रस्त्यावरचे खड्डे मोजणारं 'इस्रो'चं मोबाईल अॅप

शिवसेना खासदार हेमंत गोडसे यांच्या प्रयत्नातून नाशिक लोकसभा मतदारसंघातील रस्त्यांवरच्या खड्ड्यांची वस्तुस्थिती जाणून घेण्याचं काम इस्त्रोने सुरु केलं आहे.

ISRO launched mobile app which can map potholes on Road

नाशिक : गुगल मॅपवर तुम्ही रस्ते, ट्राफीकची माहिती सहज मिळवता. तशीच भविष्यात कुठल्या रस्त्यावर किती खड्डे आहे, याची माहिती तुम्हाला मोबाईल अॅपवर मिळू शकणार आहे. ‘इस्त्रो’ने रस्त्यांवरच्या खड्ड्यांची माहिती देणारं अॅप बनवण्याचं काम सुरु केलं आहे. देशातला पहिल्या रस्त्यांचं मॅप तयार करण्याचा प्रयोग नाशिकमध्ये इस्त्रोने सुरु केलाय.

देशातला पहिला प्रयोग नाशिकमध्ये

शिवसेना खासदार हेमंत गोडसे यांच्या प्रयत्नातून नाशिक लोकसभा मतदारसंघातील रस्त्यांवरच्या खड्ड्यांची वस्तूस्थिती जाणून घेण्याचं काम इस्त्रोने सुरु केलं आहे. सिन्नरमधल्या नायगाव गटातील ब्राम्हणवाडे येथून मोबाईल कॅमेरा अॅपद्वारे रस्त्यांवरील खड्ड्यांच्या सर्वेक्षणाचं काम सुरु करण्यात आलं. पहिल्याच दिवशी 93 किमी रस्त्याचं सर्वेक्षण पूर्ण केलं. देशातला हा पहिलाच प्रयोग असून भविष्यात रस्त्यावरच्या खड्ड्यांची आणि रस्ते कामांची पारदर्शक माहिती या अॅप्लीकेशनद्वारे नागरीकांना, प्रशासनाला सहज मिळेल, असं गोडसेंनी सांगितलं.

मोबाईलमधील एक्सीलरोमीटर, गायरोस्कोप आणि कॅमेरा यांच्या माध्यमातून रस्त्यांचं सर्वेक्षण केलं जाईल. यात रस्त्यावर एकूण किती खड्डे आहेत, कुठला खड्डा किती मोठा आहे, किती खोल आहे, याचीही माहिती घेतली जाईल. अॅप्लीकेशन मॅपवर मोठा खड्डा लाल, मध्यम खड्डा निळ्या तर लहान खड्डा इतर रंगात दाखवला जाईल, असं फॉरमॅट तयार करण्यात आलं आहे.

सरकारी यंत्रणा अॅपचा वापर करुन घेणार?

वाहनचालकांना याचा लाभ होईलच. पण प्रशासनाला, सरकारलाही हे अॅप्लीकेशन फायदेशीर ठरेल. खरंच कुठल्या रस्त्यावर किती खड्डे आहेत, कुठल्या रस्त्यावरच्या खड्ड्यांच्या कामांना परवानगी देणं गरजेचं आहे. काम देण्यापूर्वी आणि पूर्ण झाल्यावर रस्त्यांवरच्या खड्ड्यांची स्थिती काय आहे, याचा सत्य पुरावा या अॅप्लीकेशनच्या माध्यमातून मिळणार असल्याने रस्ते कामांतला भ्रष्टाचारही यामुळं रोखला जाईल. शिवाय वशिल्यावर नाही, तर गरजेनुसार रस्त्यांची कामं केली जातील, असं गोडसेंनी सांगितलं.

‘इस्त्रो’च्या अॅप्लीकेशन विभागाचे प्रमुख डॉ.सुरेश बाबू, सौरभ गंगवार यांच्यासह टीम हे अॅप्लीकेशन बनवण्यासाठी नाशकात तळ ठोकून आहे. रस्त्यांवरच्या खड्ड्यांनी सरकारला हतबल केलं असताना आता रस्त्यांच्या पारदर्शक कामांसाठी इस्त्रो मदतीला आता धावून आल्याचं पाहायला मिळत आहे. त्यामुळे आपल्या राज्याचा सार्वजनिक बांधकाम या तंत्रज्ञानाचा आधार घेऊन आवश्यक तिथे काम करेन, अशी अपेक्षा आहे.

Nasik News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:ISRO launched mobile app which can map potholes on Road
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

नाशकात कारमध्येच गर्भलिंग निदान चाचणी केंद्र!
नाशकात कारमध्येच गर्भलिंग निदान चाचणी केंद्र!

नाशिक : नाशिकच्या सातपूरमध्ये एका कारमध्ये गर्भलिंग निदान चाचणी

नाशिकमध्ये जन्मलेल्या महिलेचं गुगल डूडल!
नाशिकमध्ये जन्मलेल्या महिलेचं गुगल डूडल!

मुंबई: नाशिकमध्ये जन्मलेल्या महिलेचा गुगलने यथोचित सन्मान केला

अधिकृत फेरीवाल्यांना हटवणं गैर: संजय राऊत
अधिकृत फेरीवाल्यांना हटवणं गैर: संजय राऊत

नाशिक: फेरीवाल्यांवरुन सुरु असलेल्या वादात आता शिवसेनेने उडी

‘भाजप सरकार हिंदूंना एकत्र करुन अल्पसंख्याकांमध्ये फूट पाडत आहे’
‘भाजप सरकार हिंदूंना एकत्र करुन अल्पसंख्याकांमध्ये फूट पाडत आहे’

नाशिक : पूर्वीचं सरकार हिंदूंमध्ये फूट पाडून अल्पसंख्याकांचं

नाशिक आणि निफाडचा पारा 10 अंश सेल्सिअसवर
नाशिक आणि निफाडचा पारा 10 अंश सेल्सिअसवर

नाशिक : हिवाळ्यात मुंबई, पुणे, नाशिकसह राज्यभर थंडीचा जोर वाढला आहे.

राणे मंत्री होणार, अन् सरकारही स्थिर राहणार : गिरीश बापट
राणे मंत्री होणार, अन् सरकारही स्थिर राहणार : गिरीश बापट

नाशिक : नारायण राणे मंत्री होणारच असा पुनरुच्चार अन्न पुरवठा मंत्री

जमिनीवर बसून राज ठाकरेंचा कार्यकर्त्यांशी संवाद
जमिनीवर बसून राज ठाकरेंचा कार्यकर्त्यांशी संवाद

नाशिक : मुंबईतील मनसेच्या सात पैकी सहा नगरसेवकांनी पक्षाला

35 तोळे सोन्याची चोरी, एका वर्षाने तक्रार, 12 तासात चोर गजाआड
35 तोळे सोन्याची चोरी, एका वर्षाने तक्रार, 12 तासात चोर गजाआड

नाशिक : एक वर्षापूर्वी चोरीला गेलेलं 35 तोळे सोनं आणि 15 किलो चांदी

नाशिकमध्ये 30-40 शेतकऱ्यांना अन्नातून विषबाधा, एकाचा मृत्यू
नाशिकमध्ये 30-40 शेतकऱ्यांना अन्नातून विषबाधा, एकाचा मृत्यू

नाशिक : नाशिक जिल्ह्यातील दिंडोरीमध्ये 30 ते 40 शेतकऱ्यांना अन्नातून

समृद्धी महामार्ग आंदोलनाला राज ठाकरे पाठिंबा देणार?
समृद्धी महामार्ग आंदोलनाला राज ठाकरे पाठिंबा देणार?

नाशिक : समृद्धी महामार्ग विरोधात शेतकऱ्यांनी आता मनसे अध्यक्ष राज