नगरमध्ये एकतर्फी प्रेमातून महिलेवर गोळीबार करुन आत्महत्या

अमृतलालचं विवाहित महिलेवर अनेक वर्षांपासून एकतर्फी प्रेम होतं. संबंधित महिला उत्तरप्रदेशातील असून पतीसोबत ती विळदला राहते. महिलेचा पती एमआयडीसीत काम करतो.

नगरमध्ये एकतर्फी प्रेमातून महिलेवर गोळीबार करुन आत्महत्या

अहमदनगर : अहमदनगरमध्ये एकतर्फी प्रेमातून विवाहित महिलेवर गोळीबार करुन प्रेमवीराने आत्महत्या केल्याची घटना घडली. अमृतलाल पाल असं गोळी झाडून आत्महत्या केलेल्या प्रेमवीराचं नाव आहे. शनिवारी सकाळी विळद घाटात पाण्याच्या टाकीजवळ ही दुर्घटना घडली.

अमृतलालचं विवाहित महिलेवर अनेक वर्षांपासून एकतर्फी प्रेम होतं. संबंधित महिला उत्तरप्रदेशातील असून पतीसोबत ती विळदला राहते. महिलेचा पती एमआयडीसीत काम करतो.

अमृतलाल शनिवारी सकाळी महिलेला भेटण्यासाठी विळदला आला होता. संबंधित महिलेला त्यानं पाण्याच्या टाकीजवळ बोलावलं. मात्र महिलेनं भेटण्यास नकार दिल्याने त्याने महिलेच्या घराजवळ गोळीबार केला.

गोळी महिलेच्या पोटाला घासून गेल्यानं महिला सुदैवाने थोडक्यात बचावली. महिलेवरील गोळीबारानंतर अमृतलालनं स्वतः च्या छातीवर गोळी झाडली. गंभीर दुखापत झाल्याने अमृतलालचा मृत्यू झाला, तर महिलेची तब्येत स्थीर असून रुग्णालयात दाखल करण्यात आले आहे.

दरम्यान, या संपूर्ण प्रकरणाचा पुढील तपास एमआयडीसी पोलीस करत आहे.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Suicide after firing on Women in Ahmednagar latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV