सदाभाऊ 7 वा. बांधावर, गारपीटग्रस्त शेतीचे 24 तासात पंचनामे

सदाभाऊ 7 वा. बांधावर, गारपीटग्रस्त शेतीचे 24 तासात पंचनामे

सोलापूर: अवकाळी पाऊस आणि गारपीटीनं नुकसान झालेल्या शेतीचे 24 तासाच्या आत पंचनामे करण्याचे आदेश कृषी राज्यमंत्री सदाभाऊ खोत यांनी दिलेत.

राज्यभरात काल झालेल्या अवकाळी पावसानंतर आज सकाळी 7 वाजता सदाभाऊ खोत शेतकऱ्याच्या बांधावर पोहोचले. पंढरपूर तालुक्यातील सरकवली, ओझेवाडी या गावांची सदाभाऊंनी पाहणी केली.

अवकाळी पावसात जीव गमावलेल्या शेतकऱ्याच्या कुटुंबीयांना आर्थिक मदत तसंच घरांची पडझड झाल्यास त्याचीही नुकसान भरपाई दिली जाणार आहे.

sadabhau Khot pandharpur 2

काल सोलापूर जिल्ह्यासह लातूर, बीड, उस्मानाबाद आणि नांदेड परिसराला अवकाळीने झोडपलं. त्यानंतर मुख्यमंत्र्यांनी तातडीने आदेश दिल्यानंतर, राज्यमंत्री सदाभाऊ खोत पहाटेच पंढरपुरात दाखल झाले. सदाभाऊ यांच्यासोबत कृषी, महसूलसह इतर विभागांच्या अधिकाऱ्यांची फौज शेतकऱ्यांच्या बांधावर पोहोचली.

अर्ध्या तासांच्या गारपीटीमुळे द्राक्षे आणि डाळिंबाचे अतोनात नुकसान झालं आहे. सरकवली येथील प्रदीप घुले यांची फळाला आलेली 7 एकर द्राक्षाची बाग उद्ध्वस्त झाली असून, झाडावरील द्राक्षांचे घड बागेत पडले आहेत.

sadabhau Khot pandharpur

अनेक द्राक्षांची झाडे आडवी झाली असून झाडावर असलेले द्राक्ष मणी गारांच्या तडाख्याने फुटल्याने एका रात्रीत हा शेतकरी उद्ध्वस्त झाला आहे . ही 7 एकर बाग फळावर येईपर्यंत घुले यांनी एकरी लाखभर रुपयांप्रमाणे खर्च केला होता. आता बेदाणे आणि द्राक्षातून 15 दिवसांत त्यांना एकरी 4 लाखाचे उत्पन्न अपेक्षित होतं. मात्र आता होतं नव्हतं सगळं गेलं.

ओझेवाडी येथील मोहन क्षीरसागर यांनी  डाळिंबाची बाग लावली होती. कालपर्यंत 10 लाखाचे एकरी उप्तन्न मिळण्याची आशा असलेले क्षीरसागर यांच्या बागेला गारपीटीचा जबरदस्त तडाखा बसला.

sadabhau Khot pandharpur 3

दरम्यान पंढरपूर – मंगळवेढ्याचे काँग्रेस आमदार भारत भालके यांनाही या गारपिटीचा फटका बसला असून त्यांच्या द्राक्षे बागेचेदेखील मोठे नुकसान झाले आहे.

सदाभाऊ खोत यांनी या सर्व ठिकाणाला भेटी देऊन पाहणी करीत अधिकाऱ्यांना सूचना दिल्या. या मोठ्या नुकसानीमुळे अडचणीत आलेल्या शेतकऱ्यांशी खोत यांनी शिवारात आणि ग्रामपंचायत कार्यालयात संवाद साधला.

First Published: Thursday, 16 March 2017 3:46 PM

Related Stories

गुजरात पोलीस चांगले, पण... : आमदार बच्चू कडू
गुजरात पोलीस चांगले, पण... : आमदार बच्चू कडू

गांधीनगर: पंतप्रधान नरेंद्र मोदी यांच्या तालिबानी सरकारनं आम्हाला

शेतकऱ्यांसाठी एक रुपयात जेवण...!
शेतकऱ्यांसाठी एक रुपयात जेवण...!

बीड : दिवसेंदिवस महागाई वाढत आहे. अशा काळात एकेवेळचं बाहेर जेवायचं

शेतकरी कर्जमाफीसाठी राष्ट्रवादीचं भजन आंदोलन
शेतकरी कर्जमाफीसाठी राष्ट्रवादीचं भजन आंदोलन

सांगली: सांगलीत शेतकरी कर्जमाफीसाठी राष्ट्रवादी

शेतकऱ्यांचा समूह करुन शेतातच सौर उर्जा निर्मिती : बावनकुळे
शेतकऱ्यांचा समूह करुन शेतातच सौर उर्जा निर्मिती : बावनकुळे

अहमदनगर : विजेची समस्या सोडवण्यासाठी राज्य सरकारने सौर ऊर्जेवर भर

कांदा उत्पादकांना अनुदान देण्यास राज्य सरकारला अखेर मुहूर्त
कांदा उत्पादकांना अनुदान देण्यास राज्य सरकारला अखेर मुहूर्त

मुंबई : कांदा उत्पादकांना अनुदान देण्यास राज्य सरकारकडून अखेर

गरज पडल्यास 22 एप्रिलनंतरही तूर खरेदी सुरु ठेवू : सुभाष देशमुख
गरज पडल्यास 22 एप्रिलनंतरही तूर खरेदी सुरु ठेवू : सुभाष देशमुख

सोलापूर : राज्यातील तूर खरेदी 22 तारखेपर्यंत चालू राहील. गरज भासली तर

बरकत देणारी बकरी, शेळीपालनाची सुरुवात कशी करावी?
बरकत देणारी बकरी, शेळीपालनाची सुरुवात कशी करावी?

बुलडाणा: बुलडाणा जिल्हयातलं लोणार सरोवर प्रसिद्ध आहे. याच परिसरात

व्हायरल सत्य : खरंच शेतकऱ्यांना 3 हजाराची पेन्शन मिळणार का?
व्हायरल सत्य : खरंच शेतकऱ्यांना 3 हजाराची पेन्शन मिळणार का?

मुंबई: शेतकरी कर्जमाफीचा मुद्दा राज्यासह देशभरात गाजत आहे. उत्तर

शेतकरी कर्जमाफीसाठी सरकारचं एक पाऊल पुढे!
शेतकरी कर्जमाफीसाठी सरकारचं एक पाऊल पुढे!

मुंबई: उत्तर प्रदेशातील कर्जमाफीनंतर महाराष्ट्र सरकारवरही

शेतकऱ्यांच्या सरसकट कर्जमाफीला विरोध : एमआयएम
शेतकऱ्यांच्या सरसकट कर्जमाफीला विरोध : एमआयएम

औरंगाबाद : शेतकऱ्यांच्या सरसकट कर्जमाफीला आमचा विरोध आहे. सरसकट