मध्यावधीचा पैसा शेतकऱ्यांना द्या: उद्धव ठाकरे

Uddhav Thackeray PC in Buldhana

बुलडाणा: मध्यावधी निवडणुकीसाठी तयार असल्याचं म्हणत असाल, तर जो पैसा निवडणुकीसाठी आहे, तो पैसा शेतकऱ्यांना द्या, असं म्हणत शिवसेना पक्षप्रमुख उद्धव ठाकरे यांनी मुख्यमंत्री देवेंद्र फडणवीस यांच्या वक्तव्याचा समाचार घेतला.  ते शेगावमध्ये बोलत होते.

मुख्यमंत्री देवेंद्र फडणवीस यांनी नुकतंच मध्यावधी निवडणुकीसाठी तयार असल्याचं म्हटलं होतं.

त्याबाबत बोलताना उद्धव ठाकरे म्हणाले, “कर्जमुक्तीच्या विषयाला फाटा देण्यासाठी मध्यावधीचा विषय काढला जात आहे. मध्यावधीला तुम्ही तयार आहात म्हणजे तुमच्याकडे बक्कळ पैसा आहे. हाच पैसा तुम्ही शेतकऱ्यांना द्या. मध्यावधीची गरज लागणार नाही, आम्ही पाठिंबा देऊ.”

सरकारने कोणतेही निकष न लावता सरसकट कर्जमाफी न केल्यास आम्ही राजकीय भूकंप घडवू, असा पुनरुच्चार उद्धव ठाकरे यांनी केला.

“मी शेतकऱ्यांच्या पाठिशी आहे. सत्तेची पर्वा न करता शेतकऱ्यांना  पाठिंबा दिला. सरसकट शेतकऱ्यांचा सात-बारा कोरा करा ही शिवसेनेची मागणी कायम आहे”, असं ठाकरेंनी नमूद केलं.

“कर्जमुक्तीची घोषणा करणाऱ्या सरकारला त्याची अंमलबजावणी करण्याची सुबुद्धी आणि ताकद द्या अशी प्रार्थना शेगावच्या गजानन महाराजांकडे केली आहे” असं उद्धव ठाकरे म्हणाले.

“देशभरातील  शेतकरी पेटून उठतो आहे. या क्रांतीची सुरुवात माझ्या महाराष्ट्रातील शेतकऱ्यांनी केली, याचा आनंद. या गोष्टीचा आनंद की सरकारने आंदोलन पेटण्याआधीच कर्जमुक्तीचा निर्णय घेतला. शिवसेना शेतकऱ्यांच्या पाठिशी आहे”, असा विश्वास त्यांनी दिला.

आता शेतकऱ्यांच्या हाता- तोंडाशी आलेला घास जाऊ देणार नाही. 2008 ची कर्जमाफी अटींसह होती. आता तसे होऊ नये अशी अपेक्षा उद्धव ठाकरे यांनी व्यक्त केली.

महसूलमंत्री चंद्रकांतदादा पाटील हे  आम्ही निकष ठरवत  असल्याचं सांगितलं. मात्र हे निकष शेतकरी नुकसानीचे असू नयेत असं मी त्यांना सांगितलं, असं उद्धव म्हणाले.

साले म्हणणाऱ्यांना शेतकरी धडा शिकवतील

शेतकऱ्यांविरोधात जे जे बोलले, मग ते अजित पवार असो वा शेतकऱ्यांना साले म्हणणारे (रावसाहेब दानवे) असो, शेतकरी प्रत्येकाला धडा शिकवतो, असं उद्धव ठाकरे म्हणाले.

तसंच कृषीप्रधान देशात शेतकऱ्याला तुच्छतेची वागणूक मिळत असल्याची खंतही उद्धव यांनी व्यक्त केली.

Agriculture News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:Uddhav Thackeray PC in Buldhana
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

शेतकऱ्यांना दिलासा, उडीद आणि मुगाच्या आयातीवर निर्बंध!
शेतकऱ्यांना दिलासा, उडीद आणि मुगाच्या आयातीवर निर्बंध!

नवी दिल्ली : केंद्र सरकारने उडीद आणि मुगाच्या आयातीवर निर्बंध

भंगारातून नॅनो ट्रॅक्टर, अल्पभूधारक शेतकऱ्यांसाठी राजेंद्र लोहारांचा उत्तम पर्याय
भंगारातून नॅनो ट्रॅक्टर, अल्पभूधारक शेतकऱ्यांसाठी राजेंद्र...

जळगाव : अल्पभूधारक शेतकऱ्यांची स्थिती इतर शेतकऱ्यांच्या तुलनेत

शेतकऱ्यांना 'बीज से बाजार' तक सुविधा देणार: मोदी
शेतकऱ्यांना 'बीज से बाजार' तक सुविधा देणार: मोदी

नवी दिल्ली: मातीतून सोनं पिकवण्याची धमक माझ्या शेतकऱ्यांमध्ये आहे,

क्षारपड जमिनीत अरुण आलासेंचा कोळंबी उत्पादनाचा यशस्वी प्रयोग
क्षारपड जमिनीत अरुण आलासेंचा कोळंबी उत्पादनाचा यशस्वी प्रयोग

कोल्हापूर : मासे खाणाऱ्यांसाठी कोळंबी म्हणजे जीव कि प्राण. या

पीकविमा आज संध्याकाळी 5 पर्यंत भरता येणार, शेतकऱ्यांना दिलासा
पीकविमा आज संध्याकाळी 5 पर्यंत भरता येणार, शेतकऱ्यांना दिलासा

मुंबई : शेतकऱ्यांना पीकविमा अर्ज भरता यावा यासाठी सरकारने आणखी एक

पीकविम्याची आज शेवटची तारीख, सर्व्हर मात्र डाऊन!
पीकविम्याची आज शेवटची तारीख, सर्व्हर मात्र डाऊन!

बीड : पीक विमा भरण्याची आज 4 ऑगस्ट ही शेवटची मुदत आहे, मात्र

बिगर कर्जदार शेतकऱ्यांना 4 ऑगस्टपर्यंत पीक विमा भरता येणार
बिगर कर्जदार शेतकऱ्यांना 4 ऑगस्टपर्यंत पीक विमा भरता येणार

मुंबई : प्रधानमंत्री पीक विमा योजनेसंदर्भात राज्य सरकारकडून आणखी

पीकविमा भरणाऱ्या शेतकऱ्यांची तलाठ्यांकडून आर्थिक पिळवणूक
पीकविमा भरणाऱ्या शेतकऱ्यांची तलाठ्यांकडून आर्थिक पिळवणूक

अहमदनगर : पीकविमा भरण्यासाठी रांगेत ताटकळणाऱ्या शेतकऱ्यांची

पीकविम्याचे अर्ज स्वीकारण्याची मुदत 5 ऑगस्टपर्यंत वाढवली
पीकविम्याचे अर्ज स्वीकारण्याची मुदत 5 ऑगस्टपर्यंत वाढवली

मुंबई : प्रधानमंत्री पीक विमा योजनेचे अर्ज स्वीकारण्यासाठी 5

पीकविम्याची मुदत वाढवली नाही तर दिल्ली गाठू, मुख्यमंत्र्यांचं आश्वासन
पीकविम्याची मुदत वाढवली नाही तर दिल्ली गाठू, मुख्यमंत्र्यांचं...

मुंबई : पीकविमा भरण्याची मुदत संपत आली तरीही अद्याप लाखो शेतकरी