10 वर्षांनंतर पहिल्यांदाच 49 दिवस उजनीचे दरवाजे खुले

यंदाच्या पावसामुळे धरणातून जेवढे पाणी सोडावे लागले आहे, त्या पाण्यात उजनी धरण दीड पट भरले असते.

10 वर्षांनंतर पहिल्यांदाच 49 दिवस उजनीचे दरवाजे खुले

बारामती : उजनी धरणाच्या निर्मितीनंतर अनेक पावसाळे व दुष्काळ उजनीने पाहिले आहेत. अनेक सुकाळ व दुष्काळ आले. अनेक वेळा उजनीच्या पाण्यावरुन जिल्ह्या-जिल्ह्यात वाद झाले. त्यामुळे उजनी धरण नेहमीच चर्चेत राहिले. पण यंदाच्या दमदार पावसामुळे मागील दहा वर्षाच्या इतिहासात उजनीने विक्रम केला आहे.

यंदाच्या दमदार पावसामुळे 49 दिवस उजनीचे दरवाजे उघडे ठेवावे लागले आहेत. 28 ऑगस्ट 2017 पासून ते (काही अपवाद वगळता) कालपर्यंत 23 ऑक्टोबर 2017 पर्यंत म्हणजेच 49 दिवस उजनीचे दरवाजे उघडे राहिले असून, यातून तब्बल 89.10 TMC पाणी सोडावे लागले आहे.

यंदाच्या पावसामुळे धरणातून जेवढे पाणी सोडावे लागले आहे, त्या पाण्यात उजनी धरण दीड पट भरले असते.

या अगोदर 2006-07 साली झालेल्या पावसामुळे अनेक नद्यांना पूर आलेला होता, त्यावेळीही धरणातून तब्बल 300 TMC पाणी सोडावे लागले होते. त्यावेळीही 67 दिवस दरवाजे उघडे ठेवावे लागले होते.

उजनीच्या इतिहासात सर्वात निचांकी पातळी ही 2017-2015 ला झाली होती. त्यावेळी उजनीत वजा (मायनस) 53.74 % टक्के पाणी शिल्लक राहिले होते. सर्वात कमी म्हणजे निचांकी पातळी यावेळी उजनी धरणाची झाली होती.

आज उजनी धरणात 123.28 TMC पाणी असून उजनी 111.28 % टक्के भरले आहे. उजनीच्या या पाण्याचे योग्य नियोजन केले तर हे पाणी नक्कीच काही काळ टिकून राहिल आणि धरणावर अवलंबून असणारे शेतकरी वर्गासह अनेक पाणीवापर संस्था सुरळीत चालतील.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
अधिक माहिती: ujani dam उजनी धरण
First Published:
LiveTV