मुंबई-गोवा हायवेवर खड्ड्याचा बळी, बाईकस्वार महिलेचा मृत्यू

रुंदीकरणाचं काम रखडल्यामुळे रस्त्यावर खडी पसरली होती. या खडीवरुन महिलेची दुचाकी घसरली आणि खाली पडली.

मुंबई-गोवा हायवेवर खड्ड्याचा बळी, बाईकस्वार महिलेचा मृत्यू

नवी मुंबई : खड्ड्यांमुळे आणखी एका बाईकस्वार महिलेला प्राण गमवावे लागल्याची घटना घडली आहे. मुंबई-गोवा महामार्गावर कर्नाळ्याजवळ हा अपघात घडला. या घटनेच्या निषेधार्थ मुंबई-गोवा हायवेवर कर्नाळ्याजवळ गावकऱ्यांनी रास्तारोको केला आहे.

पनवेलच्या दिशेनं अॅव्हेंजर बाईकवरुन जाताना महिलेला अपघात झाला. मुंबई-गोवा हायवेवर खड्ड्यांचं साम्राज्य आहे. त्यातच रुंदीकरणाचं काम रखडल्यामुळे रस्त्यावर खडी पसरली होती. या खडीवरुन महिलेची दुचाकी घसरली आणि खाली पडली. त्याचवेळी पाठीमागून येणाऱ्या ट्रेलरखाली तिचं डोकं चिरडलं गेलं.

या दुर्घटनेत महिलेचा जागीच मृत्यू झाला. अपघातानंतर ट्रेलरसह चालकानं तिथून पळ काढला आहे. संतप्त
गावकऱ्यांनी मुंबई-गोवा हायवेवर कर्नाळ्याजवळ रास्तारोको केला आहे.

महिलांना बळ देणाऱ्या लेडी रायडरचा खड्ड्यामुळे करुण अंत

जुलै महिन्यातच लेडी बायकर जागृती होगाळेचा मुंबई-अहमदाबाद मार्गावर वेती गावाजवळ अपघाती मृृत्यू झाला होता. तिची 350 सीसी रॉयल एन्फिल्ड थंडरबर्ड खड्ड्यात आदळली. त्यामुळे ती खाली पडली आणि ट्रकखाली चिरडून गंभीर जखमी झाली होती.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV