डेक्कन क्वीन अडवणाऱ्या महिला ‘राष्ट्रविरोधी’, रेल्वेचा अजब युक्तीवाद

Those women are anti-national who protest against Deccan Queen rail latest updates

पुणे : पुणे ते मुंबई दरम्यान दररोज प्रवास करणारी डेक्कन क्वीन रेल्वे रोखून धरणाऱ्या तीन महिला प्रवाशांना रेल्वे प्रशासनाने ‘राष्ट्रविरोधी’ ठरवलं आहे. 10 जुलैला पुणे रेल्वे स्टेशनवर प्रवाशांनी डेक्कन क्वीन एक तास रोखून धरली होती. त्यानंतर कारवाईचा बडगा उगारत रेल्वे पोलिसांकडून तीन महिला प्रवाशांना अटक करुन त्यांना न्यायाधीशांसमोर हजर केलं.

न्यायालयाने महिलांची जामिनावर मुक्तताही केली. मात्र त्यानंतर रेल्वे प्रशासनाकडून काढण्यात आलेल्या प्रसिद्धी पत्रकात रेल्वे रोखण्याचं हे कृत्य राष्ट्रविरोधी ठरवण्यात आलं आहे.

मध्य रेल्वेचे विभागीय व्यवस्थापक बी. के. दादाभोय यांनी रेल्वे रोखणं म्हणजे राष्ट्रविरोधी कृत्य असल्याचं म्हटलं आहे. सीमा सुरेश गाडगीळ, वर्षा रेले आणि फातीमा अन्सारी अशी या तीन महिलांची नावं असून, या तीनही महिला मुंबई महापालिकेत नोकरी करतात.

सीसीटीव्ही कॅमेऱ्याच्या आधारे रेल्वे रोखणाऱ्या इतर आंदोलक पुढाऱ्यांचाही शोध घेऊन कारवाई केली जाईल, असं रेल्वे प्रशासनाने म्हटलं आहे. फेब्रुवारी महिन्यापासून  डेक्कन क्वीन पुण्यात एक नंबर प्लॅटफॉर्मला उभी न करता पाच नंबर प्लॅटफॉर्मला उभी केली जाते. त्यामुळे दररोज प्रवास करणाऱ्या प्रवाशांचे हाल होतात. गर्दीत अनेकवेळा चेंगरा चेंगरीही होते. त्यामुळे डेक्कन क्वीन पुन्हा एक नंबर प्लॅटफॉर्मला उभी करण्याची मागणी प्रवाशांकडून होते आहे.

रेल्वे प्रशासनाकडून या मागणीला प्रतिसाद मिळत नसल्याने प्रवाशांनी 10 जुलैला साखळी खेचून डेक्कन क्वीन पुणे रेल्वे स्थानकावरच रोखून धरली. अखेर पोलिसांना यामध्ये हस्तक्षेप करावा लागला. त्यानंतर सव्वा सात वाजता पुण्यातून निघणारी डेक्कन क्वीन सव्वा आठ वाजता मुंबईकडे मार्गस्थ झाली. मात्र, आता रेल्वे रोखण्याच्या या कृत्याला थेट राष्ट्रविरोधी ठरवण्यात आल्यान आश्चर्य व्यक्त होत आहे.

Pune News शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title:Those women are anti-national who protest against Deccan Queen rail latest updates
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:

Related Stories

पुण्यात नागानेच नागाला गिळलं!
पुण्यात नागानेच नागाला गिळलं!

पुणे: पुण्याच्या मंचरमध्ये नागानेच नाग गिळल्याचा प्रकार समोर आला

उरळी आणि फुरसुंगीचाच पुणे मनपात समावेश
उरळी आणि फुरसुंगीचाच पुणे मनपात समावेश

पुणे: शहरालगतच्या  34 गावांपैकी केवळ दोन गावांचा पुणे

पुण्यातील काँग्रेस नेते रोहित टिळकांवर बलात्काराचा गुन्हा दाखल
पुण्यातील काँग्रेस नेते रोहित टिळकांवर बलात्काराचा गुन्हा दाखल

पुणे: पुण्यातील काँग्रेसचे नेते रोहित टिळक यांच्यावर बिश्रामबाग

शाहिस्तेखानाला 56 दिवस झुंजवणाऱ्या ‘भुईकोट’ची तटबंदी ढासळली!
शाहिस्तेखानाला 56 दिवस झुंजवणाऱ्या ‘भुईकोट’ची तटबंदी ढासळली!

पुणे : चाकणमधील भुईकोट किल्ल्याच्या तटबंदीची डागडुजी ढासळली आहे.

लोणावळ्यात भुशी डॅम परिसरात पाय घसरुन पर्यटकाचा मृत्यू
लोणावळ्यात भुशी डॅम परिसरात पाय घसरुन पर्यटकाचा मृत्यू

पिंपरी : लोणावळ्यातल्या भुशी डॅम परिसरात पाय घसरुन पडल्यानं एका

लोणावळ्यातील भुशी डॅमच्या पायऱ्यांवर पर्यटकांना बंदी
लोणावळ्यातील भुशी डॅमच्या पायऱ्यांवर पर्यटकांना बंदी

पुणे: लोणावळ्यातील प्रसिद्ध भुशी धरणाच्या पायऱ्यांवर जाण्यास

तुमचं डेबिट आणि क्रेडिट कार्ड सुरक्षित आहे का?
तुमचं डेबिट आणि क्रेडिट कार्ड सुरक्षित आहे का?

पुणे : तुमचं डेबिट आणि क्रेडिट कार्ड वापरताना थोडं सजग राहणं गरजेचं

पुण्यातल्या सिम्बॉयसिसमधील विद्यार्थ्याची गळफास घेऊन आत्महत्या
पुण्यातल्या सिम्बॉयसिसमधील विद्यार्थ्याची गळफास घेऊन आत्महत्या

पुणे: पुण्यातल्या सिम्बॉयसिसमध्ये पदवीच्या तिसऱ्या वर्षात

पुण्यातील 'आयुका'च्या पुढाकारानं नव्या आकाशगंगेचा शोध!
पुण्यातील 'आयुका'च्या पुढाकारानं नव्या आकाशगंगेचा शोध!

पुणे : पुण्यातील ‘आयुका’ या संस्थेने अवकाशातील नव्या आकाशगंगेचा

फणा काढलेल्या नागासोबत दोन भावांचा दोन तास थरार
फणा काढलेल्या नागासोबत दोन भावांचा दोन तास थरार

बारामती : बारामतीतील एमआयडीसीजवळ एक थराराक प्रकार घडला. एक नाग