सिद्धरामेश्वराच्या यात्रेत नंदीध्वज ट्रान्सफॉर्मरवर कोसळला, पण...

मानाच्या नंदीध्वजाची मिरवणूक सुरु असताना पहिला मानाचा नंदीध्वज ट्रान्सफॉर्मरवर कोसळला आणि त्याने पेट घेतला.

सिद्धरामेश्वराच्या यात्रेत नंदीध्वज ट्रान्सफॉर्मरवर कोसळला, पण...

सोलापूर : सोलापुरातील प्रसिद्ध सिद्धरामेश्वरांच्या यात्रेदरम्यान मोठी दुर्घटना टळली आहे. नंदीध्वज ट्रान्सफॉर्मरवर कोसळून आग लागली, मात्र भाविकांच्या प्रसंगावधानामुळे अनर्थ टळला.

सध्या सोलापुरात सिद्धरामेश्वरांची यात्रा सुरु आहे. रविवारी रात्री मानाच्या नंदीध्वजाची मिरवणूक सुरु होती. त्यावेळी एक वाजताच्या सुमारास पहिला मानाचा नंदीध्वज ट्रान्सफॉर्मरवर कोसळला आणि त्याने पेट घेतला.

हा प्रकार घडला तेव्हा हजारो भाविक यात्रेत सहभागी होते, त्यामुळे मोठा अनर्थ ओढवू शकला असता. मात्र मानकऱ्यांनी नंदीध्वज वेळीच सावरल्यामुळे मोठी दुर्घटना टळली.

तासाभरात नंदीध्वजाला दुसरी खेळणी लावून पुन्हा मिरवणूक रवाना झाली. मध्यरात्री अडीच वाजताच्या सुमारास हा सोहळा संपला.

पाहा व्हिडिओ :

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Solapur : Nandidhwaj falls on transformer in Siddharameshwar Yatra latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV