संभाव्य उमेदवाराच्या हत्येचा कट, उपमहापौरासह 10 जणांवर गुन्हा

By: दीपक पळसुले, एबीपी माझा, भिवंडी | Last Updated: Thursday, 20 April 2017 11:01 PM
संभाव्य उमेदवाराच्या हत्येचा कट, उपमहापौरासह 10 जणांवर गुन्हा

(डावीकडून) उपमहापौर अहमद हुसेन सिद्दीकी, काँग्रेस नेता मेहबूब उर्फ बबलू अंसारी, स्थायी समिती सभापती इमरान वली मोहम्मद खान

भिवंडी : भिवंडी-निजामपूर शहर महापालिका निवडणुकीचे बिगुल वाजताच राजकीय वातावरण चांगलंच तापलं आहे. संभाव्य उमेदवाराच्या हत्येचा कट रचल्याप्रकरणी उपमहापौर, स्थायी समिती सभापती, नगरसेवकासह दहा जणांविरोधात गुन्हा दाखल करण्यात आला आहे.

राजकीय पक्षांचे नेते, कार्यकर्ते आमनेसामने भिडत असून एकमेकांचे जीव घेण्याचे प्रकार घडत आहेत. राजकीय वैमनस्यातून काँग्रेसचे पालिका गटनेते मनोज म्हात्रे यांची हत्या झाल्याची घटना ताजी असतानाच प्रभाग क्र. 2 मिल्लतनगर येथून निवडणूक लढवण्यासाठी इच्छुक असलेल्या संभाव्य उमेदवाराची हत्या करण्याचा कट विद्यमान उपमहापौर, स्थायी समिती सभापती, नगरसेवक यांच्यासह
दहा जणांच्या साथीने रचल्याचं उघड झाल्यानं शहरात भीतीचे वातावरण पसरलं आहे.

या प्रकरणी निजामपूर पोलिस ठाण्यात गुन्हा दाखल झाला आहे. सभापती इमरान वली मोहम्मद खान, काँग्रेस नेता मेहबूब उर्फ बबलू अंसारी, उपमहापौर अहमद हुसेन सिद्दीकी, भरत पवार, फिरोज डायमंड, अर्शद अंसारी व त्यांचे चार अज्ञात साथीदार हे हत्येच्या कटातील आरोपी आहेत.

इमरान खान याने त्याची पत्नी व अहमद सिद्दीकी, मेहबूब अंसारी यांचं पॅनल तयार केलं आहे. या पॅनलच्या विरोधात समाजसेवक हमीद सत्तार शेख यांनी पॅनल तयार करुन निवडणुकीची तयारी सुरु केली आहे. हमीद शेख यांच्या पॅनलकडून आपल्या वर्चस्वाला धोका निर्माण होऊ शकतो, या भीतीने त्याला कायमचं संपवण्याचा कट रचून अंबरनाथच्या गुंडांना सुपारी दिली होती.

हमीद शेख ठाण्याच्या ज्ञानसाधना कॉलेजमध्ये लिपिकाचे काम करत असल्याने त्याला रस्त्यातच गाठून ठार मारण्याचा कट रचण्यात आला होता. या हत्येच्या कटाचे मोबाईल रेकॉर्डिंग हमीद शेख यांचा समर्थक ननका गुप्ता याने उपलब्ध केल्याने हत्येच्या कटाची घटना सुदैवाने उघडकीस आली आणि मनोज म्हात्रेंसारख्या घटनेची पुनरावृत्ती टळली आहे.

First Published: Thursday, 20 April 2017 11:01 PM

Related Stories

अरविंदच्या कथनी आणि करणीत फरक: अण्णा हजारे
अरविंदच्या कथनी आणि करणीत फरक: अण्णा हजारे

अहमदनगर: ज्येष्ठ समाजसेवक अण्णा हजारे यांनी दिल्ली महापालिकांच्या

अरुण गवळी पुन्हा तुरुंगाबाहेर येणार, फर्लो मंजूर
अरुण गवळी पुन्हा तुरुंगाबाहेर येणार, फर्लो मंजूर

नागपूर : कुख्यात डॉन अरुण गवळी उर्फ अरुण गवळी पुन्हा एकदा फर्लोवर

एक दिवसाचा मुख्यमंत्री झाल्यास, पहिलं काम....: आ. बच्चू कडू
एक दिवसाचा मुख्यमंत्री झाल्यास, पहिलं काम....: आ. बच्चू कडू

मुंबई :  शेतकऱ्यांच्या विविध मागण्यासांठी आसूड यात्रेद्वारे

कृषी आणि पणनमंत्र्यांची हकालपट्टी करा : विखे-पाटील
कृषी आणि पणनमंत्र्यांची हकालपट्टी करा : विखे-पाटील

सांगली:  तूर खरेदीच्या मुद्यावरून सरकारने पणन मंत्री सुभाष देशमुख

न पिणाऱ्यांना पेट्रोल दरवाढीचा भुर्दंड का? : अजित पवार
न पिणाऱ्यांना पेट्रोल दरवाढीचा भुर्दंड का? : अजित पवार

सांगली: पिणाऱ्याकडून घ्यायचा टॅक्स न पिणाऱ्यांकडून घेताना लाज

पुणे - शौचालयात महिलेचं छायाचित्र काढणारा अटकेत
पुणे - शौचालयात महिलेचं छायाचित्र काढणारा अटकेत

पुणे: पुण्यात कधी काय घडेल आणि काय नाही हे सांगता येत नाही. कधी

राज्यातील तूर खरेदी केंद्र बंदच, 24 तासानंतरही आदेश नाही
राज्यातील तूर खरेदी केंद्र बंदच, 24 तासानंतरही आदेश नाही

उस्मानाबाद : ज्या शेतकऱ्यांनी 22 एप्रिलपर्यंत नोंदणी केली आहे,

भाजपचं सरकार म्हणजे बशा बैल : अजित पवार
भाजपचं सरकार म्हणजे बशा बैल : अजित पवार

कोल्हापूर : राष्ट्रवादीचे नेते आणि आमदार अजित पवार यांचा ग्रामीण

... अन्यथा गोंदियाचंही सुकमा झालं असतं!
... अन्यथा गोंदियाचंही सुकमा झालं असतं!

गोंदिया : नक्षलवाद्यांनी घातपात घडवण्यासाठी पुरून ठेवलेला स्फोटक

गोंदियात नॅशनल फ्लाईंग अकॅडमीचं हेलिकॉप्टर कोसळलं
गोंदियात नॅशनल फ्लाईंग अकॅडमीचं हेलिकॉप्टर कोसळलं

गोंदिया : गोंदियातील बिरसीमध्ये नॅशनल फ्लाईंग अकॅडमीचं हेलिकॉप्टर