आमदार प्रताप पाटलांच्या राजीनाम्यावरुन नांदेडमध्ये राडा

जमाव पांगवण्यासाठी पोलिसांना सौम्य लाठीमारही करावा लागला.

आमदार प्रताप पाटलांच्या राजीनाम्यावरुन नांदेडमध्ये राडा

नांदेड : आमदार प्रताप पाटील चिखलीकर यांच्या राजीनाम्यासाठी शिवसैनिक आक्रमक झाले आहेत. शिवसेनेचे आमदार असलेल्या प्रताप पाटील यांनी नांदेड महापालिका निवडणुकीत भाजपला साथ दिली होती. या निवडणुकीत शिवसेनेला केवळ एकाच जागेवर विजय मिळाला होता.

शिवसैनिकांनी प्रताप पाटील यांच्या राजीनाम्यासाठी त्यांच्या निवासस्थानासमोर आंदोलन केलं. तिथे प्रताप पाटील यांचे समर्थकही मोठ्या प्रमाणात उपस्थित होते. त्यामुळे शिवसैनिक आणि प्रताप पाटील यांच्या समर्थकांमध्ये बाचाबाजी झाली. जमाव पांगवण्यासाठी पोलिसांना सौम्य लाठीमारही करावा लागला.

पोलिसांनी शंभरहून अधिक शिवसैनिकांना ताब्यात घेतलं आहे. प्रताप पाटील हे शिवसेनेचे लोहा विधानसभा मतदार संघातून आमदार आहेत. मात्र त्यांनी शिवसेनेविरोधातच दंड थोपटले आहेत. नांदेड महापालिका निवडणुकीत त्यांनी भाजपला जाहीरपणे मदत केली होती.

दरम्यान शिवसेना पक्षप्रमुख उद्धव ठाकरे यांनीही प्रताप पाटील यांचा प्रचारसभेत समाचार घेतला होता. प्रताप पाटील शिवसेनेचे आमदार असून त्यांनी भाजपला मदत केल्यामुळे शिवसैनिकांमध्ये प्रचंड रोष पाहायला मिळत आहे.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: shivsainik protest for shivsena mla pratap patil chikhalikar resignation
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV