मुंबई-पुणे प्रवास आता 20 मिनिटांत, हायपरलूप तंत्रज्ञान येणार

सध्या असलेल्या महामार्गांची दुरवस्था दूर करुन प्रवास सुखकर करा, अशाही प्रवाशांकडून भावना व्यक्त होत आहेत. महामार्गाचं 8 पदरीकरणही प्रलंबित आहे.

मुंबई-पुणे प्रवास आता 20 मिनिटांत, हायपरलूप तंत्रज्ञान येणार

पुणे : मुंबई-पुणे प्रवास आता अवघ्या 20 मिनिटांत पार करणं शक्य होणार आहे. वाहतुकीसाठी हायपर लूप तंत्रज्ञान आणलं जाणार आहे. हायपर लूप वन आणि राज्य सरकारमध्ये यासंदर्भात करार झाला आहे.

सध्या मुंबई-पुणे रस्ते वाहतूक कायम अडथळ्यांची ठरते आहे. कधी वाहतूक कोंडी, तर कधी दरड कोसळल्याने वाहतुकीत अडथळा. नाना कारणांनी मुंबई-पुणे प्रवास त्रास देणारा ठरतो. त्यामुळे हायपरलूपसारखे पर्याय नक्कीच दिलासादायक ठरतील. मात्र अशाप्रकारची अद्यायावत सुविधा प्रत्यक्षात साकारायला कधी मुहूर्त मिळेल, हा प्रश्नच आहे.

दुसरीकडे, सध्या असलेल्या महामार्गांची दुरवस्था दूर करुन प्रवास सुखकर करा, अशाही प्रवाशांकडून भावना व्यक्त होत आहेत. महामार्गाचं 8 पदरीकरणही प्रलंबित आहे.

हायपरलूप तंत्रज्ञान म्हणजे काय?

हायपरलूप तंत्रज्ञानाचा वापर करुन हवेच्या पोकळीतून स्पीडब्रेकरशिवाय ट्रेन-मेट्रोसदृश वाहनातून प्रवास करणे शक्य होते. त्यासाठी विशिष्ट आकाराच्या आणि विशिष्ट स्वरुपाच्या ट्युबची निर्मिती करुन, त्यातील वाहनाचे डबे हे कॅप्सूलच्या असतात. तर हे डबे अशा रुळांवरुन धावतात, ज्यांना चुंबकीय तंत्रज्ञान असतं.

पुणे शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: hyperloop technology for mumbai pune latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV