दमानियांच्या 28 तासांच्या आंदोलनानंतर खडसेंवर मुंबईत गुन्हा

खडसेंविरोधात कलम 509 अंतर्गत हा गुन्हा नोंदवला गेला आहे. आता याप्रकरणी खडसेंवर काय कारवाई होते हे पाहणं महत्वाचं आहे.

दमानियांच्या 28 तासांच्या आंदोलनानंतर खडसेंवर मुंबईत गुन्हा

मुंबई : सामाजिक कार्यकर्त्या अंजली दमानिया यांच्या आंदोलनानंतर अखेर माजी महसूलमंत्री आणि भाजपचे ज्येष्ठ नेते एकनाथ खडसे यांच्याविरोधात गुन्हा दाखल करण्यात आला आहे. मुंबईतील वाकोला पोलिस स्थानकात गुन्हा दाखल करण्यात आला आहे.

जळगावातील मुक्ताईनगरमध्ये 2 सप्टेंबर रोजी एकनाथ खडसेंनी दमानियांबद्दल अश्लील वक्तव्य केल्याचा आरोप आहे. याप्रकरणी तब्बल 28 तास दमानिया यांनी वाकोला पोलिस स्टेशनबाहेर ठिय्या आंदोलन केलं होतं. त्यानंतर गुरुवारी संध्याकाळी पोलिसांनी झीरो एफआयआर दाखल केला.

खडसेंविरोधात कलम 509 अंतर्गत हा गुन्हा नोंदवला गेला आहे. आता याप्रकरणी खडसेंवर काय कारवाई होते हे पाहणं महत्वाचं आहे.

काय आहे प्रकरण?

एकनाथ खडसे यांनी अश्लील टिप्पणी केल्याचा आरोप करत अंजली दमानिया यांनी खडसेंना तातडीने अटक करण्याची मागणी केली होती. मात्र आजवर कुठल्याही स्त्रीचा आपण अनादर केला नाही. शिवाय अंजली दमानियांविषयी कुठलंही आक्षेपार्ह विधान केलं नसल्याचं स्पष्टीकरण एकनाथ खडसे यांनी मुंबईत घेतलेल्या पत्रकार परिषदेत दिलं होतं.

संबंधित बातम्या :


मुख्यमंत्र्यांमध्ये खडसेंवर कारवाई करण्याची हिंमत नाही : दमानिया


एकनाथ खडसे यांना तातडीने अटक करा : अंजली दमानिया


दमानियांवर कुठलीही अश्लील टीका नाही, खडसेंचं स्पष्टीकरण

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV