धनंजय मुंडेंच्या निवासस्थानी डीएसके आणि अजित पवारांची भेट

पुण्यातील बांधकाम उद्योजक डी. एस. कुलकर्णी यांनी आज राष्ट्रवादीचे नेते धनंजय मुंडे आणि अजित पवार यांची भेट घेतली. धनंजय मुंडे यांच्या मुंबईतील निवासस्थानी ही भेट झाली.

धनंजय मुंडेंच्या निवासस्थानी डीएसके आणि अजित पवारांची भेट

मुंबई : पुण्यातील बांधकाम उद्योजक डी. एस. कुलकर्णी यांनी आज राष्ट्रवादीचे नेते धनंजय मुंडे आणि अजित पवार यांची भेट घेतली. धनंजय मुंडे यांच्या मुंबईतील निवासस्थानी ही भेट झाली.

डीएसके सध्या गुंतवणुकदारांचे पैसै थकल्यानं अडचणीत आले आहेत. मुंबई उच्च न्यायालयाने त्यांना निर्वाणीचा इशारा देत गुंतवणुकदारांचे पैसे परत करण्याचे आदेश दिले आहेत. त्या पार्श्वभूमीवर ही भेट झाल्याचं बोललं जात आहे. मात्र, या भेटीत नेमकी काय चर्चा झाली हे अद्याप समजू शकलेलं नाही.

डीएसके, पैसे उसने घ्या किंवा भीक मागा, पण रिकामे येऊ नका : हायकोर्ट

दरम्यान, कालच्या सुनावणीत हायकोर्टाने चांगलंच खडसावलं आहे. 'रिकाम्या हातानं येऊ नका, पैसे उसने घ्या, भीक मागा, काहीही करा, लोकांचे पैसे कधी परत करणार याची माहिती द्या, असे मुंबई हायकोर्टाने डी. एस. कुलकर्णी यांना काल बजावलं होतं.'

तसेच, 13 फेब्रुवारीला होणाऱ्या सुनावणीत डीएसकेंना पत्नी हेमांगीसह हायकोर्टात हजर राहण्याचे आदेशही देण्यात आले आहेत.

7 ते 11 फेब्रुवारी दरम्यान सकाळी 11 ते 1 आणि दुपारी 3 ते 5 वाजेपर्यंत तपास अधिकाऱ्यांपुढे हजर राहण्याचे निर्देश डीएसकेंना देण्यात आले आहेत आणि डीएसकेंवर MPID अॅक्टखाली काय कारवाई केली जाऊ शकते याचा तपशील सादर करा, असे राज्य सरकारला निर्देश देण्यात आले आहेत.

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: D S Kulkarni meet Ajit Pawar in Dhananjay Munde’s house latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV