बंगळुरुतून भारताविरुद्ध अफगाणिस्तानचं कसोटी पदार्पण?

बीसीसीआय आणि अफगाणिस्तान क्रिकेट बोर्डाच्या संयुक्त बैठकीत याबाबतची घोषणा होईल.

बंगळुरुतून भारताविरुद्ध अफगाणिस्तानचं कसोटी पदार्पण?

नवी दिल्ली : अफगाणिस्तानचा संघ कसोटी क्रिकेटमध्ये पदार्पणासाठी सज्ज आहे. अफगाणिस्तानचा पहिला कसोटी सामना भारताविरुद्ध होणार आहे. बंगळुरुत हा सामना खेळवला जाऊ शकतो. बीसीसीआय आणि अफगाणिस्तान क्रिकेट बोर्डाच्या संयुक्त बैठकीत याबाबतची घोषणा होण्याची शक्यता आहे.

भारत आणि अफगाणिस्तान यांच्यातला हा ऐतिहासिक कसोटी सामना यावर्षी जूनमध्ये खेळवला जाण्याची शक्यता आहे. अफगाणिस्तानचा पहिला कसोटी सामना भारताविरुद्ध होईल, अशी घोषणा बीसीसीआयने गेल्या महिन्यात म्हणजे डिसेंबर 2017 मध्ये केली होती.

आयर्लंडसोबत अफगाणिस्तानने गेल्या वर्षी जूनमध्ये कसोटी खेळण्यासाठी मान्यता मिळवली आहे. उभय देशांचे क्रिकेट बोर्ड आयसीसीचे पूर्णवेळ सदस्यही बनले आहेत. अफगाणिस्तानने गेल्या काही दिवसांपासून टी-20 आणि वन डेत शानदार प्रदर्शन केलं आहे.

आयसीसी रँकिंगमध्येही अफगाणिस्तान संघ टॉप 10 मध्ये आहे. टी-20 मध्ये अफगाणिस्तान 9 व्या, तर वन डे मध्ये अकराव्या स्थानावर आहे.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Afghanistan can debut in test cricket in bengaluru against India
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV