मुंबई इंडियन्सचा सलग तिसरा पराभव, दिल्लीचा पहिलावहिला विजय

जेसन रॉयच्या नाबाद 91 धावांच्या खेळीच्या जोरावर दिल्ली डेअरडेव्हिल्सनं आयपीएलच्या सामन्यात मुंबई इंडियन्सचा सात विकेट्सनी धुव्वा उडवला.

मुंबई इंडियन्सचा सलग तिसरा पराभव, दिल्लीचा पहिलावहिला विजय

मुंबई : जेसन रॉयच्या नाबाद 91 धावांच्या खेळीच्या जोरावर दिल्ली डेअरडेव्हिल्सनं आयपीएलच्या सामन्यात मुंबई इंडियन्सचा सात विकेट्सनी धुव्वा उडवला. वानखेडे स्टेडियमवरचा हा सामना अखेरच्या चेंडूपर्यंत रंगला.

दिल्लीनं हा सामना जिंकून मोसमातला पहिला विजय साजरा केला. मुंबईचा हा सलग तिसरा पराभव ठरला. मुंबईनं दिल्लीला विजयासाठी 195 धावांचं तगडं आव्हान दिलं होतं. पण दिल्लीनं ते आव्हान अवघ्या तीन विकेट्सच्या मोबदल्यात पार केलं.

दिल्लीकडून सलामीच्या जेसन रॉयनं सहा चौकार आणि सहा षटकारांसह नाबाद 91 धावांची खेळी केली. त्याआधी सूर्यकुमार यादव आणि एविन लुईसच्या शतकी भागिदारीच्या जोरावर मुंबई इंडियन्सनं सात बाद 194 अशी मजल मारली होती.

सलगच्या तीन पराभवामुळे मुंबई इंडियन्स गुणतालिकेत सर्वात खालच्या स्थानावर गेलं आहे. तर दिल्लीने पहिलाच विजय मिळवल्याने त्यांचा आत्मविश्वास चांगलाच दुणावला आहे.

क्रीडा शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा. तसंच आमचं Marathi News App डाऊनलोड करा!
Web Title: Delhi Daredevils Beat Mumbai Indians By 7 Wickets latest update
Find Marathi News from Mumbai, Pune, Nashik, Politics, Technology, Sports, Bollywood, Agriculture. याशिवाय आणखी काही रंजक बातम्या
First Published:
LiveTV