विद्यापीठ नामांतराविरोधात आज सोलापूर बंदची हाक

विद्यीपाठ नामांतराविरोधात सोलापूरमध्ये आज लिंगायत समाजानं सोलापूर बंदची हाक दिली आहे. शिवा संघटना, सिद्धेश्वर भक्त आणि वीरशैव महिला संघटना यांच्यावतीनं बंदची हाक देण्यात आली आहे.

विद्यापीठ नामांतराविरोधात आज सोलापूर बंदची हाक

 

सोलापूर : विद्यीपाठ नामांतराविरोधात सोलापूरमध्ये आज लिंगायत समाजानं सोलापूर बंदची हाक दिली आहे.  शिवा संघटना, सिद्धेश्वर भक्त आणि वीरशैव महिला संघटना यांच्यावतीनं बंदची हाक देण्यात आली आहे.

अनेक वर्षांपासून सोलापुरात नामांतराविरोधात दोन मतं होती. मात्र, काही दिवसांपूर्वी नागपुरात सोलापूर विद्यापीठाला अहिल्यादेवी होळकर यांचं नाव देण्यात आल्याचं मुख्यमंत्र्यांनी घोषित केलं. त्यानंतर या नामांतरावर लिंगायत समाजानं तीव्र नाराजी व्यक्त केली.

लिंगायत समाजाकडून सोलापूर विद्यापीठाला शिवयोगी सिद्धरामेश्वर यांचं नाव देण्याची मागणी होती. तर धनगर समाजाकडून विद्यापीठाला अहिल्यादेवी होळकरांचं नाव द्यावं अशी मागणी होती.

विद्यापीठाच्या नामांतरासाठी सुरुवातीला धनगर समाजाने सुरुवातीला मोर्चा काढला. त्यानंतर लिंगायत समाजाने 18 सप्टेंबर रोजी विराट मोर्चा काढून सोलापूर विद्यापीठाचे नामकरण शिवयोगी सिद्धेश्वर नाव देण्याची मागणी केली होती.

काय आहे प्रकरण?

शिवयोगी सिद्धरामेश्वर हे सोलापूरचं ग्रामदैवत. 12 व्या शतकातील या महापुरुषाने लोकोद्धारासाठी आपलं संपूर्ण आयुष्य वेचलं. सिद्धरामेश्वरांच्या कार्याचा दाखला देऊन, त्यांचं नाव सोलापूर विद्यापीठाला द्यावं, अशी मागणी जिल्ह्यातील सर्व मठांनी आणि देवस्थानांनी केली होती.

दुसरीकडे धनगर समाजाने विद्यापीठाला अहिल्यादेवी होळकरांचं नाव देण्यासाठी लढा उभा केला होता. ऑगस्टमध्ये धनगर समाजाने विराट मोर्चा काढून सोलापूर विद्यापीठाला अहिल्यादेवी होळकरांचं नाव देण्याची मागणी केली होती. अहिल्यादेवी होळकरांच्या नावाला शिवसेनेसह इतर समाजिक संघटना आणि संस्थांनी पाठिंबा दिला होता.

पण नागपुरातील एका कार्यक्रमात मुख्यमंत्री देवेंद्र फडणवीस यांनी विद्यापीठाचं नामांतर अहिल्यादेवी होळकर करण्याची घोषणा केली. त्यामुळे लिंगायत समाज नाराज झाला. आपली नाराजी व्यक्त करण्यासाठी शिवा संघटना, सिद्धेश्वर भक्त आणि वीरशैव महिला संघटना आदी संघटनांनी आज सोलापूर बंदची हाक दिली आहे.

संबंधित बातम्या

VIDEO : स्पेशल रिपोर्ट : सोलापूर विद्यापीठ, नामांतर आणि वाद

सोलापूर विद्यापीठाला अखेर अहिल्याबाई होळकरांचं नाव!

क्या हुआ तेरा वादा...? मुख्यमंत्री भाषणाला उभे राहताच गाणं वाजलं

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Lingayat Samaj’s calls Solapur Bandh against the university’s renaming
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV