सीडीआर लीक रॅकेटमध्ये पोलिसांचाही सहभाग

मोबाईल कंपन्या चौकशीला सहकार्य करत नाहीत, असा आरोप ठाणे पोलिस आयुक्तांनी केला आहे.

सीडीआर लीक रॅकेटमध्ये पोलिसांचाही सहभाग

ठाणे : सीडीआर (कॉल डिटेल रेकॉर्ड) लीक प्रकरणात पोलिस अधिकाऱ्यांचाही सहभागाची माहिती समोर आली आहे. ठाणे पोलीस आयुक्त परमबीर सिंह यांनी एबीपी माझाशी बोलताना यासंदर्भात माहिती दिली.

सीडीआर लीक प्रकरणात अटकेत असलेले आरोपी पोलिसांकडून सीडीआर खरेदी करुन विक्री करत होते. यामध्ये इतर राज्यातील पोलिसांचा समावेश असण्याची शक्यता वर्तवण्यात येत आहे.

पोलिसांसह मोबाईल कंपन्यांचे काही अधिकारीही या रॅकेटमध्ये सहभागी असल्याची माहिती मिळाल्याचे परमबीर सिंह यांनी सांगितले.

मोबाईल कंपन्यांचे अधिकारीच थेट गुप्तहेरांना सीडीआर उपलब्ध करुन देत होते. यासंदर्भात चौकशी सुरु आहे. मात्र मोबाईल कंपन्या चौकशीला सहकार्य करत नाहीत, असा आरोप पोलिस आयुक्तांनी केला आहे. मात्र, मोबाईल कंपन्यांनी यापुढे चौकशीला सहकार्य न केल्यास त्यांच्याविरोधात गुन्हा दाख केला जाईल, असा इशारा आयुक्तांनी दिला आहे.

व्हीआयपी नंबरही समोर, ब्लॅकमेलिंगचा संशय

काल सीडीआर लीक प्रकरणात व्हीआयपी नंबरचे सीडीआर (कॉल डिटेल रेकॉर्ड) मिळवल्याची माहिती आरोपींच्या चौकशीतून उघड झाली होती. पोलिसांनी त्या दृष्टीनेही तपास सुरु केला आहे.

सूत्रांच्या माहितीनुसार, या प्रकरणात समोर आलेल्या नावांमध्ये अभिनेते, राजकीय नेते आणि प्रतिष्ठित व्यक्ती असण्याची शक्यता आहे. या सीडीआरचा वापर ब्लॅकमेलिंगसाठी झाला असल्याचा संशय पोलिसांना आहे.

संबंधित बातम्या :

CDR लीक प्रकरण : व्हीआयपी नंबर समोर, ब्लॅकमेलिंगचा संशय

CDR लीक प्रकरण : व्होडाफोनसह 7 मोबाईल कंपन्या चौकशीच्या घेऱ्यात

कॉल डिटेल्स रेकॉर्डिंग लीक प्रकरणी महिला गुप्तहेर रजनी पंडित यांना अटक

महिला खाजगी गुप्तहेर रजनी पंडित यांना अटक

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Police officers also involve in CDR leak racket latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV