मित्राच्या मिठीमुळे मुंबईतल्या डॉक्टरच्या बरगड्या मोडल्या!

By: | Last Updated: > Tuesday, 21 March 2017 8:28 AM
Mumbai : Doctor gets a hug so tight from it cracks his ribs

मुंबई : मित्राचं प्रेम एका डॉक्टराला चांगलंच महागात पडलं आहे. मित्राने प्रेमापोटी मारलेल्या मिठीमुळे मुंबईतील एका डॉक्टरच्या तीन बरगड्या मोडल्या आहेत.

डॉ. मधुकर गायकवाड असं या डॉक्टरांचं नाव आहे. ते मुंबईच्या फोर्ट भागातील सेंट जॉर्ज हॉस्पिटलचे अधीक्षक आहेत.

ही घटना 18 मार्च रोजी घडली. धुळ्यात रुग्णांच्या नातेवाईकांनी डॉक्टरला केलेल्या मारहाणीच्या निषेधार्थ, मुंबईच्या आझाद मैदानातील आंदोलनात सहभागी होण्यासाठी डॉ. अमित बडवे आले होते. आंदोलनात सहभागी झाल्यानंतर डॉ. बडवे यांनी डॉ. मधुकर गायकवाड यांना भेटण्याचा विचार केला.

डॉ. मधुकर गायकवाड आणि डॉ. अमित बडवे यांची अनेक वर्षांनंतर भेट झाली. यावेळी डॉ. बडवे यांनी उत्साहाच्या भरात मारलेल्या मिठीमुळे डॉ. गायकवाड यांच्या तीन बरगड्या मोडल्या.

या दोन्ही डॉक्टर मित्रांनी औरंगाबादच्या घाटी रुग्णालयात वैद्यकीय शिक्षण पूर्ण केलं. डॉ. बडवे यांना बॉडीबिल्डिंगची अतिशय आवड असल्याचं सगळ्यांना माहित होतं. 1990 मध्ये एमबीबीएस पूर्ण झाल्यानंतर डॉ. गायकवाड यांना मुंबईतील जेजे रुग्णालयात नोकरी मिळाली. तर डॉक्टर बडवे यांनी अहमदनगर जिल्ह्यात प्रॅक्टिसला सुरुवात केली. कॉलेज संपल्यानंतर त्या दोघांची भेट झाली नव्हती.

“मी माझ्या केबीनमध्ये होतो, तेव्हा अमित आला. त्याला पाहून मलाही आश्चर्याचा धक्का बसला. तो माझ्या दिशेने धावत आला आणि मिठी मारली. पण काय होतंय हे कळायच्या आतच माझ्या बरगड्या मोडल्या,” असं डॉक्टर गायकवाड यांनी सांगितलं.

यानंतर डॉ. गायकवाड जमिनीवर कोसळले. सुदैवाने ते हॉस्पिटलमध्येच असल्याने तातडीने एक्स रे केला. पहिल्या, दुसऱ्या, सातव्या बरगड्यांमध्ये फ्रॅक्चर असल्याचं स्पष्ट झालं.

बरगड्या मोडताना मला आवाज आला, असंही डॉ. गायकवाड यांनी विनोदाने सांगितलं.

सुदैवाने डॉ. गायकवाड यांना झालेली दुखापत फार गंभीर नाही. त्यांना 15 दिवस विश्रांतीचा सल्ला देण्यात आला आहे. बरगड्यांमधील फ्रॅक्चर नैसर्गिकरित्या भरुन येईल, असंही सांगण्यात आलं आहे.

Mumbai News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:Mumbai : Doctor gets a hug so tight from it cracks his ribs
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

VIDEO : मॉर्निंग वॉकला गेलेल्या महिलेवर नारळाचं झाड कोसळलं
VIDEO : मॉर्निंग वॉकला गेलेल्या महिलेवर नारळाचं झाड कोसळलं

मुंबई : मॉर्निंग वॉकसाठी घराबाहेर पडलेल्या महिलेच्या अंगावर

नागपंचमीला जिवंत सापांची पूजा करण्यावर बंदी कायम
नागपंचमीला जिवंत सापांची पूजा करण्यावर बंदी कायम

मुंबई : श्रावण महिना येताच सणांची रेलचेल सुरु होते. यात पहिला सण

मुंबई महापालिकेकडून 193 अनधिकृत शाळा जाहीर
मुंबई महापालिकेकडून 193 अनधिकृत शाळा जाहीर

मुंबई : मुंबई महापालिकेच्या शिक्षण विभागानं अनधिकृत शाळांची यादी

मुसळधार पावसानंतर मुंबई, ठाणे परिसरात साथीच्या आजारांचं थैमान
मुसळधार पावसानंतर मुंबई, ठाणे परिसरात साथीच्या आजारांचं थैमान

ठाणे/ मिरा-भाईंदर : राज्यात गेल्या चार दिवसांपासून मुसळधार पाऊस पडत

तावडे-शेलारांनी विरोधी पक्षातील मराठा आमदार मॅनेज केले?
तावडे-शेलारांनी विरोधी पक्षातील मराठा आमदार मॅनेज केले?

मुंबई: राष्ट्रपती निवडणुकीत विरोधीपक्षाचे आमदार फोडण्यात भाजप

कॉलेजच्या बाथरुमध्ये विद्यार्थिंनीचे व्हिडीओ काढण्याचे प्रयत्न, शिपायाला अटक
कॉलेजच्या बाथरुमध्ये विद्यार्थिंनीचे व्हिडीओ काढण्याचे प्रयत्न,...

मुंबई : विद्येचं मंदिर समजल्या जाणाऱ्या कॉलेजांमध्येही

बदलापूरमधील कोंडेश्वर धबधब्यावर तीन दिवस जमावबंदी
बदलापूरमधील कोंडेश्वर धबधब्यावर तीन दिवस जमावबंदी

बदलापूर: बदलापूरमधील कोंडेश्वर धबधब्यावर तीन दिवसांसाठी जमावबंदी

धबधब्यात बाहुबली स्टाईल उडी मारण्याच्या नादात जीव गेला
धबधब्यात बाहुबली स्टाईल उडी मारण्याच्या नादात जीव गेला

कल्याण: बाहुबली सिनेमात प्रभासनं जशी धबधब्यावरून उडी मारली, तशी उडी

बिघाड दुरुस्त, मध्य रेल्वेची वाहतूक हळूहळू पूर्वपदावर
बिघाड दुरुस्त, मध्य रेल्वेची वाहतूक हळूहळू पूर्वपदावर

मुंबई: मध्य रेल्वेची विस्कळीत झालेली वाहतूक हळूहळू सुरु करण्यात

सॅनिटरी पॅडला जीएसटीतून वगळा, हायकोर्टात याचिका
सॅनिटरी पॅडला जीएसटीतून वगळा, हायकोर्टात याचिका

मुंबई: सॅनिटरी पॅडला जीएसटीतून वगळण्यात यावं, अशी मागणी करत मुंबई