मराठवाडा वगळता राज्यभरात पावसाची हजेरी, नागपुरात मुसळधार

By: | Last Updated: > Tuesday, 27 June 2017 5:11 PM
over all state rainfall for 27th June 2017 latest updates

प्रातिनिधीक फाईल फोटो

नागपूर/मुंबई : नागपुरात झालेल्या तुफान पावसाने रस्ते जलमय झालेले पाहायला मिळाले. अनेक ठिकाणी पाणी साचलं होतं. या पाण्यात अनेक वाहनांचंही मोठं नुकसान झालं. सकाळी साडे आठ ते दुपारच्या अडीच दरम्यान नागपुरात तब्बल 111 मिलीमीटर पावसाची नोंद केली गेली आहे.

छत्रपती नगर, नरेंद्र नगर, मनिष नगर तसंच त्रिमूर्ती नगरच्या अनेक भागात मोठ्या प्रमाणात पाणी साचलं. त्यामुळे अनेक घरांमध्ये पाणी शिरलं. कालही नागपुरात दमदार पाऊस झाला होता.

शहराबरोबरच ग्रामीण भागातही चांगला पाऊस झाल्याने पेरण्यांना गती मिळणार आहे. दरम्यान पुढचे दोन ते तीन दिवस नागपुरात असाच पाऊस कायम राहण्याचा अंदाज वर्तवला गेला आहे.

मुंबईत पावसाची संततधार कायम

मुंबईत पावसाचा जोर कायम आहे. दुपारी अडीच वाजण्याच्या सुमारास समुद्राला मोठी भरती आली. त्यावेळी उसळणाऱ्या मोठमोठ्या लाटांचा अनुभव घेण्यासाठी मुंबईकरांनी चौपाट्यांवर गर्दी केली होती.

मुंबई आणि उपनगरांमध्ये रात्रीपासून पावसाने हजेरी लावली. अंधेरी, पवई, कांजुरमार्ग, घाटकोपर आणि वांद्रे परिसरात संततधार कायम आहे. सकाळी काही वेळ पावसाने उसंत घेतली. पहाटेपासून झालेल्या पावसाने हिंदमाता, किंग्ज सर्कल, पवई आणि सायन परिसरात पाणी साचलं होते.

उत्तर महाराष्ट्रात पावसाची हजेरी

उत्तर महाराष्ट्रात मोठ्या विश्रांतीनंतर पावसाने हजेरी लावली आहे. जळगाव जिल्ह्यातील अंमळनेर तालुक्यात मुसळधार पाऊस झाला. तर धुळे जिल्ह्यातही तब्बल 20 दिवसांनंतर पावसाने हजेरी लावली. त्यामुळे अनेक भागात शेतकऱ्यांना दिलासा मिळाला आहे.

उत्तर महाराष्ट्रात केवळ नंदुरबार जिल्ह्यात पावसाने पाठ फिरवली आहे. नंदुरबार वगळता नाशिक, धुळे, जळगाव या भागांमध्ये चांगला पाऊस झाल्याने बळीराजा सुखावला आहे.

मराठवाड्यात पावसाची दांडी

सुरुवातीला जोरदार बरसलेल्या वरुणराजाने मराठवाड्याकडे पाठ फिरवली आहे. मराठवाड्यातील जवळपास आठही जिल्ह्यांमध्ये पाऊस नसल्याने शेतकरी चिंतेत आहेत. कारण अनेक ठिकाणी पेरणी झालेली आहे, मात्र पाऊस नसल्याने चिंता वाढली आहे. नांदेड शहरात दुपारी थोडा वेळ पाऊस झाला. मात्र ग्रामीण भागात पावसाने पाठ फिरवली आहे.

कोल्हापुरात जोरदार पाऊस

कोल्हापूर जिल्ह्यात पावसाचा जोर कायम आहे. सतत कोसळत असलेल्या पावसाने चार बंधाऱ्यांचा पाणीसाठा वाढला आहे. राजाराम बंधाऱ्याची पाणीपातळी 19 फुटांवर गेली आहे. चंदगड, गगनबावड्यातही जोरदार पाऊस बरसला.

भरतीमुळे कोकण किनारपट्टीचं नुकसान

कोकणच्या किनारपट्टीचं भरतीमुळे मोठं नुकसान झालं आहे. किनारपट्टीवरील बायागती समुद्राने आपल्या पोटात घेतली आहे. रत्नागिरी-गुहागरच्या वेळणेश्वर किनाऱ्यावरील संरक्षक भिंतीनाही लाटांचा तडाखा बसला. वेळणेश्वर,पट्ट्यासोबतच मिऱ्या, मांडवी, देवबागच्या समुद्रकिनाऱ्यालाही लाटांचा तडाखा बसला आहे. तर सिंधुदुर्ग जिल्ह्यातही पावसाचा जोर कायम आहे. रायगड जिल्ह्यातील उरण, पनवेल, रोहा या भागांमध्येही चांगला पाऊस सुरु आहे.

Agriculture News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:over all state rainfall for 27th June 2017 latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

...तर पीक विमा भरण्याची मुदत वाढवून मिळणार
...तर पीक विमा भरण्याची मुदत वाढवून मिळणार

मुंबई : पीक विमा भरण्यास तांत्रिक अडचणी येत असल्याने अनेक शेतकरी

पीक विमा भरण्यासाठी रांगेत उभा असलेल्या शेतकऱ्यांवर लाठीचार्ज
पीक विमा भरण्यासाठी रांगेत उभा असलेल्या शेतकऱ्यांवर लाठीचार्ज

नांदेड : पीक विमा भरण्याची मुदत संपायला आता अवघे 5 दिवस शिल्लक राहिले

येत्या दोन वर्षात ऊसाचं 3 लाख 5 हजार हेक्टर क्षेत्र सिंचनाखाली येणार
येत्या दोन वर्षात ऊसाचं 3 लाख 5 हजार हेक्टर क्षेत्र सिंचनाखाली येणार

मुंबई : आगामी दोन वर्षात राज्यातील ऊस पिकाखालील 3 लाख 5 हजार हेक्टर

ऊस लागवडीसाठी ठिबक सिंचन बंधनकारक, मंत्रिमंडळाचा निर्णय
ऊस लागवडीसाठी ठिबक सिंचन बंधनकारक, मंत्रिमंडळाचा निर्णय

मुंबई: यापुढे तुम्हाला ऊस लागवड करायची असेल, तर त्यासाठी ठिबक सिंचन

आकडेवारी : आतापर्यंत महाराष्ट्रात किती पाऊस पडला?
आकडेवारी : आतापर्यंत महाराष्ट्रात किती पाऊस पडला?

मुंबई : गेले काही दिवस राज्यभरात पावसाने दडी मारली आहे. त्यामुळे

येत्या 72 तासात संपूर्ण महाराष्ट्रात पाऊस, हवामान खात्याचा नवा अंदाज
येत्या 72 तासात संपूर्ण महाराष्ट्रात पाऊस, हवामान खात्याचा नवा अंदाज

मुंबई : हवामान खात्याने पुन्हा एकदा पावसाचा नवा अंदाज वर्तवला आहे.

एबीपी माझाचं व्हॉट्सअप बुलेटीन 09/07/2017
एबीपी माझाचं व्हॉट्सअप बुलेटीन 09/07/2017

  गुरुपौर्णिमेच्या दिवशी शिवसेना आमदार, खासदार आणि मंत्र्यांची

तीन ते चार दिवसात पावसाचं पुनरागमन, हवामान खात्याचा अंदाज
तीन ते चार दिवसात पावसाचं पुनरागमन, हवामान खात्याचा अंदाज

मुंबई : गेल्या काही दिवसांपासून पावसाने दडी मारल्याने बळीराजा

वर्ध्यात शेतीमालासाठी 'रुरल मॉल' उभारणार
वर्ध्यात शेतीमालासाठी 'रुरल मॉल' उभारणार

वर्धा: शेतकऱ्यांना शेतमाल विक्रीसाठी हक्काची बाजारपेठ उपलब्ध

राजू शेट्टींची किसान मुक्ती यात्रा, मेधा पाटकर, योगेंद्र यादवही सहभागी
राजू शेट्टींची किसान मुक्ती यात्रा, मेधा पाटकर, योगेंद्र यादवही...

भोपाळ: स्वाभिमानी शेतकरी संघटनेचे खासदार राजू शेट्टी यांच्या