ठाण्यात रिक्षाचालकाचा TMT चालकावर हल्ला

रिक्षाचालकाने रस्त्यावरच्या पेव्हरब्लॉकने टीएमटी बसची काचही फोडली.

ठाण्यात रिक्षाचालकाचा TMT चालकावर हल्ला

ठाणे : ठाण्यात रिक्षावाल्याची मुजोरी पुन्हा एकदा समोर आली आहे. ओव्हरटेक करु दिले नाही म्हणून रिक्षाचालकाने टीएमटी बसच्या चालकावर हल्ला केला. रिक्षाचालक फरार झाला आहे. काल (29 ऑक्टोबर) संध्याकाळी ही घटना घडली.

ठाणे स्टेशन ते लोधा कॉम्प्लेक्सपर्यंत जाणारी ही बस होती.

ठाण्यातील परम हॉस्पिटलजवळ टीएमटी बस चालकाने ओव्हरटेक करु दिले नाही म्हणून रिक्षाचालकाने हल्ला केला. शिवाय रस्त्यावरच्या पेव्हरब्लॉकने टीएमटी बसची काचही फोडली.

राबोडी पोलीस ठाण्यात रिक्षा चालकाविरोधात गुन्हा दाखल करण्यात आला आहे. 336, 337, 504, 427 या कलमाअंतर्गत आणि सार्वजनिक मालमत्तेस हानी पोहोचवणे हा गुन्हा दाखल केला आहे.

दरम्यान, या घटनेत एक प्रवासीही जखमी झाला आहे.

ठाण्यात याआधीही रिक्षाचालकांच्या मुजोरीच्या घटना घडल्या आहेत. त्यामुळे पोलीस प्रशासन रिक्षाचालकांच्या मुजोरीला लगाम लावणार का, असा प्रश्न सर्वसामान्य ठाणेकरांकडून उपस्थित केला जातो आहे.

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Auto Rickshaw Driver attacked on TMT driver in Thane latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV