पुलंच्या घरात चोर घुसले, पुस्तकंच पुस्तकं पाहून पळाले!

पुलंचे भाचे दिनेश ठाकूर हे कामानिमित्त मुंबईला गेले असल्याने घर बंद होतं आणि हीच संधी चोरांनी साधली. मात्र, पुलंच्या घरात पुस्तकांव्यतिरिक्त काहीच नव्हतं. त्यामुळे चोरांच्या हाती काहीच लागलं नसल्याचा दावा दिनेश ठाकूरांनी केला.

पुलंच्या घरात चोर घुसले, पुस्तकंच पुस्तकं पाहून पळाले!

पुणे : साहित्यिक पु. ल. देशपांडे यांच्या पुण्यातील घरात चोरी झाल्याचे समोर आले आहे. डेक्कन पोलीस ठाण्याच्या हद्दीत भांडारकर रोडवर पुलंचं राहतं घर आहे.

घर बंद असताना सोमवारी पहाटे चोरांनी कुलूप तोडून आत प्रवेश केला आणि कपाटांचेही कुलूप तोडले. पुलंची हस्तलिखितं आणि पुस्तकं चोरांनी अस्ताव्यस्त केली. त्यापलिकडे त्यांच्या हाती काहीच लागले नाही. त्यामुळे तिथून त्यांनी पळ काढला.

शेजाऱ्यांच्या लक्षात हे सारं आल्यानंतर त्यांनी पुलंच्या नातेवाईकांना कळवलं. त्यानंतर पुलंच्या नातेवाईकांनी पोलिसांकडे तक्रार दाखल केली. सध्या तपास सुरु आहे.

पुलंचे भाचे दिनेश ठाकूर हे कामानिमित्त मुंबईला गेले असल्याने घर बंद होतं आणि हीच संधी चोरांनी साधली. मात्र, पुलंच्या घरात पुस्तकांव्यतिरिक्त काहीच नव्हतं. त्यामुळे चोरांच्या हाती काहीच लागलं नसल्याचा दावा दिनेश ठाकूरांनी केला.

दरम्यान, चार वर्षांपूर्वीही पुलंच्या घरात चोर घुसले होते. मात्र तेव्हाही त्यांच्या हाती काही लागले नव्हते. कारण पुलंच्या घरातील सर्व कपाटं केवळ पुस्तकं आणि हस्तलिखितांनीच भरली आहेत, अशी माहितीही पुलंचे भाचे दिनेश ठाकूर यांनी दिली.

पुणे शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Theft attempt loot in Writer P L Deshpande’s house
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

LiveTV