मोठं भुयार खोदून बँक लुटली, नवी मुंबईत जबरी दरोडा

चोरट्यांनी बँकेशेजारील दुकानाजवळ खड्डा खणून, तिथून बँकेपर्यंत बोगदा तयार केला. त्या बोगद्यातून बँकेत शिरुन, त्यांनी 27 लॉकर्स लुटले.

मोठं भुयार खोदून बँक लुटली, नवी मुंबईत जबरी दरोडा

नवी मुंबई: दरोडेखोरांनी चक्क भुयार खोदून बँकेवर दरोडा टाकला. दरोडेखोरांनी नवी मुंबईतील बँक ऑफ बडोदाची शाखा लुटून, कोट्यवधी रुपयांवर डल्ला मारला.

मध्यरात्री नवी मुंबईच्या जुईनगर सेक्टर 11 मध्ये ही घटना घडली.

चोरट्यांनी बँकेशेजारील दुकानाजवळ खड्डा खणून, तिथून बँकेपर्यंत बोगदा तयार केला. त्या बोगद्यातून बँकेत शिरुन, त्यांनी 27 लॉकर्स लुटले.

ही चोरी शनिवारी की रविवारी रात्री झाली हे अद्याप स्पष्ट झालेलं नाही.

एक ग्राहक सोमवारी जेव्हा आपलं लॉकर उघडण्यासाठी लॉकर रुममध्ये गेला, त्यावेळी आजूबाजूचे  27 लॉकर्स तोडल्याचं दिसून आलं. जेव्हा ग्राहक लॉकर रुममध्ये आला, तेव्हा त्याच्यासोबत बँक कर्मचारीही उपस्थित होता. तेव्हा दोघांनीही जे चित्र पाहिलं ते धक्कादायक होतं.

लॉकर रुममध्ये एक भुयार होतं, ते शेजारच्या दुकानापर्यंत खणलं होतं. चोरट्यांनी या भुयारातून प्रवेश करुन, लॉकर फोडून लुटमार केली.

चोरट्यांनी लॉकरमधील दागिन्यांवरच डल्ला मारल्याचं पोलिसांनी सांगितलं.

दरोडेखोर फरार असून सीसीटीव्हीच्या आधारे काही सुगावा लागतो का, याचा शोध पोलीस घेत आहेत.  मात्र चक्क जमिनीत भुयार खोदून बँकेची लूट केल्यानं पोलीसही थक्क झाले आहेत.

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: robbery in bank of baroda navi mumbai
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV