एल्फिन्स्टन दुर्घटना : ऑफिसच्या शेवटच्या दिवशी तेरेसा यांचा मृत्यू

आई येईल आणि आपल्याला छातीशी घट्ट कवटाळेल अशी आस लावून बसलेल्या 9 महिन्याच्या चिमुकल्याला सांगणार तरी कोण? की, बाळा तू आज पोरका झालास...

एल्फिन्स्टन दुर्घटना : ऑफिसच्या शेवटच्या दिवशी तेरेसा यांचा मृत्यू

मुंबई : एलफिन्स्टनच्या दुर्घटनेनं अवघ्या 9 महिन्याच्या बाळाला आणि 6 वर्षांच्या मुलला अनाथ केलं आहे. कारण त्यांची आई तेरेसा फर्नांडिस पुलावर झालेल्या चेंगराचेंगरीत मृत्युमुखी पडली.

जपानवरून बुलेट ट्रेन आणणारे मोदी आणि फडणवीस अनाथ झालेल्या बाळांसाठी आई कुठून आणणार? असा प्रश्न तेरेसा यांच्या मित्रांनी उपस्थित केला आहे.

teresa 2

तेरेसा यांचा आज ऑफिसचा शेवटचा दिवस होता. आपल्या मुलांना वेळ देता यावा यासाठी त्यांनी काम सोडण्याचा निर्णय घेतला. पण एल्फिन्स्टन दुर्घटनेनं त्या आपल्या मुलांना कायमच्या सोडून गेल्या.

आपली आई कुठं आहे हे त्या चिमुकल्यांना अजून ठाऊकही नाही. आई येईल आणि आपल्याला छातीशी घट्ट कवटाळेल अशी आस लावून बसलेल्या 9 महिन्याच्या चिमुकल्याला सांगणार तरी कोण? की, बाळा तू आज पोरका झालास...

teresa

नेमकी घटना काय?

मुंबईतील एल्फिन्स्टन आणि परेल रेल्वे स्थानकाला जोडणाऱ्या पुलावर  मोठी चेंगराचेंगरी झाली. या घटनेत 22 जणांचा मृत्यू झाला आहे, तर 39 प्रवासी जखमी झाले आहेत.

आज सकाळी 9.30 वाजताच्या सुमारास फूट ओव्हर ब्रिजवरील पत्रा कोसळल्याची ओरड झाली. यामुळे ब्रिजवरील प्रवाशांमध्ये घबराटीचं वातावरण निर्माण झालं. त्यातच ब्रिज पडत असल्याच्या आणि शॉर्ट सर्किट झाल्याच्या अफवा पसरल्या. त्यामुळे ब्रिजवरील प्रवाशांमध्ये एकच हलकल्लोळ माजला.

त्यानंतर झालेल्या चेंगराचेंगरीमुळे श्वास गुदमरुन आणि चिरडून 22 जणांचा मृत्यू झाला.

मृतांच्या नातेवाईकांना रेल्वे आणि राज्य सरकारतर्फे प्रत्येकी पाच लाख

या दुर्घटनेत मृत्युमुखी पडलेल्या मृतांच्या नातेवाईकांना प्रत्येकी पाच लाख रुपयांच्या मदतीची घोषणा राज्य सरकारने केली आहे, तर जखमींवरील उपचारांचा सर्व खर्च सरकार उचलणार आहे. गरज पडल्यास जखमींना उपचारांसाठी इतरत्र हलवण्यात येईल, असंही मंत्री विनोद तावडे यांनी सांगितलं.

VIDEO :



संबंधित बातम्या :
दसऱ्यासाठी फुलं आणायला गेलेल्या दोन मैत्रिणींचा चेंगराचेंगरीत दुर्दैवी अंत

एल्फिन्स्टन दुर्घटनेत ज्योतिबा चव्हाण यांचा मृत्यू

कुटुंबाचा एकमेव आधार हरपला, मयुरेशचा चेंगराचेंगरीत दुर्दैवी मृत्यू

दहीहंडीला सलामी देणाऱ्या गोविंदाचा चेंगराचेंगरीत दुर्दैवी अंत

एलफिन्स्टन चेंगराचेंगरी : 61 वर्षीय आलेक्स कोरीयांचा गुदमरुन मृत्यू

एल्फिन्स्टन चेंगराचेंगरीची घटना अतिशय धक्कादायक : मुख्यमंत्री

बुलेट ट्रेनआधी मुंबईच्या लोकलकडे लक्ष द्या!

एल्फिन्स्टन-परेलला जोडणाऱ्या पुलावर चेंगराचेंगरी, 22 जणांचा मृत्यू

एलफिन्स्टन चेंगराचेंगरी : 22 जणांच्या मृत्यूला जबाबदार कोण?

एल्फिन्स्टन स्टेशनवर नेमकं काय घडलं?

एलफिन्स्टन चेंगराचेंगरी: कोणाला किती मदत?

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV