतकरी मंचावर
शिवसेनेच्या मेळाव्यात अस्थी घेऊन शेतकरी मंचावर

नाशिक: नाशिकमध्ये सुरु असलेल्या शिवसेनेच्या मेळाव्यातल्या एका

मोदींनी 'चाय पे चर्चा' केलेले दीडशे शेतकरी उपोषणासाठी दिल्लीत
मोदींनी 'चाय पे चर्चा' केलेले दीडशे शेतकरी उपोषणासाठी दिल्लीत

नवी दिल्ली : यवतमाळच्या ज्या दाभडी गावात तीन वर्षांपूर्वी