दसरा मेळाव्यावरुन पंकजा मुंडे-नामदेव शास्त्री आमने-सामने येणार?

येत्या 30 सप्टेंबरला दसरा आहे. परंतु भगवान गडावर पारंपरिक वर्धापनदिन साजरा करण्यात येणार आहे. या मेळाव्याला कोणत्याही व्हीआयपीला निमंत्रित केलेलं नाही.

दसरा मेळाव्यावरुन पंकजा मुंडे-नामदेव शास्त्री आमने-सामने येणार?

अहमदनगर : दसरा मेळाव्यावरुन यंदाही ग्रामविकास मंत्री पंकजा मुंडे आणि भगवानगडाचे महंत नामदेवशास्त्री आमने-सामने येणार आहेत. कारण कुठल्याही राजकीय नेत्याला, व्हीआयपीला 30 सप्टेंबरला गडावर कार्यक्रम घेण्यास ट्रस्टने एकमताने मनाई केली आहे. त्यामुळे यंदाही पंकजा मुंडे यांचं दसरा मेळाव्याचं भाषण गडाच्या पायथ्याला होण्याची शक्यता आहे.

येत्या 30 सप्टेंबरला दसरा आहे. परंतु भगवान गडावर पारंपरिक वर्धापनदिन साजरा करण्यात येणार आहे. या मेळाव्याला कोणत्याही व्हीआयपीला निमंत्रित केलेलं नाही. त्याचबरोबर कोणत्याही सार्वजनिक सभा आणि मेळावा आयोजित करण्यात आला नाही. संस्था स्वायत्त असून गडावर सभा, मेळावा न घेण्याचा ठराव ट्रस्टने एकमताने मंजूर केला आहे.

भगवान गडाचे सर्व धर्माचे आणि राजकीय पक्षाचे अनुयायी आहेत. त्यामुळे परवानगी दिल्यास कायदा सुव्यवस्थेचा गंभीर प्रश्न निर्माण होण्याची भीती आहे, अशा आशयाचं निवेदन भगवान गडाच्या वतीने मुख्यमंत्री, पोलिस महासंचालक, जिल्हाधिकारी, पोलिस अधीक्षकांना देण्यात आलं आहे.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV