दुग्ध व्यवसायातून दिवसाला 10 हजार कमावणारा शेतकरी!

Success story of a farmer who earns 10000 per day through milk

धुळे : धुळे शहराजवळ बिलाडी शिवारात चंद्रकांत केले या प्रगतशील शेतकऱ्याची 70 एकर शेती आहे. शेतीतून त्यांना फारसा फायदा होत नसला तरी शेतीला जोड धंदा म्हणून त्यांनी दुग्धव्यवसाय सुरु केला. या दुग्ध व्यवसायातून त्यांना वर्षाला निव्वळ 36 लाखांचा नफा होत आहे.

दुग्ध व्यवसायासाठी 70 एकरपैकी दीड एकर क्षेत्रावर बंद आणि खुले असे गोठे उभारण्यात आले आहेत. गर्भवती असलेल्या गायींसाठी तसंच दूध पिणाऱ्या वासरांसाठी विशेष व्यवस्था या गोठ्यांमध्ये करण्यात आली आहे. मशीनच्या सहाय्याने या गोठ्यातील गायी-म्हशींचं दूध काढण्यात येतं.

दूध काढण्यापूर्वी अर्धातास आधी गोठ्यात लावण्यात आलेल्या स्पीकरवर सनईची धून वाजवण्यात येते. या गोठ्यावर 24 तास सीसीटीव्हीची नजर असते.

70 एकर शेतीत पारंपरिक पीकं घेतली जातात. शेतीचं उत्पन्न निसर्गाच्या लहरीपणावर असल्याने शेतीतून नफा होईलच यावर अवलंबून न राहता, गेल्या पंधरा वर्षापासून शेतीला पूरक व्यवसाय म्हणून दूध व्यवसाय सुरु केला.  सुरुवातीला दोन गायी होत्या , चारा घरचाच असल्याने चारा खरेदी करण्याचा खर्च वाचला. कालांतराने दोन गायींच्या चार गायी झाल्या. सुरुवातीच्या कालावधीत यात फारसा नफा झाला नाही. मात्र तोटाही होत नसल्याचं लक्षात आल्याने दूध व्यवसायात लक्ष केंद्रीत केलं.

दोन वर्षानंतर नफा होण्यास सुरुवात झाली. सुरुवातीला दरदिवशी दोन हजारापर्यंत नफा मिळत होता. आज या गोठ्यात 250 दुभती जनावरं आहेत. यात 76 देशी गायी, 27 जर्शी गायी, 45 काठेवाडी गायी, 6 म्हशी आहेत. रोज होणारं दूध संकलन हे 750 लिटर आहे. गोठ्यावर होणारा रोजचा खर्च वजा जाता रोजचा निव्वळ नफा दहा हजार रुपये आहे. वर्षाला हा नफा 36 लाखापर्यंत होतो, असं चंद्रकांत केले यांनी सांगितलं.

या गोठ्यातील जनावरांना विलायती चारा, घास  गवत, ऊस, मका, ज्वारी, ढेप, मक्याची चुनी, मिनरल्स देण्यात येतात. जनावरांच्या आरोग्याच्या काळजीसाठी चंद्रकांत केले यांनी एका डॉक्टरचीही नेमणूक केली आहे. जनावरांच्या शेणापासून खत, गांडूळ खताची  निर्मित करण्यात येते. तसंच 40 टन क्षमतेच्या टाकीतून निर्माण होणारा गोबर गॅस शेतात काम करणाऱ्या मजुरांच्या  घरात जातो.

गोठ्यातील दुभत्या जनावरांचे दूध काढण्यापूर्वी गोठ्यात लावण्यात आलेल्या स्पीकरवर सनईची धून वाजण्यात येते. यामुळे गोठ्यात मंगलमय वातावरण निर्माण होऊन दूध काढण्यासाठी दुभत्या जनावरांची मानसिकता तयार होते, हा चंद्रकांत केले यांचा अनुभव आहे.

दुष्काळी स्थिती असताना पशुपालक शेतकरी आपली जनावरं विकतात. दुष्काळात आपण जेवण करायचं बंद करतो का? असा प्रश्न उपस्थित करत या स्थितीतही पशुपालकांनी आपल्या मुलांसारखी काळजी घ्यावी, असं आवाहन चंद्रकांत केले यांनी केलं आहे.

Agriculture News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:Success story of a farmer who earns 10000 per day through milk
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

1 ऑक्टोबरपासून प्रत्यक्ष कर्जमाफीची प्रक्रिया सुरु होणार : सहकार मंत्री
1 ऑक्टोबरपासून प्रत्यक्ष कर्जमाफीची प्रक्रिया सुरु होणार : सहकार...

मुंबई : येत्या 1 ऑक्टोबरपासून प्रत्यक्ष कर्जमाफीची प्रक्रिया सुरु

शेतकऱ्यांना दिलासा, उडीद आणि मुगाच्या आयातीवर निर्बंध!
शेतकऱ्यांना दिलासा, उडीद आणि मुगाच्या आयातीवर निर्बंध!

नवी दिल्ली : केंद्र सरकारने उडीद आणि मुगाच्या आयातीवर निर्बंध

भंगारातून नॅनो ट्रॅक्टर, अल्पभूधारक शेतकऱ्यांसाठी राजेंद्र लोहारांचा उत्तम पर्याय
भंगारातून नॅनो ट्रॅक्टर, अल्पभूधारक शेतकऱ्यांसाठी राजेंद्र...

जळगाव : अल्पभूधारक शेतकऱ्यांची स्थिती इतर शेतकऱ्यांच्या तुलनेत

शेतकऱ्यांना 'बीज से बाजार' तक सुविधा देणार: मोदी
शेतकऱ्यांना 'बीज से बाजार' तक सुविधा देणार: मोदी

नवी दिल्ली: मातीतून सोनं पिकवण्याची धमक माझ्या शेतकऱ्यांमध्ये आहे,

क्षारपड जमिनीत अरुण आलासेंचा कोळंबी उत्पादनाचा यशस्वी प्रयोग
क्षारपड जमिनीत अरुण आलासेंचा कोळंबी उत्पादनाचा यशस्वी प्रयोग

कोल्हापूर : मासे खाणाऱ्यांसाठी कोळंबी म्हणजे जीव कि प्राण. या

पीकविमा आज संध्याकाळी 5 पर्यंत भरता येणार, शेतकऱ्यांना दिलासा
पीकविमा आज संध्याकाळी 5 पर्यंत भरता येणार, शेतकऱ्यांना दिलासा

मुंबई : शेतकऱ्यांना पीकविमा अर्ज भरता यावा यासाठी सरकारने आणखी एक

पीकविम्याची आज शेवटची तारीख, सर्व्हर मात्र डाऊन!
पीकविम्याची आज शेवटची तारीख, सर्व्हर मात्र डाऊन!

बीड : पीक विमा भरण्याची आज 4 ऑगस्ट ही शेवटची मुदत आहे, मात्र

बिगर कर्जदार शेतकऱ्यांना 4 ऑगस्टपर्यंत पीक विमा भरता येणार
बिगर कर्जदार शेतकऱ्यांना 4 ऑगस्टपर्यंत पीक विमा भरता येणार

मुंबई : प्रधानमंत्री पीक विमा योजनेसंदर्भात राज्य सरकारकडून आणखी

पीकविमा भरणाऱ्या शेतकऱ्यांची तलाठ्यांकडून आर्थिक पिळवणूक
पीकविमा भरणाऱ्या शेतकऱ्यांची तलाठ्यांकडून आर्थिक पिळवणूक

अहमदनगर : पीकविमा भरण्यासाठी रांगेत ताटकळणाऱ्या शेतकऱ्यांची

पीकविम्याचे अर्ज स्वीकारण्याची मुदत 5 ऑगस्टपर्यंत वाढवली
पीकविम्याचे अर्ज स्वीकारण्याची मुदत 5 ऑगस्टपर्यंत वाढवली

मुंबई : प्रधानमंत्री पीक विमा योजनेचे अर्ज स्वीकारण्यासाठी 5