अमरावती-नागपूर हायवेवर ओव्हरटेक करताना अपघात, दोघांचा मृत्यू

ओव्हरटेक करताना पुलावरील कठड्याला कारची धडक बसली. या अपघातात दोघांचा मृत्यू झाला, तर दोघं जण गंभीर जखमी आहेत.

अमरावती-नागपूर हायवेवर ओव्हरटेक करताना अपघात, दोघांचा मृत्यू

वर्धा : स्विमिंग कॉम्पिटिशनला जाण्यासाठी गाडीचा वेग वाढवून ओव्हरटेकिंगचा प्रयत्न दोघांच्या जीवावर बेतला आहे. दुसऱ्या वाहनाला ओव्हरटेक करताना कारची पुलावरील कठड्याला धडक बसून दोघांचा मृत्यू झाला.

अमरावती-नागपूर महामार्गावरील राजणी शिवारात कारला भीषण अपघात झाला. ओव्हरटेक करताना पुलावरील कठड्याला कारची धडक बसली. या अपघातात दोघांचा मृत्यू झाला, तर दोघं जण गंभीर जखमी आहेत.

चौघंही साताऱ्याचे रहिवासी असून नागपुरातील कामठी येथे होत असलेल्या जलतरण स्पर्धेसाठी जात होते.

साताऱ्याचे दीपक विठ्ठल गाडे यांचा अपघातात मृत्यू झाला. ते बार असोसिएशनचे अध्यक्ष असल्याची प्राथमिक माहिती आहे. अथर्व मिलिंद शिंदे यालाही अपघातात प्राण गमवावे लागले.

चालक नितीन माने आणि मुलगा ओम माने हे दोघे गंभीर जखमी आहेत. अपघातग्रस्तांपैकी दोघं पोद्दार इंटरनॅशनल स्कूलचे विद्यार्थी आहेत.

महाराष्ट्र शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV