भुजबळांवरील सुनावणीदरम्यान कोर्टात शिवसेना आमदार उपस्थित

आमदार प्रकाश सुर्वे हे बराच वेळ छगन भुजबळांच्या अगदी शेजारी बसून होते.

भुजबळांवरील सुनावणीदरम्यान कोर्टात शिवसेना आमदार उपस्थित

मुंबई : राष्ट्रवादीचे ज्येष्ठ नेते छगन भुजबळ यांच्यावरील सुनावणीसाठी आज भुजबळ कुटुंबातील अनेकजण हजर होते. विशेष म्हणजे, शिवसेनेचे आमदार प्रकाश सुर्वे हेसुद्धा सुनावणीवेळी उपस्थित होते. प्रकाश सुर्वे हे बराच वेळ छगन भुजबळांच्या अगदी शेजारी बसून होते.

प्रकाश सुर्वे कोण आहेत?

प्रकाश सुर्वे हे शिवसेनेत प्रवेश करण्याआधी राष्ट्रवादी काँग्रेसमध्ये होते. त्यावेळी ते छगन भुजबळांच्या निकटवर्तीयांपैकी एक होते. भुजबळांचे कट्टर समर्थक अशीही प्रकाश सुर्वेंची ओळख होती. मात्र विधानसभेवेळी त्यांनी शिवसेनेत प्रवेश केला आणि मुंबईतील मागाठाणे मतदारसंघातून शिवसेनेच्या तिकिटावर आमदार म्हणून निवडूनही आले.

भुजबळांचे कुटुंबीयही उपस्थित

आजच्या सुनावणीकरता संपूर्ण भुजबळ कुटुंबिय पीएमएलए कोर्टात हजर होतं. पत्नी मीना भुजबळ, मुलगा पंकज, दोन्ही सुना विशाखा आणि शेफालीसह भुजबळांची नातवंडही कोर्टरुमध्ये उपस्थित भुजबळांच्या आजूबाजूला बसली होती.

कोर्टात काय झालं?

छगन भुजबळांच्या जामीन अर्जाला पीएमएलए कोर्टात ईडीच्यावतीनं जोरदार विरोध व्यक्त करण्यात आला. पीएमएल कायद्यातील कलम 45 च्या सुधारणेतील तरतुदीनुसार भुजबळांचा नवा जामीन अर्ज हा असंविधानिक असल्याचा आरोप ईडीचे वकील हितेन वेणेगावर यांनी केला आहे.

कायद्यात जरी सुधारणा झाली असली तरी बेहिशेबी संपत्ती गोळा केल्याच्या मुख्य गुन्ह्याची तीव्रता कमी होत नसल्याचा दावा आहे. तसेच पीएमएलए कायद्यातील कलम 24 अंतर्गतही आरोपीला जामीन देता येणार नाही, असं त्यांनी कोर्टात सांगितलं. गुरूवारी ईडीच्यावतीने पुढील युक्तीवाद करण्यात येईल.

मुंबई शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Shivsena MLA Prakash Surve was present during hearing about Chhagan Bhujbal in Court
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV