राम रहीमचं वादग्रस्त जीवन पडद्यावर, हनीप्रीतच्या भूमिकेत राखी सावंत

डेरा सच्चा सौदाचा प्रमुख राम रहीमच्या वादग्रस्त जीवनावर सिनेमा तयार करण्यात येणार आहे. दिल्लीत या सिनेमाच्या शुटिंगलाही सुरुवात झाली. राखी सावंत हनीप्रीतच्या भूमिकेत दिसणार आहे.

राम रहीमचं वादग्रस्त जीवन पडद्यावर, हनीप्रीतच्या भूमिकेत राखी सावंत

मुंबई : बलात्कारी बाबा राम रहीमचं वादग्रस्त जीवन लवकरच मोठ्या पडद्यावर दिसणार आहे. या सिनेमाची कास्टिंगही तयार झाल्याची माहिती आहे. रजा मुराद राम रहीमच्या भूमिकेत दिसणार आहे, तर राखी सावंत हनीप्रीतच्या भूमिकेत दिसणार असल्याची माहिती आहे.

डेरा सच्चा सौदामधील दोन साध्वींच्या बलात्कार प्रकरणी राम रहीमला 20 वर्षांची शिक्षा सुनावण्यात आली आहे. राम रहीम सध्या रोहतकच्या जेलमध्ये आहे. तर हनीप्रीत कोर्टाच्या निर्णयानंतर निर्माण झालेल्या हिंसेनंतर गायब झाली आहे. ती सध्या नेपाळमध्ये असल्याचं बोललं जात आहे.

या सिनेमाची कथा राम रहीमच्या गुन्हेगारी पार्श्वभूमीवर असेल, असं बोललं जात आहे. राम रहीम रॉक स्टार बनल्यापासून ते तो तुरुंगात जाईपर्यंतची कहाणी या सिनेमात दाखवली जाण्याची शक्यता आहे. तर त्याच्या आणि हनीप्रीत यांचे संबंधही या सिनेमात दाखवले जाऊ शकतात.

या सिनेमाची शुटिंग मंगळवारपासून दिल्लीत सुरु होणार आहे. एजाज खान तपास अधिकाऱ्याच्या भूमिकेत दिसेल. राम रहीम तुरुंगात गेल्यानंतर त्याच्याविषयीच्या अनेक गोष्टी समोर आल्या आहेत. यामध्ये त्याने अनेक साध्वींचा बलात्कार केल्याच्या आरोपांचाही समावेश आहे. शिवाय डेरा सच्चा सौदामध्ये अब्जावधी रुपयांचं साम्राज्य लपवल्याचंही समोर आलं.

सिनेमा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV