अभिनेता प्रतीक बब्बरचा लखनौच्या तरुणीशी साखरपुडा?

22 जानेवारीला लखनौमध्ये प्रतीक आणि त्याची गर्लफ्रेण्ड सान्या सागर यांची एंगेजमेंट होणार असल्याचं वृत्त आहे

अभिनेता प्रतीक बब्बरचा लखनौच्या तरुणीशी साखरपुडा?

मुंबई : जानेवारी महिना बॉलिवूड सेलिब्रेटींच्या साखरपुड्याचा महिना आहे, असं म्हटलं तर वावगं ठरु नये. गेल्या महिन्यात विरानुष्काच्या लग्नाची लगबग संपते, तोच दीपिका-रणवीर एंगेजमेंट करणार असल्याच्या चर्चांना ऊत आला. त्यातच प्रसिद्ध अभिनेता प्रतीक बब्बरही साखरपुडा करण्याची शक्यता आहे.

22 जानेवारीला लखनौमध्ये प्रतीक आणि त्याची गर्लफ्रेण्ड सान्या सागर यांची एंगेजमेंट होणार असल्याचं वृत्त आहे. 31 वर्षांचा प्रतीक हा प्रख्यात अभिनेते राज बब्बर आणि दिवंगत अभिनेत्री स्मिता पाटील यांचा मुलगा आहे.

'पाठकबाई' अक्षया आणि सुयश टिळकचा साखरपुडा?


8 वर्षांपासून प्रतीक आणि सान्या एकमेकांना ओळखतात, मात्र गेल्याच वर्षी ते रिलेशनशीपमध्ये अडकले. प्रतीक किंवा त्याच्या कुटुंबीयांनी अद्याप साखरपुड्याच्या वृत्ताला अधिकृत दुजोरा दिलेला नाही. साखरपुड्याची तारीख पुढे-मागे होण्याची शक्यता आहे. दोघांचे कुटुंबीय, मोजके नातेवाईक आणि मित्रमंडळींच्या उपस्थितीत हा सोहळा होणार आहे.

प्रतीक बब्बरने 'जाने तू या जाने ना' या चित्रपटातून 2008 मध्ये बॉलिवूडमध्ये पदार्पण केलं. त्यानंतर तो एक दिवाना था, धोबीघाट यासारख्या चित्रपटांमध्ये झळकला. बागी 2 चित्रपटातून तीन वर्षांनी तो पुन्हा मोठ्या पडद्यावर दिसणार आहे. अहमद खान यांचं दिग्दर्शन असलेल्या या सिनेमात तो खलनायकाच्या व्यक्तिरेखेत आहे. टायगर श्रॉफ आणि दिशा पटाणी यांच्या मुख्य भूमिका आहेत.

दीपिका पदुकोण-रणवीर सिंहचा 5 जानेवारीला साखरपुडा?


सान्याचा जन्म 1 मे 1990 रोजी लखनौमध्ये झाल्याची माहिती आहे. फॅशन कम्युनिकेशन या विषयात तिने नॅशनल इन्स्टिट्यूट ऑफ फॅशन टेक्नॉलॉजीतून पदवी घेतली. सध्या ती सहाय्यक दिग्दर्शक म्हणून फिल्म आणि टीव्ही इंडस्ट्रीमध्ये काम करते.

सिनेमा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Actor Prateik Babbar to get engaged to girlfriend Sanya Sagar in January latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV