गर्लफ्रेण्डसाठी तरुणाने पुणे विमानतळाची सुरक्षा भेदली!

By: एबीपी माझा वेब टीम | Last Updated: Tuesday, 7 March 2017 12:34 PM
गर्लफ्रेण्डसाठी तरुणाने पुणे विमानतळाची सुरक्षा भेदली!

पुणे : प्रेमात आणि युद्धात सर्व माफ असतं, अशाप्रकारचे डायलॉग सिनेमात ऐकायला मिळतात. अनेक वेळा हे प्रेमवीर कायद्याचं उल्लंघनही करतात. पुणे विमानतळावर रविवारी असाच एक प्रकार घडला. सीआयएसएफने एका प्रेमवीराला ताब्यात घेतलं आहे. या तरुणाने कायद्याचे धिंडवडे उडवून विमानतळावरचा सुरक्षा भेदली. बनावट तिकीटद्वारे विमानतळाच्या उच्चदर्जाची सुरक्षा असलेल्या टर्मिनल बिल्डिंगपर्यंत पोहोचला.

कारण ऐकून सुरक्षारक्षकांनाही धक्का

त्याच्या या खटाटोपाचं कारण ऐकल्यानंतर सुरक्षा यंत्रणांनाही आश्चर्याचा धक्का बसला. गर्लफ्रेण्डला गूडबाय करण्यासाठी टर्मिनल बिल्डिंगपर्यंत घुसल्याचं या प्रेमवीराने सांगितलं. त्याच्याविरोधात विमानतळ पोलिस स्टेशनमध्ये गुन्हा नोंदवण्यात आला आहे.

अमर मोहसिन बॉक्सवाला असं या तरुणाचं नाव असून तो मार्केट यार्डमधील बुरहानी कॉलनीत राहतो.

तिकीटात हेराफेरी करुन विमानतळावर घुसला

26 वर्षीय अमर मोहसिन बॉक्सवालाने चेन्नईला जाणाऱ्या इंडिगो फ्लाईटच्या एक वर्षापूर्वीच्या तिकीटात हेराफेरी केली. त्यानंतर रविवारी सकाळी 11 वाजता तो पुणे विमानतळावर घुसला होता.

पोलिसांच्या माहितीनुसार, “त्याची गर्लफ्रेण्ड स्पाईसजेटच्या विमानतून पुण्याहून गोव्याला जात होती. सुरक्षा तपासणीतून गेल्यानंतर बॉक्सवाला डिपार्चर एरियामध्ये गेला. तिथे त्याने सीआयएसएफच्या कर्मचाऱ्याला मला चेन्नईला जायचं नाही. त्यामुळे बाहेर जाऊ द्या, अशी विनंती केली. प्रवास न करताच परतत असल्याने सीआयएसएफच्या कर्मचाऱ्याला त्याच्यावर संशय आला होता. एअरलाईन्सच्या काऊंटरवर जाऊन त्याच्या तिकीटाची तपासणी केली. तिकीट बनावट असल्याचं उघड झालं. त्यानंतर त्याला पोलिसांच्या ताब्यात देण्यात आलं. पोलिस त्याची चौकशी करत आहेत.”

स्पाईसजेटचं (SG 514) पुणे-गोवा विमान पुणे विमानतळावरुन 12.20 मिनिटांनी सुटणार होतं. तर चेन्नईला जाणारं (6E 302) हे इंडिगोचं विमान 1.50 मिनिटांनी उड्डाण करणार होतं. अमर मोहसिन बॉक्सवाला सकाळी 11 च्या सुमारास टर्मिनल बिल्डिंमध्ये घुसला, अशी माहिती विमानतळाच्या अधिकाऱ्यांनी दिली.

देशातील अतिमहत्त्वाचं पुणे विमानतळ

पुणे विमानतळ हे देशातील महत्त्वाचं विमानतळ मानलं जातं. इथली सुरक्षाव्यवस्था कडेकोट असते. पण तरुणाच्या प्रतापामुळे सुरक्षा यंत्रणेची पोलखोल झाली आहे. त्यासोबतच सुरक्षेच्या पद्धतींवरही प्रश्नचिन्ह उपस्थित केले आहे. वरिष्ठ अधिकाऱ्यांनी या प्रकाराचा अहवाल मागवला आहे.

First Published: Tuesday, 7 March 2017 12:31 PM

Related Stories

राष्ट्रपतीपदाच्या निवडणुकीसाठी मतांची आकडेवारी कशी?
राष्ट्रपतीपदाच्या निवडणुकीसाठी मतांची आकडेवारी कशी?

नवी दिल्ली : जुलैमधे राष्ट्रपतीपदाची निवडणूक होणार आहे.

सोलापुरात चार एकर शेती, 6 महिन्यात 40 लाखाची मिरची
सोलापुरात चार एकर शेती, 6 महिन्यात 40 लाखाची मिरची

सोलापूर : शेतीत राम नाही, असं सांगत गावाकडून शहरात नोकरीसाठी आलेली

कोल्हापूरमध्ये अल्पवयीन मुलींची वेश्या व्यवसायासाठी तस्करी
कोल्हापूरमध्ये अल्पवयीन मुलींची वेश्या व्यवसायासाठी तस्करी

कोल्हापूर : कोल्हापूर शहरात वेश्या व्यवसायासाठी अल्पवयीन मुलींची

नांदेडमधील दोन महिलांचं धैर्य, चोरट्यांना पिटाळून लावलं !
नांदेडमधील दोन महिलांचं धैर्य, चोरट्यांना पिटाळून लावलं !

नांदेड : घरात चोर शिरले, तर भल्या-भल्यांची बोलती बंद होते. मात्र

साईबाबा संस्थानाचा आत्महत्याग्रस्त शेतकऱ्यांच्या कुटुंबियांना मदतीचा हात
साईबाबा संस्थानाचा आत्महत्याग्रस्त शेतकऱ्यांच्या कुटुंबियांना...

शिर्डी : शिर्डी साईबाबा संस्थान राज्यातील आत्महत्याग्रस्त

एबीपी माझाचं व्हॉट्सअप बुलेटीन 27/03/2017
एबीपी माझाचं व्हॉट्सअप बुलेटीन 27/03/2017

  उन्हाच्या चटक्यांनी लोकांची काहिली, विदर्भात पारा 40 अंशाच्या

सोमवती यात्रेनिमित्त 'जय मल्हार'चा गजर, सोन्याची जेजुरी दुमदुमली
सोमवती यात्रेनिमित्त 'जय मल्हार'चा गजर, सोन्याची जेजुरी दुमदुमली

इंदापूर : महाराष्ट्राचं कुलदैवत असणाऱ्या खंडेरायाच्या सोमवती

27 वर्षीय विवाहितेचा संशयास्पद मृत्यू, पतीसह सासू-सासरे ताब्यात
27 वर्षीय विवाहितेचा संशयास्पद मृत्यू, पतीसह सासू-सासरे ताब्यात

लातूर : लातूरमध्ये 27 वर्षीय विवाहितेचा मृतदेह राहत्या घरी

राज्यात उन्हाने काहिली, मात्र हिट वेव्ह नाही : पुणे वेधशाळा
राज्यात उन्हाने काहिली, मात्र हिट वेव्ह नाही : पुणे वेधशाळा

पुणे : अजून चैत्र महिना सुरु झाला नसला तरी राज्यात वैशाख वणवा

पालिकेच्या नावे दिशाभूल, औरंगाबादेत 8 बोगस महिला डॉक्टर अटकेत
पालिकेच्या नावे दिशाभूल, औरंगाबादेत 8 बोगस महिला डॉक्टर अटकेत

औरंगाबाद : औरंगाबादमध्ये 8 बोगस महिला डॉक्टरांना महापालिकेच्या