लिलावात सीएसकेची नजर अश्विनवर राहिल : धोनी

यंदा अकराव्या आयपीएलच्या निमित्तानं आठही संघांची नव्याने बांधणी होणार आहे.

लिलावात सीएसकेची नजर अश्विनवर राहिल : धोनी

मुंबई : आयपीएलच्या लिलावात चेन्नई सुपर किंग्सची नजर ऑफ स्पिनर रवीचंद्रन अश्विन राहिल, अशी कबुली कर्णधार महेंद्रसिंग धोनीनं दिली आहे. यंदा अकराव्या आयपीएलच्या निमित्ताने आठही संघांची नव्याने बांधणी होणार आहे.

चेन्नईने कर्णधार धोनीसह सुरेश रैना आणि रवींद्र जाडेजा या प्रमुख शिलेदारांना आपल्या ताफ्यात कायम राखलं आहे. यानंतर आपल्या पसंतीच्या खेळाडूंना संघात घेण्याची संधी ही आयपीएलच्या लिलावात मिळणार आहे. या लिलावात अश्विनला विकत घेण्यासाठी चेन्नईची चढा भाव देण्याची तयारी असल्याचं धोनीने स्पष्ट केलं.

यंदाच्या आयपीएल मोसमासाठी होणाऱ्या लिलावात एकूण 1122 खेळाडूंवर बोली लावली जाईल. लिलावात आपल्या नावाचा समावेश करण्यासाठी 12 जानेवारी ही अखेरची तारीख होती. भारतासह जगभरातील 1122 खेळाडू या लिलावात सहभागी होणार आहेत.

विविध राष्ट्रीय संघातील 281 आणि 838 युवा खेळाडूंचा यात समावेश असेल, ज्यामध्ये भारतातील 778 युवा खेळाडू असतील, तर इतर देशांमधील तीन खेळाडू आहेत. 27 आणि 28 जानेवारीला बंगळुरुत लिलाव प्रक्रिया पार पडणार आहे.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: CSK eye on r ashwin in IPL auction says ms dhoni
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV