मुंबईच्या महापौरांची निवड 8 मार्चलाच होणार

By: मनश्री पाठक, एबीपी माझा | Last Updated: Wednesday, 1 March 2017 5:53 PM
मुंबईच्या महापौरांची निवड 8 मार्चलाच होणार

मुंबई : मुंबई महापालिकेच्या महापौरांची निवड 8 मार्चलाच होणार आहे. 8 मार्च रोजी दुपारी 12 महापौरांची निवड केली जाईल. महापालिका आयुक्तांच्या आदेशानंतर महापौर निवडणूक तारखेत बदल करण्यात आला.

4 मार्चला महापौरपदाच्या उमेदवारीचा अर्ज भरता येणार आहे. त्यानंतर 8 मार्चला म्हणजे महापौरपदाच्या निवडीपूर्वी काही वेळ अर्ज माघारी घेण्याची मुदत असेल.

मुंबई महापालिका आयुक्तांच्या आदेशानंतर तडकाफडकी महापौरपदाच्या निवडणुकीची तारीख बदलण्यात आली. आधी 9 मार्चला महापौर निवडणार असल्याचे बोलले जात असतानाच अचानक आयुक्तांच्या आदेशानंतर 8 मार्च ही तारीख महापौर निवडीसाठी ठरवण्यात आली.

2012 च्या जुन्या नगरसेवकांची मुदत 8 मार्चलाच संपते आहे.

तांत्रिकदृष्ट्या जुने नगरसेवक पदावर असले, तरी चिटणीस विभागाकडून जुन्या नगरसेवकांना सभागृह बैठकीसाठीचे निमंत्रणच पाठवले जाणार नाही. केवळ 2017 मध्ये निवडून आलेल्या नव्या सदस्यांनाच निमंत्रण पाठवण्यात येणार आहे.

मुदतीपूर्वीच महापौर निवडणूक घेण्याचं कारण काय?

8 मार्चला उत्तर प्रदेशातील विधानसभा निवडणुकीचा शेवटचा टप्पा आहे. या दिवशी जर काँग्रेसने शिवसेनेचा महापौर होण्यासाठी प्रत्यक्ष-अप्रत्यक्ष मदत केली, तर याचा परिणाम उत्तर प्रदेशातील काँग्रेसच्या मतांवर होईल, असा भाजपचा अंदाज आहे. त्यामुळे भाजपकडूनच मुदतीपूर्वीच महापौरपदाची निवडणूक घेण्याची खेळी खेळण्यात आली अशी चर्चा आहे.

एकीकडे शिवसेनेनं सभागृहाची मुदत संपण्यापूर्वीच 8 मार्चला निवडणूक घेण्यावर आक्षेप घेतला आहे. कारण त्यादिवशी निवडणूक घेतल्यास जुने नगरसेवकही महापौरपदासाठी मतदानाचा अधिकार मागू शकतात. त्यामुळे प्रशासकीय पेच निर्माण होऊ शकतो.

मात्र शिवसेनेच्या आक्षेपावर प्रशासनानं मार्ग काढत 8 मार्च रोजी होणाऱ्या महापौर निवडणुकीसाठी जुन्या नगरसेवकांना आमंत्रणच न पाठवण्याचा निर्णय घेतला आहे.

महापालिकेतील पक्षीय बलाबल कसं आहे?

  • शिवसेना – 84 + 4 अपक्ष
  • भाजप – 82
  • काँग्रेस – 31
  • राष्ट्रवादी – 9
  • मनसे – 7
  • MIM – 3
  • सपा – 6
  • अखिल भारतीय सेना – 1

 

संबंधित बातमी : महापौर निवडणूक आणि आकड्यांचं गणित

First Published: Wednesday, 1 March 2017 5:44 PM

Related Stories

खडसेंनी फडणवीस सरकारला झाप झाप झापलं!
खडसेंनी फडणवीस सरकारला झाप झाप झापलं!

मुंबई: भाजप नेते आणि माजी महसूल मंत्री एकनाथ खडसे यांनी फडणवीस

तुकाराम मुंढेंनी पीएमपीएमएलच्या अध्यक्षपदाचा कार्यभार स्वीकारला
तुकाराम मुंढेंनी पीएमपीएमएलच्या अध्यक्षपदाचा कार्यभार स्वीकारला

पुणे: आयएएस अधिकारी तुकाराम मुंढे यांनी अखेर पुणे महानगर परिवहन

... तर पुन्हा रामलीलावर आंदोलन, अण्णा हजारेंचा इशारा
... तर पुन्हा रामलीलावर आंदोलन, अण्णा हजारेंचा इशारा

अहमदनगर : लोकपाल आणि लोकायुक्त नेमण्याची सरकारची इच्छा नाही, असं

ना विमान, ना रेल्वे, आता रस्ते मार्गे खा. गायकवाड दिल्लीकडे
ना विमान, ना रेल्वे, आता रस्ते मार्गे खा. गायकवाड दिल्लीकडे

मुंबई:  शिवसेनेचे चप्पलमार खासदार रवींद्र गायकवाड आता रस्तेमार्गे

बारावीचे पेपर तपासण्यावर बहिष्कार, 750 शाळांना कारणे दाखवा नोटीस
बारावीचे पेपर तपासण्यावर बहिष्कार, 750 शाळांना कारणे दाखवा नोटीस

औरंगाबाद : बारावीचे पेपर तपासण्यावर बहिष्कार टाकल्याने

राष्ट्रपतीपदासाठी माझ्या नावाची चर्चा केवळ मनोरंजन समजा : भागवत
राष्ट्रपतीपदासाठी माझ्या नावाची चर्चा केवळ मनोरंजन समजा : भागवत

नागपूर : “राष्ट्रपतीपदासाठी माझ्या नावाची चर्चा केवळ

मराठा आरक्षणाच्या प्रस्तावावरुन हायकोर्टात मत-मतांतर
मराठा आरक्षणाच्या प्रस्तावावरुन हायकोर्टात मत-मतांतर

मुंबई: मराठा आरक्षणाचा मुद्दा मागासप्रवर्ग आयोगाकडे पाठवायचा की

नागपूरमधील शासकीय बालसुधार गृहातून 14 मुलांचं पलायन
नागपूरमधील शासकीय बालसुधार गृहातून 14 मुलांचं पलायन

नागपूर: नागपूरच्या बालसुधार गृहातून तब्बल 14 मुले पळून गेल्याची

उष्माघाताचा बीडमध्ये पहिला बळी
उष्माघाताचा बीडमध्ये पहिला बळी

बीड : राज्यातील तापमानाचा पारा वाढतच चालला आहे. बीडमध्ये या

एसी बसमधून संघर्षयात्रा, विरोधी पक्ष चंद्रपुरात दाखल
एसी बसमधून संघर्षयात्रा, विरोधी पक्ष चंद्रपुरात दाखल

चंद्रपूर : संघर्षयात्रेत बडेजाव टाळा असे आदेश विरोधी पक्षांनी दिले