बोबडं बोलल्याने चिमुकल्याला सावत्र पित्याकडून 40 चटके

आरोपीने पत्नीला मारहाण करुन घराबाहेर हाकललं. त्यानंतर झोपलेल्या मुलाला डास मारण्याच्या अगरबत्तीचे 40 चटके दिले.

बोबडं बोलल्याने चिमुकल्याला सावत्र पित्याकडून 40 चटके

नाशिक : साडे तीन वर्षांच्या चिमुकल्याला सावत्र पित्यानं अगरबत्तीचे चटके दिल्याचा प्रकार उघडकीस आला आहे. मुलगा बोबडा बोलतो, या रागातून त्याने सावत्र मुलाला चटके दिल्याची धक्कादायक माहिती आहे. नाशकातल्या गोंदे गावात ही घटना घडली आहे.

हेमंत राऊत असं अत्याचार करणाऱ्या पित्याचं नाव असून तो घटनेनंतर फरार आहे. आरोपी हेमंत त्याची दुसरी पत्नी आणि तिच्या मुलासह गोंदेफाटा परिसरात राहतो. काल रात्री त्यानं पत्नीला मारहाण करुन घराबाहेर हाकललं. त्यानंतर झोपलेल्या मुलाला डास मारण्याच्या अगरबत्तीचे 40 चटके दिले.

दुसऱ्या दिवशी पत्नी घरी आल्यावर तिला मुलगा बेशुद्धावस्थेत आढळला. तिनं थेट मुलाला घेऊन जिल्हा रुग्णालय गाठलं. उपचारानंतर मुलगा शुद्धीवर आला आहे. पोलिस फरार सावत्र पित्याचा शोध घेत आहेत.

नाशिक शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV