औरंगाबाद महापालिकेचा कर्मदरिद्रीपणा, वीज बिल थकवल्याने 'पाणीबाणी'

वीज बिल थकल्याने महावितरणने महापालिकेच्या पाणीपुरवठा योजनेचा विद्युत पुरवठा बंद केला आहे.

औरंगाबाद महापालिकेचा कर्मदरिद्रीपणा, वीज बिल थकवल्याने 'पाणीबाणी'

औरंगाबाद : महापालिकेच्या कर्मदरिद्रीपणामुळे औरंगाबाद शहरावर उद्यापासून पाणीसंकट ओढावण्याची शक्यता आहे. कारण, वीज बिल थकल्याने महावितरणने महापालिकेच्या पाणीपुरवठा योजनेचा विद्युत पुरवठा बंद केला आहे.

महापालिकेकडे महावितरणची 12 कोटी 82 लाख रुपयांची थकबाकी आहे. महावितरणने दोन नोटीस आणि एकदा स्मरणपत्र देऊनही महापालिकेने वीज बिल भरलं नाही. त्यामुळे पाणी पुरवठा करण्यासाठी वीजच उपलब्ध नसल्याने, उद्या शहरात पाणी पुरवठा बंद ठेवण्याची वेळ महापालिकेवर आली आहे.

दुष्काळात पाण्याची टंचाई असल्याने औरंगाबादकरांना पाणी मिळालं नाही. आता शहराला पाणी पुरवठा करणारं जायकवाडी धरण ओसंडून वाहिलं असलं तरी महापालिकेच्या चुकीमुळे नागरिकांना पाणी न मिळण्याची शक्यता निर्माण झाली आहे. त्यामुळे सत्ताधारी शिवसेना आणि भाजप औरंगाबादकरांना पाणी देण्यासाठी काय प्रयत्न करतात, ते पाहणं महत्त्वाचं ठरणार आहे.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Mahavitaran cut AMC water supply Electricity connection
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV